തിരുവനന്തപുരം: പുതുക്കിയ ബസ് ചാര്ജ്ജ് തിങ്കളാഴ്ച നിലവില് വന്നു. ഇന്നുമുതല് ഓര്ഡിനറി ബസുകളിലെ മിനിമം യാത്രക്കൂലി നാലു രൂപയില് നിന്ന് അഞ്ചുരൂപയായും ഫാസ്റ്റ് പാസഞ്ചറിലെ മിനിമം ചാര്ജ് അഞ്ചുരൂപയില് നിന്നും ഏഴുരൂപയായും വര്ദ്ധിപ്പിക്കും. വിദ്യാര്ത്ഥികളുടെ മിനിമം ചാര്ജില് മാറ്റമില്ല.
ഓര്ഡിനറി ബസില് അഞ്ചു രൂപയുടെ മിനിമം നിരക്കില് യാത്ര ചെയ്യാവുന്ന ദൂരം ദീര്ഘിപ്പിച്ചിട്ടുണ്ട്. അഞ്ചു രൂപയ്ക്ക് അഞ്ചു കിലോ മീറ്റര് സഞ്ചരിക്കാം. മുമ്പ് ഇത് രണ്ടര കിലോമീറ്റര് ആയിരുന്നു. ഫാസ്റ്റ് പാസഞ്ചറിലും മിനിമം ചാര്ജില് സഞ്ചരിക്കാവുന്ന ദൂരം രണ്ടര കിലോമീറ്ററില് നിന്നും അഞ്ചുകിലോമീറ്റര് ആയി വര്ദ്ധിപ്പിച്ചിട്ടുമുണ്ട്. ഫാസ്റ്റ് പാസഞ്ചര് ബസുകളിലെ കിലോമീറ്റര് നിരക്കുകളില് മാറ്റമില്ല. സൂപ്പര്ഫാസ്റ്റ്, എക്സ്പ്രസ്സ് ബസുകളുടെ യാത്രാനിരക്കിലും മാറ്റമില്ല. സൂപ്പര്ഫാസ്റ്റ് സര്വീസുകളില് പത്തുകിലോമീറ്ററിന് ഒരു ഫെയര് സ്റ്റേജു കൂടി നിര്ണയിച്ചിട്ടുണ്ട്.
വിദ്യാര്ത്ഥികളുടെ മിനിമം ചാര്ജ് രണ്ടരകിലോമീറ്ററിന് 50 പൈസയായിരുന്നത് മാറ്റമില്ലാതെ തുടരും. ഇതുവരെ ഓര്ഡിനറി ബസുകളില് മാത്രം അനുവദിച്ചിരുന്ന വിദ്യാര്ഥി കണ്സെഷന് ഇനി ലിമിറ്റഡ് സ്റ്റോപ്പ് ഓര്ഡിനറി ബസുകളിലും ലഭ്യമാക്കും. വിദ്യാര്ത്ഥികളുടെ യാത്രനിരക്കില് രണ്ടരകിലോമീറ്ററിനുശേഷം വരുന്ന രണ്ട് ഫെയര്സ്റ്റേജുകള് ഒരുമിച്ച് 50 പൈസ വര്ദ്ധനയുണ്ടാകും.
പ്രതികരിക്കാൻ ഇവിടെ എഴുതുക: