JANMABHUMI DAILY http://www.janmabhumidaily.com/jnb Kerala News|National News|International News Fri, 18 May 2012 15:56:29 +0000 en hourly 1 http://wordpress.org/?v=3.1.3 അറസ്റ്റിലായ സിപിഎം ഓഫീസ്‌ സെക്രട്ടറി നിരവധി കേസുകളിലെ പ്രതി http://www.janmabhumidaily.com/jnb/?p=55877 http://www.janmabhumidaily.com/jnb/?p=55877#comments Fri, 18 May 2012 15:56:29 +0000 admin http://www.janmabhumidaily.com/jnb/?p=55877 കണ്ണൂര്‍: ചന്ദ്രശേഖരന്‍ വധക്കേസുമായി ബന്ധപ്പെട്ട്‌ കഴിഞ്ഞദിവസം അറസ്റ്റിലായ സിപിഎം കൂത്തുപറമ്പ്‌ ഏരിയാകമ്മറ്റി ഓഫീസ്‌ സെക്രട്ടറി സി.ബാബു നിരവധി കേസുകളില്‍ പ്രതിയാണെന്ന്‌ സൂചന. കൂത്തുപറമ്പിനടുത്ത മാലൂര്‍ സ്വദേശിയാണ്‌ അറസ്റ്റിലായ ബാബു. വര്‍ഷങ്ങള്‍ക്കുമുമ്പ്‌ നടന്ന കൂത്തുപറമ്പ്‌ വെടിവെപ്പില്‍ അഞ്ച്‌ ഡിവൈഎഫ്‌ഐ പ്രവര്‍ത്തകര്‍ മരിച്ചതിനെ തുടര്‍ന്നുണ്ടായ അക്രമ സംഭവങ്ങളില്‍ ബാബു പങ്കാളിയായിരുന്നു.

പൊതുമുതല്‍ നശിപ്പിച്ചതിന്‌ നിരവധി കേസില്‍ പ്രതിയായ ബാബു സ്വന്തം നാട്ടില്‍ നിന്നും താമസം മാറ്റി ആയിരത്തറ എന്ന സ്ഥലത്ത്‌ ഒരു ബന്ധുവീട്ടില്‍ താമസമാക്കുകയായിരുന്നു. അതിന്‌ ശേഷം ഈ പ്രദേശം കേന്ദ്രീകരിച്ചാണ്‌ ബാബു തന്റെ പ്രവര്‍ത്തനങ്ങള്‍ നടത്തിയിരുന്നതെന്ന്‌ പറയപ്പെടുന്നു.

നാട്ടിലുള്ള വിവാഹമുള്‍പ്പെടെയുള്ള പൊതുചടങ്ങുകളിലൊന്നും തന്നെ ബാബു പങ്കെടുത്തിരുന്നില്ലെന്ന്‌ നാട്ടുകാര്‍ പറയുന്നു. പങ്കെടുക്കുന്ന പൊതുചടങ്ങുകളില്‍ തന്നെ ഫോട്ടോയില്‍ പതിയാതിരിക്കാന്‍ പ്രത്യേകം ശ്രദ്ധിക്കാറുണ്ടത്രെ. ഒരു വിവാഹ ചടങ്ങില്‍ വീഡിയോവില്‍ പകര്‍ത്തിയതിന്‌ വീഡിയോഗ്രാഫറെ പാര്‍ട്ടി പ്രവര്‍ത്തകര്‍ ഭീഷണിപ്പെടുത്തിയ സംഭവവും ഉണ്ടായിട്ടുണ്ട്‌.

1999ല്‍ ആര്‍എസ്‌എസ്‌ പ്രവര്‍ത്തകന്‍ പാറായി ശശിയെ ബോംബെറിഞ്ഞ്‌ കൊലപ്പെടുത്തിയ കേസില്‍ ബാബുവും പ്രതിയായിരുന്നു. ഇതിനെ തുടര്‍ന്ന്‌ ബാബു ആയിരത്തറയില്‍ നിന്നും താമസം മാറ്റുകയായിരുന്നു. പ്രസ്തുത കേസ്‌ തലശ്ശേരി സെഷന്‍സ്‌ കോടതി വെറുതെ വിട്ടിരുന്നുവെങ്കിലും ഹൈക്കോടതി പുനര്‍വിചാരണക്ക്‌ ഉത്തരവിട്ടിരിക്കുകയാണ്‌.

ചന്ദ്രശേഖരന്റെ കൊലപാതകത്തിനുശേഷം കൊലപാതക സംഘത്തിലെ രണ്ടുപേരെ സിപിഎം ഏരിയാ കമ്മറ്റി ഓഫീസിന്‌ സമീപം ഓട്ടോറിക്ഷയില്‍ ഇറക്കി വിട്ടതായി അറസ്റ്റിലായ കതിരൂര്‍ മൂര്‍ക്കോളി സനീഷ്‌ പോലീസിനോട്‌ പറഞ്ഞിരുന്നു. ഇതിന്റെ അടിസ്ഥാനത്തിലാണ്‌ ബാബുവിന്റെ അറസ്റ്റ്‌ നടന്നത്‌. ബാബുവിനെ വിശദമായി ചോദ്യം ചെയ്യുന്നതിലൂടെ പ്രതികളെ ഒളിപ്പിച്ചതുമായി ബന്ധപ്പെട്ട വിവരങ്ങള്‍ ലഭിക്കുമെന്നാണ്‌ പോലീസ്‌ പ്രതീക്ഷിക്കുന്നത്‌.

ബാബുവിനെ വിശദമായി ചോദ്യം ചെയ്താല്‍ ചന്ദ്രശേഖരന്‍ വധത്തിന്റെ കൂടുതല്‍ വിവരങ്ങള്‍ പുറത്തുവരുമെന്ന ഭയത്താല്‍ അതിന്‌ തടയിടാനായാണ്‌ സിപിഎം നേതാവ്‌ എം.വി.ജയരാജന്‍ വടകര പോലീസ്‌ സ്റ്റേഷനുമുന്നില്‍ ധര്‍ണ്ണ നടത്തിയതെന്നും പറയുന്നു. ഒടുവില്‍ സിപിഎം കണ്ണൂര്‍ ലോബിയുടെ സമ്മര്‍ദ്ദത്തെ തുടര്‍ന്ന്‌ ബാബുവിനെ ജാമ്യത്തില്‍ വിടാന്‍ പോലീസ്‌ നിര്‍ബന്ധിതരായെങ്കിലും തുടര്‍ നടപടികള്‍ ഉണ്ടാകുമെന്നാണ്‌ സൂചന.

സ്വന്തം ലേഖകന്‍



]]> http://www.janmabhumidaily.com/jnb/?feed=rss2&p=55877 0 സിബിഐ അന്വേഷിക്കുമെന്ന്‌ പറഞ്ഞതിന്റെ പൊരുള്‍ മുല്ലപ്പള്ളി വ്യക്തമാക്കണമെന്ന്‌ പന്ന്യന്‍ http://www.janmabhumidaily.com/jnb/?p=55875 http://www.janmabhumidaily.com/jnb/?p=55875#comments Fri, 18 May 2012 15:54:22 +0000 admin http://www.janmabhumidaily.com/jnb/?p=55875 പത്തനംതിട്ട: ടി.പി ചന്ദ്രശേഖരന്‍ വധക്കേസില്‍ സി.ബി.ഐ അന്വേഷണം നടത്താമെന്ന്‌ കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്‍ പറഞ്ഞതിന്റെ പൊരുള്‍ അദ്ദേഹം വ്യക്തമാക്കണമെന്ന്‌ സി.പി.ഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍ പറഞ്ഞു. പത്തനംതിട്ടയില്‍ മീറ്റ്‌ ദ പ്രസ്‌ പരിപാടിയില്‍ സംസാരിക്കുകയായിരുന്നു അദ്ദേഹം.

കേരളാ പോലീസിന്റെ അന്വേഷണം ഇഷ്ടപ്പെടാത്തതുകൊണ്ടാണോ അതോ അതില്‍ വിശ്വാസമില്ലാത്തതുകൊണ്ടാണോ ഇത്തരം അഭിപ്രായം പറഞ്ഞത്‌. കേരളാ പോലീസിന്റെ അന്വേഷണത്തില്‍ വിശ്വാസമില്ലെങ്കില്‍, അന്വേഷണം ബോധ്യപ്പെടുന്നില്ലെങ്കില്‍ കേന്ദ്ര ആഭ്യന്തര സഹമന്ത്രി അക്കാര്യം പരസ്യമായി പറയുകയാണ്‌ വേണ്ടത്‌. കേരളത്തിലെ മുഴുവന്‍ ജനതയുടേയും വികാരമുള്‍ക്കൊള്ളുന്ന ഒരു കേസിനെപ്പറ്റി കേന്ദ്രമന്ത്രി വെറുതേ പറയരുത്‌. വാചാപ്രസംഗമല്ല ക്രിയാത്മക നടപടികളാണാവശ്യം.

കേരളത്തിലെ പോലീസിന്റെ അന്വേഷണം ശരിയായ വഴിയല്ല എന്നു തുറന്നു പറയാന്‍ മുല്ലപ്പള്ളിക്ക്‌ തന്റേടമുണ്ടോ എന്നാണ്‌ അറിയേണ്ടത്‌. വെറുതേ ആളേപ്പറ്റിക്കാന്‍ എന്തും പറയരുത്‌. ചന്ദ്രശേഖരന്‍ വധക്കേസില്‍ സുതാര്യമായ അന്വേഷണം വേണം. കുറ്റവാളി ആരായാലും നിയമത്തിന്റെ മുന്നില്‍ കൊണ്ടുവരണം. കൊലപാതകം രാഷ്ട്രീയ പ്രവര്‍ത്തനമല്ല. അത്‌ കാടത്തമാണ്‌. രാഷ്ട്രീയത്തില്‍ അത്‌ അന്യമാണ്‌. നെയ്യാറ്റിന്‍കരയില്‍ ചന്ദ്രശേഖരന്റെ കൊലപാതകം വിറ്റ്‌ വോട്ടാക്കാനാണ്‌ യു.ഡി.എഫ്‌ ശ്രമിക്കുന്നത്‌. ഇത്‌ നീചമാണ്‌.

സംസ്ഥാനത്ത്‌ നിലനില്‍ക്കുന്ന മത സൗഹാര്‍ദ്ദത്തിന്റെ കടയ്ക്കല്‍ തീക്കനല്‍ കോരിയിടുകയാണ്‌ യു.ഡി.എഫ്‌ സര്‍ക്കാര്‍. മുസല്‍മാന്‌ കൂടുതല്‍ ആനുകൂല്യം കിട്ടാനാണ്‌ ലീഗീന്‌ അഞ്ചു മന്ത്രിമാരെകൊടുത്തതെന്നാണ്‌ പറയുന്നത്‌. അധികാരം എന്നാല്‍ പണംഉണ്ടാക്കാനുള്ള കുറുക്കുവഴിയും കച്ചവടം പാരമ്പര്യമായുള്ള ലീഗ്‌ സംസ്ഥാനത്തെ വിദ്യാഭ്യാസം ഹരിതവല്‍ക്കരിച്ചിരിക്കുകയാണ്‌.

കമ്മ്യൂണിസ്റ്റ്‌ പാര്‍ട്ടികളുടെ അവസാനത്തെ വാക്ക്‌ അതിന്റെ സെക്രട്ടറിയുടേതാണ്‌ എന്നും അദ്ദേഹം പറഞ്ഞു. സി.പി.ഐ ജില്ലാ സെക്രട്ടറി പി.പ്രസാദും അദ്ദേഹത്തൊടൊപ്പമുണ്ടായിരുന്നു.



]]> http://www.janmabhumidaily.com/jnb/?feed=rss2&p=55875 0 മാധ്യമങ്ങള്‍ക്കും അന്വേഷണ ഉദ്യോഗസ്ഥര്‍ക്കുമെതിരെ സിപിഎം http://www.janmabhumidaily.com/jnb/?p=55871 http://www.janmabhumidaily.com/jnb/?p=55871#comments Fri, 18 May 2012 15:53:54 +0000 admin http://www.janmabhumidaily.com/jnb/?p=55871 കോഴിക്കോട്‌: മാധ്യമങ്ങള്‍ക്കും അന്വേഷണ ഉദ്യോഗസ്ഥര്‍ക്കുമെതിരെ വീണ്ടും സിപിഎം. ടി.പി. ചന്ദ്രശേഖരന്‍ വധക്കേസ്‌ അന്വേഷിക്കുന്ന ഉദ്യോഗസ്ഥരിലെ ഒരു വിഭാഗവും ഒരുവിഭാഗം മാധ്യമങ്ങളും ക്വട്ടേഷന്‍ സംഘത്തെപ്പോലെ പ്രവര്‍ത്തിക്കുകയാണെന്ന്‌ സിപിഎം സംസ്ഥാന സെക്രട്ടറിയേറ്റ്‌ അംഗം എളമരം കരീം. ചന്ദ്രശേഖരന്‍ വധം സിപിഎമ്മിന്റെ തലയില്‍ കെട്ടിവെക്കാന്‍ ക്വട്ടേഷന്‍ എടുത്തപോലെയാണ്‌ കാര്യങ്ങളെന്നും എളമരം കരീം ആരോപിച്ചു. കോഴിക്കോട്‌ ജില്ലാകമ്മറ്റി ഓഫീസില്‍ വിളിച്ചുചേര്‍ത്ത പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം. ഇപ്പോള്‍ പിടിയിലായ പാര്‍ട്ടിപ്രവര്‍ത്തകര്‍ പോലീസ്‌ പറഞ്ഞത്പ്രകാരം കുറ്റക്കാരോ നിരപരാധികളാണോ എന്ന്‌ പറയുന്നില്ല.

പാര്‍ട്ടി നിലപാടിന്‌ വിരുദ്ധമായി ചെയ്തെന്ന്‌ ബോധ്യമായാല്‍ മടിച്ചുനില്‍ക്കില്ല. മാധ്യമങ്ങള്‍ക്ക്‌ യു.ഡി.എഫ്‌. ക്വട്ടേഷന്‍ നല്‍കിയിരിക്കുകയാണ്‌. കേന്ദ്ര ആഭ്യന്തരമന്ത്രി മുല്ലപ്പള്ളി രാമചന്ദ്രനെതിരെ രൂക്ഷവിമര്‍ശനമാണ്‌ എളമരംകരീം ഉന്നയിച്ചത്‌. മുല്ലപ്പള്ളി പോലീസ്‌ ഉദ്യോഗസ്ഥര്‍ക്ക്‌ കര്‍ശന നിര്‍ദ്ദേശം നല്‍കുകയാണെന്ന്‌ അദ്ദേഹം പറഞ്ഞു. കേന്ദ്രആഭ്യന്തരമന്ത്രി സ്ഥാനത്തിരിക്കാന്‍ മുല്ലപ്പള്ളിക്ക്‌ അര്‍ഹതയില്ല. പദവിക്ക്‌ യോജിക്കാത്ത രീതിയിലാണ്‌ മുല്ലപ്പള്ളി പ്രവര്‍ത്തിക്കുന്നത്‌. പാര്‍ട്ടിയെ തകര്‍ക്കാനുള്ള ഗൂഢാലോചനയാണ്‌ നടക്കുന്നതെന്നും അദ്ദേഹം കൂട്ടിച്ചേര്‍ത്തു. ജില്ലാസെക്രട്ടറിയേറ്റ്‌ അംഗങ്ങളായ എം.ഭാസ്കരന്‍, എം. മെഹബൂബ്‌, കെ.ചന്ദ്രന്‍ എന്നിവരും പങ്കെടുത്തു.


]]> http://www.janmabhumidaily.com/jnb/?feed=rss2&p=55871 0 ഒബാമ -സര്‍ദാരി ഉഭയകക്ഷി ചര്‍ച്ച ഉണ്ടാകില്ലെന്ന്‌ യുഎസ്‌ http://www.janmabhumidaily.com/jnb/?p=55870 http://www.janmabhumidaily.com/jnb/?p=55870#comments Fri, 18 May 2012 15:53:31 +0000 admin http://www.janmabhumidaily.com/jnb/?p=55870 വാഷിങ്ങ്ടണ്‍: ഷിക്കാഗോയില്‍ നടക്കാനിരിക്കുന്ന നാറ്റോ ഉച്ചകോടിയില്‍ പാക്ക്‌ പ്രസിഡന്റ്‌ ആസിഫ്‌ അലി സര്‍ദാരിയും യുഎസ്‌ പ്രസിഡന്റ്‌ ബരാക്ക്‌ ഒബാമയും ഉഭയകക്ഷി ചര്‍ച്ച ഉണ്ടാകില്ലെന്ന്‌ യുഎസ്‌ വ്യത്തങ്ങള്‍.ഇരുവരും തമ്മില്‍ കൂടിക്കാഴ്ച്ച നടത്തുന്ന കാര്യത്തില്‍ ഇതുവരെ തീരുമാനമായിട്ടില്ലെന്ന്‌ യുഎസ്‌ ദേശീയ സുരക്ഷാ ഉപദേഷ്ടാവ്‌ ടോം ഡോണിലോണ്‍ പറഞ്ഞു.61 രാജ്യങ്ങള്‍ പങ്കെടുക്കുന്ന ഉച്ചകോടിയില്‍ പ്രത്യേകിച്ച്‌ ഒരു രാജ്യങ്ങളിലെ നേതാക്കളുമായി ചര്‍ച്ച നടത്തുന്ന കാര്യം തീരുമാനിച്ചിട്ടില്ലെന്നും അദ്ദേഹം പറഞ്ഞു.

അഫ്ഗാനിലെ നാറ്റോ സൈനികര്‍ക്ക്‌ അവശ്യ സാധനങ്ങള്‍ എത്തിച്ചുകൊടുക്കുന്ന നാറ്റോ പാതക്ക്‌ പാക്കിസ്ഥാന്‍ ഏര്‍പ്പെടുത്തിയിരിക്കുന്ന ഉപരോധം പിന്‍വലിക്കുന്നതു സംബന്ധിച്ച്‌ ചര്‍ച്ചയില്‍ കാര്യമായ പുരോഗതി ഉണ്ടാകുമെന്നാണ്‌ പ്രതീക്ഷയെന്നും മാധ്യമപ്രവര്‍ത്തകരുടെ ചോദ്യത്തിന്‌ മറുപടിയായി ഡോണിലോണ്‍പറഞ്ഞു.എന്നാല്‍ ഇതു സംബന്ധിച്ച്‌ അന്തിമ തീരുമാനം എടുത്തിട്ടില്ലെന്നും അദ്ദേഹം കൂട്ടിച്ചേര്‍ത്തു.കഴിഞ്ഞ വര്‍ഷം നവംബറിലുണ്ടായ നാറ്റോ സേനയുടെ വ്യോമാക്രമണത്തില്‍ 24 പാക്‌ സൈനികര്‍ കൊല്ലപ്പെട്ടതിനെതുടര്‍ന്നാണ്‌ നാറ്റോ പാത അടച്ചിടുന്നത്‌.

എന്നാല്‍ നാറ്റോ പാത തുറക്കുന്നതു സംബന്ധിച്ച്‌ ഇതുവരെ ഒരു ഉടമ്പടിയിലും ഒപ്പുവച്ചിട്ടില്ലെന്ന്‌ സ്റ്റേറ്റ്‌ ഡിപ്പാര്‍ട്ട്മെന്റ്‌ വക്താവ്‌ വിക്ടോറിയ നുളന്റ്‌ മറ്റൊരു വാര്‍ത്താ സമ്മേളനത്തില്‍ പറഞ്ഞു.

അതേസമയം, 2014 ല്‍ അഫ്ഗാനില്‍ നിന്നുള്ള യുഎസിന്റേയും സഖ്യസേനയുടെയും പിന്മാറ്റം നാറ്റോ ഉച്ചകോടിയില്‍ മുഖ്യ ചര്‍ച്ചാ വിഷയമാകുമെന്ന്‌ വൈതൗസ്‌ വ്യത്തങ്ങള്‍ അറിയിച്ചു.തുടര്‍ന്ന്‌ അഫ്ഗാനില്‍ സ്വീകരിക്കേണ്ട നയങ്ങളും ചര്‍ച്ച ചെയ്യുമെന്ന്‌ വ്യത്തങ്ങള്‍ അറിയിച്ചു.

സൈനീക പിന്മാറ്റത്തിനു സ്വീകരിക്കേണ്ട നടപടികള്‍,അഫ്ഗാന്‍ ദേശീയസൈന്യത്തിന്‌ സുരക്ഷകൈമാറ്റം സംബന്ധിച്ചുള്ള കരാറുകള്‍ എന്നിവ സംബന്ധിച്ചും ചര്‍ച്ചചെയ്യും.നാറ്റോ ഉച്ചകോടി അഫ്ഗാന്റെ ചരിത്രത്തിലെ ഏറ്റവും വലിയ വഴിത്തിരിവാകുമെന്നും,അഫ്ഗാനില്‍ സമാധാനം പുന:സ്ഥാപിക്കുവാനുള്ള യുഎസ്‌ ശ്രമങ്ങളായിരിക്കും നാറ്റോ ഉച്ചകോടിയില്‍ പ്രതിഫലിക്കുകയെന്നും യുഎസ്‌ ദേശീയ സുരക്ഷാ വക്താവ്‌ ടോം ഡോണിലോണ്‍ പറഞ്ഞു.

ഈ മാസം 20,21 തീയതികളിലാണ്‌ നാറ്റോ ഉച്ചകോടി നടക്കാനിരിക്കുന്നത്‌.പാക്‌ പ്രസിഡന്റ്‌ ആസിഫ്‌ അലി സര്‍ദാരി ഉച്ചകോടിയില്‍ പങ്കെടുക്കുമെന്ന്‌ നേരത്തെ അറിയിച്ചിരുന്നു.

ഇതിനിടെ, നാറ്റോ ഉച്ചകോടിയില്‍ പങ്കെടുക്കുന്നതിനായി പാക്ക്‌ പ്രസ്ഡന്റ്‌ ആസിഫ്‌ അലി സര്‍ദാരി യുഎസിലേക്ക്‌ യാത്രതിരിച്ചതായി റിപ്പോര്‍ട്ട്‌.നാറ്റോ സെക്രട്ടറി ജനറല്‍ ആന്‍ഡേഴ്സ്‌ ഫോഗ്‌ റാസ്മുസന്റെ ക്ഷണപ്രകാരമാണ്‌ 25-ാ‍മത്‌ നാറ്റോ ഉച്ചകോടിയില്‍ പങ്കെടുക്കുന്നതിനായി സര്‍ദാരി യാത്ര തിരിച്ചത്‌.ക്യാബിനറ്റിന്റെ പ്രതിരോധകമ്മിറ്റിയടേയും ഫെഡറല്‍ ക്യാബിനറ്റിന്റെയും യോഗത്തിനുശേഷമാണ്‌ സര്‍ദാരി ഉച്ചകോടിയില്‍ പങ്കെടുക്കുന്ന കാര്യത്തില്‍ തീരുമാനമായത്‌.

നവംബറില്‍ നാറ്റോ സേനയുടെ ആക്രമണത്തില്‍ 24 പാക്‌ സൈനികര്‍ കൊല്ലപ്പെട്ടതിനുശേഷം നാറ്റോപാത അടച്ചിരുന്നു.നാറ്റോപ്പാത തുറക്കുന്നത്‌ പാക്ക്‌ സര്‍ക്കാരിന്റെ താല്‍പ്പര്യമാണെന്ന്‌ വിദേശകാര്യമന്ത്രി ഹിന റബ്ബാനി ഖര്‍ കഴിഞ്ഞ ദിവസം പറഞ്ഞിരിന്നു.ഇക്കാര്യത്തില്‍ പാര്‍ലമെന്റായിരിക്കും പരിഹാരം കാണുകയെന്നും ഒരു ടിവി ചാനലിനു നല്‍കിയ അഭിമുഖത്തില്‍ ഹിന പറഞ്ഞു.ഈ വിഷയത്തില്‍ യുഎസ്‌ ക്ഷമാപണം നടത്താന്‍ തയ്യാറാകണമെന്നും വ്യോമാക്രമണങ്ങള്‍ യുഎസ്‌ നിര്‍ത്തിവക്കണമെന്നും അതാണ്‌ പാക്കിസ്ഥാന്റെ ആവശ്യമെന്നും അവര്‍ കൂട്ടിച്ചേര്‍ത്തു.

എന്നാല്‍ നവംബറിലെ ആക്രമണത്തിനുശേഷം യുഎസ്‌ പാക്ക്‌ ബന്ധത്തില്‍ വിള്ളല്‍ വീണിരുന്നു.നാറ്റോ ഉച്ചകോടിയില്‍ എല്ലാ പ്രശ്നങ്ങള്‍ക്കും സമവായം കാണാനാകുമെന്നാണ്‌ ഇരു രാഷ്ട്രങ്ങളുടെയും പ്രതീക്ഷ.



]]> http://www.janmabhumidaily.com/jnb/?feed=rss2&p=55870 0 സാഗ്മയ്ക്ക്‌ പിന്തുണ: നിലപാട്‌ വ്യക്തമാക്കാതെ എന്‍സിപി http://www.janmabhumidaily.com/jnb/?p=55866 http://www.janmabhumidaily.com/jnb/?p=55866#comments Fri, 18 May 2012 14:57:45 +0000 admin http://www.janmabhumidaily.com/jnb/?p=55866 ന്യൂദല്‍ഹി:മുന്‍ ലോക്സഭാസ്പീക്കര്‍ പി.എ.സാംഗ്മയെ രാഷ്ട്രപതിസ്ഥാനാര്‍ത്ഥിയായി പിന്‍തുണയ്ക്കുമെന്ന്‌ തമിഴ്‌നാട്‌ മുഖ്യമന്ത്രി ജെ.ജയലളിത. ജയലളിത സാംഗ്മയ്ക്ക്‌ പിന്‍തുണ നല്‍കുമെന്ന്‌ ബിജെഡി നേതാവും ഒറീസ മുഖ്യമന്ത്രിയുമായ നവീന്‍ പട്നായിക്‌ കഴിഞ്ഞ ദിവസം വ്യക്തമാക്കിയിരുന്നു. രാഷ്ട്രീയത്തിന്‌ അതീതമായി ചിന്തിച്ച്‌ ഗോത്രവര്‍ഗ്ഗവിഭാഗത്തില്‍പ്പെട്ട സാംഗ്മയ്ക്ക്‌ പിന്‍തുണ നല്‍കണമെന്ന്‌ ജയലളിത മറ്റ്‌ രാഷ്ട്രീയപാര്‍ട്ടികളോട്‌ അഭ്യര്‍ത്ഥിച്ചു. അതേസമയം സാംഗ്മയുടെ സ്വന്തം പാര്‍ട്ടിയായ എന്‍സിപി ഇക്കാര്യത്തില്‍ വ്യക്തമായ നിലപാട്‌ സ്വീകരിച്ചിട്ടില്ല. തീരുമാനം യുപിഎ നിലപാടിനെ ആശ്രയിച്ചിരിക്കുമെന്ന്‌ എന്‍സിപി നേതാവും കേന്ദ്രമന്ത്രിയുമായ ശരദ്‌ പവാര്‍ അറിയിച്ചതായി സാംഗ്മ പറഞ്ഞു. പവാറിനെ അനുകൂലിക്കുന്ന നിലപാടാണ്‌ മുതിര്‍ന്ന നേതാവ്‌ പ്രഫുല്‍ പട്ടേലും സ്വീകരിക്കുന്നത്‌.

2004 മുതല്‍ യുപിഎ സര്‍ക്കാരിലെ പ്രധാനസഖ്യകക്ഷിയാണ്‌ എന്‍സിപി. 2009 മുതല്‍ മഹാരാഷ്ട്രയില്‍ കോണ്‍ഗ്രസും എന്‍സിപിയും അധികാരം പങ്കിടുന്നുമുണ്ട്‌. രാഷ്ട്രപതിസ്ഥാനാര്‍ത്ഥിത്തവുമായി ബന്ധപ്പെട്ട്‌ ശരദ്‌ പവാരര്‍ നേരത്തെ യുപിഎ അധ്യക്ഷ സോണിയാഗാന്ധിയുമായി ചര്‍ച്ച നടത്തിയിരുന്നു. ന്യൂനപക്ഷങ്ങളായ മുസ്ലീം, ദളിത്‌ വിഭാഗങ്ങളില്‍ നിന്നുള്ളവര്‍ രാഷ്ട്രപതിയായ സ്ഥിതിക്ക്‌ അടുത്ത അവസരം ഗോത്രവര്‍ഗ്ഗത്തില്‍ നിന്നുള്ള വ്യക്തിക്ക്‌ നല്‍കണമെന്ന്‌ ആവശ്യപ്പെട്ട്‌ സാംഗ്മ വിവിധ രാഷ്ട്രീയപാര്‍ട്ടി നേതാക്കളുമായി ചര്‍ച്ച നടത്തിയിരുന്നു.

ജൂലൈയിലാണ്‌ രാഷ്ട്രപതി തെരഞ്ഞെടുപ്പ്‌ നടക്കുന്നത്‌. എന്നാല്‍ തീയതി നിശ്ചയിച്ചിട്ടില്ല. സ്ഥാനാര്‍ത്ഥിയുടെ കാര്യത്തില്‍ കോണ്‍ഗ്രസ്‌ ഉള്‍പ്പെടെയുള്ള പാര്‍ട്ടികള്‍ ഇതുവരെ അന്തിമതീരുമാനം എടുത്തിട്ടില്ല. കേന്ദ്രധനമന്ത്രി പ്രണബ്‌ മുഖര്‍ജി, ഉപരാഷ്ട്രപതി ഹമീദ്‌ അന്‍സാരി എന്നിവരുടെ പേരുകളാണ്‌ കോണ്‍ഗ്രസില്‍ നിന്ന്‌ ഉയരുന്നത്‌. അതേസമയം കോണ്‍ഗ്രസ്‌ സ്ഥാനാര്‍ത്ഥിയെ അംഗീകരിക്കില്ലെന്ന്‌ ബിജെപി വ്യക്തമാക്കിയിട്ടുണ്ട്‌.


]]> http://www.janmabhumidaily.com/jnb/?feed=rss2&p=55866 0 ഗുജറാത്ത്‌ ഗവര്‍ണ്ണര്‍ ഭൂമി കയ്യേറിയെന്ന്‌ ബിജെപി; സഭയില്‍ ബഹളം http://www.janmabhumidaily.com/jnb/?p=55861 http://www.janmabhumidaily.com/jnb/?p=55861#comments Fri, 18 May 2012 14:19:53 +0000 admin http://www.janmabhumidaily.com/jnb/?p=55861 ന്യൂദല്‍ഹി: ഗുജറാത്ത്‌ ഗവര്‍ണ്ണര്‍ കമലാദേവി ബെനിവാല്‍ അനധികൃതമായി ഭൂമി കൈവശപ്പെടുത്തിയെന്ന്‌ ആരോപിച്ച്‌ രാജ്യസഭയില്‍ പ്രതിപക്ഷപ്രതിഷേധം. ഇതേത്തുടര്‍ന്ന്‌ സഭ രണ്ട്‌ തവണ നിര്‍ത്തി വച്ചു. ചോദ്യോത്തരവേള നിര്‍ത്തി വച്ച്‌ പ്രശ്നം ചര്‍ച്ച ചെയ്യണമെന്ന ബിജെപിയുടെ ആവശ്യം സ്പീക്കര്‍ ഹമീദ്‌ അന്‍സാരി നിരസിച്ചതിനെത്തുടര്‍ന്നായിരുന്നു ബഹളം. അഴിമതി നടത്തിയ ഗവര്‍ണ്ണറെ തിരിച്ചു വിളിക്കണമെന്ന്‌ ബിജെപി അംഗങ്ങള്‍ ആവശ്യപ്പെട്ടു. സഭ വീണ്ടും ചേര്‍ന്നപ്പോഴും ബിജെപി അംഗങ്ങള്‍ മുദ്രാവാക്യം മുഴക്കി. ഇതേത്തുടര്‍ന്ന്‌ രണ്ടാമതും സഭ നിര്‍ത്തി വച്ചു.

വ്യാജരേഖ ചമച്ച്‌ രാജസ്ഥാനില്‍ കോടികള്‍ വിലമതിക്കുന്ന ഭൂമിയാണ്‌ ഗവര്‍ണ്ണര്‍ കൈവശപ്പെടുത്തിയിരിക്കുന്നതെന്നും പ്രശ്നം വളരെ ഗൗരവമായി കാണണമെന്നും ബിജെപി നേതാവ്‌ മുക്താര്‍ അബ്ബാസ്‌ നഖ്‌ വി പറഞ്ഞു. സംഭവത്തില്‍ ഹൈക്കോടതി ജഡ്ജിയുടെ നേതൃത്വത്തില്‍ അന്വേഷണം നടത്തണമെന്നും അദ്ദേഹം ആവശ്യപ്പെട്ടു.



]]> http://www.janmabhumidaily.com/jnb/?feed=rss2&p=55861 0 കാര്‍ഷിക വികസനത്തിന്‌ ഉന്നതാധികാരസമിതി: മോഡി http://www.janmabhumidaily.com/jnb/?p=55860 http://www.janmabhumidaily.com/jnb/?p=55860#comments Fri, 18 May 2012 14:19:06 +0000 admin http://www.janmabhumidaily.com/jnb/?p=55860 സൂറത്ത്‌:കാര്‍ഷികമേഖല ശക്തമാക്കാനും കൃഷി അടിസ്ഥാനമാക്കിയുള്ള വ്യവസായങ്ങള്‍ പ്രോത്സാഹിപ്പിക്കാനുമായി സംസ്ഥാനത്ത്‌ ഉന്നതതലസമിതി രൂപീകരിക്കുമെന്ന്‌ ഗുജറാത്ത്‌ മുഖ്യമന്ത്രി നരേന്ദ്രമോഡി. കാര്‍ഷിക വിദഗ്ദ്ധര്‍, ഗവേഷകര്‍, കൃഷിക്കാര്‍, സര്‍ക്കാര്‍ ഉദ്യോഗസ്ഥര്‍ എന്നിവരെ ഉള്‍പ്പെടുത്തിയായിരിക്കും സമിതി രൂപീകരിക്കുന്നത്‌. കാര്‍ഷികരംഗത്ത്‌ വരും വര്‍ഷങ്ങളില്‍ നടപ്പാക്കേണ്ട പദ്ധതിരേഖ സമിതി തയ്യാറാക്കും.

കാര്‍ഷികോത്പന്നങ്ങളുടെ സംഭരണം, പാക്കിംഗ്‌, പച്ചക്കറികള്‍ കേട്‌ കൂടാതെ സംരക്ഷിക്കാനുള്ള മാര്‍ഗ്ഗങ്ങള്‍ ഇവ ഫലപ്രദമായി നടപ്പാക്കാന്‍ സമിതിയുടെ പ്രവര്‍ത്തനത്തിലൂടെ കഴിയുമെന്നും നരേന്ദ്രമോഡി പറഞ്ഞു. തെക്കന്‍ ഗുജറാത്തില്‍ നിന്നുള്ള ഏഴ്‌ ജില്ലകള്‍ പങ്കെടുത്ത കൃഷി മഹോത്സവ 2012 ല്‍ പങ്കെടുക്കാനെത്തിയതായിരുന്നു അദ്ദേഹം. മേളയില്‍ പങ്കെടുത്ത കാര്‍ഷികവിദഗ്ദ്ധരുമായും കൃഷിക്കാരുമായും നരേന്ദ്രമോഡി കൂടിക്കാഴ്ച നടത്തി.



]]> http://www.janmabhumidaily.com/jnb/?feed=rss2&p=55860 0 അതിര്‍ത്തിയില്‍ ലഷ്ക്കര്‍ ഭീഷണി; സുരക്ഷ ശക്തമാക്കി http://www.janmabhumidaily.com/jnb/?p=55855 http://www.janmabhumidaily.com/jnb/?p=55855#comments Fri, 18 May 2012 14:15:24 +0000 admin http://www.janmabhumidaily.com/jnb/?p=55855 ലാഹോര്‍:വാഗ അതിര്‍ത്തിയില്‍ ഇന്ത്യയും പാകിസ്ഥാനും സുരക്ഷ ശക്തമാക്കി. ഇരുരാജ്യങ്ങളും തമ്മിലുള്ള വാണിജ്യബന്ധം ശക്തമാക്കാന്‍ വാഗ അതിര്‍ത്തിയില്‍ ഈയിടെ തുറന്ന ചെക്ക്പോസ്റ്റ്‌ തകര്‍ക്കുമെന്ന്‌ നിരോധിത സംഘടനയായ ലഷ്ക്കര്‍ ഇ തോയ്ബ ഭീഷണിക്കത്ത്‌ അയച്ചതിനെത്തുടര്‍ന്നാണ്‌ നടപടി. കശ്മീര്‍ പ്രശ്നം പരിഹരിക്കാതെ ഇന്ത്യയുമായി വാണിജ്യബന്ധത്തിന്‌ തയ്യാറായ പാകിസ്ഥാന്റെ നടപടിയില്‍ പ്രതിഷേധിച്ചാണ്‌ കോടികള്‍ ചെലവഴിച്ച്‌ നിര്‍മ്മിച്ച ചെക്ക്‌ പോസറ്റ്‌ തകര്‍ക്കാന്‍ ലഷ്ക്കര്‍ ഇ തോയ്ബ പദ്ധതിയിടുന്നതെന്നാണ്‌ റിപ്പോര്‍ട്ട്‌. ചില പ്രധാന വ്യക്തികള്‍ക്കും സ്ഥലങ്ങള്‍ക്കും നേരെ ആക്രമണം നടത്താനും ലഷ്ക്കര്‍ പ്രവര്‍ത്തകര്‍ ആലോചിക്കുന്നതായി സുരക്ഷാഉദ്യോഗസ്ഥരെ ഉദ്ധരിച്ച്‌ ഡെയ്‌ലിം ടൈംസ്‌ ന്യൂസ്‌ പേപ്പര്‍ റിപ്പോര്‍ട്ട്‌ ചെയ്യുന്നു. ആക്രമണമുണ്ടായാല്‍ അടിയന്തരസാഹചര്യം നേരിടാന്‍ ആംബുസന്‍സ്‌, ഫയര്‍ഫോഴ്സ്‌ സേവനങ്ങള്‍ അതിര്‍ത്തിയില്‍ ഉറപ്പാക്കി.

അതേസമയം ചെക്ക്‌ പോസ്റ്റില്‍ സുരക്ഷാഭീഷണിയുണ്ടെന്ന വാര്‍ത്ത പാകിസ്ഥാന്‍ സുരക്ഷാവക്താവ്‌ മെഹ്ബൂബ്‌ ഹുസൈന്‍ നിഷേധിച്ചു. ഇന്ത്യ-പാകിസ്ഥാന്‍ വാണിജ്യബന്ധത്തിന്റെ പേരില്‍ എന്തെങ്കിലും ഭീഷണിയുള്ളതായി തനിക്ക്‌ അറിയില്ലെന്ന്‌ അദ്ദേഹം പറഞ്ഞു. ഇന്ത്യ-പാകിസ്ഥാന്‍ വാണിജ്യബന്ധം ശക്തമാക്കാന്‍ ഇരുരാജ്യങ്ങളും നടത്തുന്ന ശ്രമത്തിന്റെ ഭാഗമായാണ്‌ വാഗ അതിര്‍ത്തിയില്‍ പുതിയ ചെക്ക്‌ പോസ്റ്റ്‌ തുറന്നത്‌. വ്യാപാരം സുഗമമാക്കാന്‍ വിസ നിയമങ്ങളില്‍ ഇളവ്‌ വരുത്തുന്ന കാര്യവും ഇരുരാജ്യങ്ങളും ചര്‍ച്ച ചെയ്യുന്നുണ്ട്‌. വാണിജ്യരംഗത്ത്‌ ഇന്ത്യയെ അഭിമതരാഷ്ട്രമായി അംഗീകരിക്കുമെന്ന്‌ പാകിസ്ഥാന്‍ നേരത്തെ പ്രസ്താവന നടത്തിയിരുന്നു. എന്നാല്‍ കശ്മീരിനെച്ചൊല്ലിയുള്ള തര്‍ക്കത്തിന്‌ പരിഹാരമാകാതെ ഇന്ത്യയുമായി വ്യാപരബന്ധം സുഗമമായി നടപ്പാക്കാന്‍ അനുവദിക്കില്ലെന്ന നിലപാടിലാണ്‌ ലഷ്ക്കര്‍ ഇ തോയ്ബ ഉള്‍പ്പെടെയുള്ള പാകിസ്ഥാനിലെ ഭീകരസംഘടനകള്‍.


]]> http://www.janmabhumidaily.com/jnb/?feed=rss2&p=55855 0 സിറിയന്‍ സ്ഫോടനത്തിന്‌ പിന്നില്‍ അല്‍ ഖ്വയ്ദ: മൂണ്‍ http://www.janmabhumidaily.com/jnb/?p=55854 http://www.janmabhumidaily.com/jnb/?p=55854#comments Fri, 18 May 2012 14:15:14 +0000 admin http://www.janmabhumidaily.com/jnb/?p=55854 ദമാസ്ക്കസ്‌: കഴിഞ്ഞയാഴ്ച സിറിയയില്‍ നടന്ന സ്ഫോനങ്ങള്‍ക്ക്‌ പിന്നില്‍ ഭീകരസംഘടനയായ അല്‍ ഖ്വയ്ദയാണെന്ന്‌ ഐക്യരാഷ്ട്രസഭ സെക്രട്ടറി ജനറല്‍ ബാന്‍ കി മൂണ്‍. വളരെ ഗൗരവമായി കാണേണ്ട ഭീകരാക്രമണങ്ങളാണ്‌ നടന്നതെന്നും ഇതിന്‌ പിന്നില്‍ അല്‍ ഖ്വയ്ദ തന്നെയാകാനാണ്‌ സാധ്യതയെന്നും അദ്ദേഹം പറഞ്ഞു.
വിദേശഭീകരരാണ്‌ ആക്രമണത്തിന്‌ പിന്നിലെന്ന്‌ സിറിയ സര്‍ക്കാരും ആരോപിച്ചിരുന്നു. ഈ മാസം പത്താം തീയതി നടന്ന രണ്ട്‌ കാര്‍ബോംബാക്രമണങ്ങളില്‍ 55 പേര്‍ കൊല്ലപ്പെടുകയും 372 പേര്‍ക്ക്‌ പരിക്കേല്‍ക്കുകയും ചെയ്തിരുന്നു.


]]> http://www.janmabhumidaily.com/jnb/?feed=rss2&p=55854 0 രാജ്യസഭാ ഉപതെരഞ്ഞെടുപ്പ്‌: 15 എംഎല്‍എമാരുടെ വീടുകളില്‍ സിബിഐ റെയ്ഡ്‌ http://www.janmabhumidaily.com/jnb/?p=55847 http://www.janmabhumidaily.com/jnb/?p=55847#comments Fri, 18 May 2012 11:08:03 +0000 admin http://www.janmabhumidaily.com/jnb/?p=55847 ജാര്‍ഖണ്ഡ്‌: ജാര്‍ഖണ്ഡില്‍ നടന്ന രാജ്യസഭാ ഉപതെരഞ്ഞെടുപ്പുമായി ബന്ധപ്പെട്ട്‌ കുതിരകച്ചവടം നടത്തിയെന്ന ആരോപണത്തെക്കുറിച്ച്‌ അന്വേഷിക്കുന്ന സിബിഐ ജാര്‍ഖണ്ഡിലെ 15 എംഎല്‍എമാരുടെവീടുകളില്‍ റെയ്ഡ്‌ നടത്തി.റാഞ്ചി,ജാംഷഡ്പൂര്‍,ഹസാരിബാഗ്‌,ഗോഡ്ഡ,ബീഹാറിലെ ബാന്‍ക,ഗിരിധി ജില്ലകളിലെ എംഎല്‍എമാരുടെവീടുകളിലാണ്‌ മുപ്പിത്തിയാറംഗസംഘ സിബിഐ അധികൃതര്‍ റെയ്ഡ്‌ നടത്തിയത്‌.
ഭരണകക്ഷിയായ ജെഎംഎം എംഎല്‍എമാര്‍,അജ്സു പാര്‍ട്ടി,ആര്‍ജെഡി തുടങ്ങിയ പാര്‍ട്ടികളിലെ എംഎല്‍എമാരുടെ വീടുകളിലാണ്‌ റെയ്ഡ്‌ നടന്നതെന്ന്‌ സിബിഐ അധികൃതര്‍ അറിയിച്ചു.കൊല്‍ക്കത്തയിലെ ഒരു സ്ഥലത്തും റെയ്ഡ്‌ നടന്നിരുന്നു.
ലോകസഭാ തെരഞ്ഞെടുപ്പിലേക്ക്‌ മത്സരിച്ച ഒരു സ്വതന്ത്രസ്ഥാനാര്‍ത്ഥിയുടെ വസതിയിലും സിബിഐ റെയ്ഡ്‌ നടത്തി.
കുതിരകച്ചവടആരോപണവുമായി ബന്ധമുള്ള മൂന്ന്‌ എംഎല്‍എമാരായ വിഷ്ണു ഭയ്യ(ജെഎംഎം),കെഎം ത്രിപേദി(കോണ്‍ഗ്രസ്‌),സുരേഷ്‌ പാസ്വാന്‍(ആര്‍ജെഡി)സ്വതന്ത്രസ്ഥാനാര്‍ത്ഥിയായ ആര്‍കെ അഗര്‍വാള്‍,അദ്ദേഹത്തിന്റെ മരുമകന്‍ തുടങ്ങിയവരുടെ വീടുകളില്‍ ഏപ്രില്‍ 21ന്‌ ,സിബിഐ റെയ്ഡ്‌ നടത്തിയിരുന്നു.മാര്‍ച്ച്‌ 30ന്‌ നടന്ന രാജ്യസഭാ ഉപതെരഞ്ഞെടുപ്പില്‍ ഉപയോഗിച്ച ബാലറ്റ്‌ പെട്ടി സിബിഐ മുന്‍പു തന്നെ മുദ്ര വച്ചിരുന്നു.ഇന്ത്യന്‍ ശിക്ഷാ നിയമമനുസരിച്ച്‌ 177എഫ്‌,188ാ‍ം വകുപ്പകള്‍ പ്രകാരം സിബിഐ ഇവര്‍ക്കെതിരെ കേസ്‌ ഫയല്‍ ചെയ്തിട്ടുണ്ട്‌.
ജാര്‍ഖണ്ഡ്‌ ഉപതെരഞ്ഞെടുപ്പ്‌ നടന്ന മാര്‍ച്ച്‌ 30 ന്‌ ജാര്‍ഖണ്ഡിലെ ഒരു സ്വതന്ത്രസ്ഥാനാര്‍ത്ഥിയുടെ ബന്ധുവിന്റെ കാറില്‍ നിന്നും 2.15 കോടി രൂപ ആദായ നികുതി വകുപ്പ്‌ പിടിച്ചെടുത്തിരുന്നു.
ഈ സംഭവത്തെ തുടര്‍ന്ന്‌ 2 രാജ്യസഭാസീറ്റിലേക്ക്‌ ഇലക്ഷന്‍ കമ്മീഷന്‍ മെയ്‌ 3ന്‌ വീണ്ടും തെരഞ്ഞെടുപ്പ്‌ നടത്തിയിരുന്നു.

]]> http://www.janmabhumidaily.com/jnb/?feed=rss2&p=55847 0