ഹോം » വാര്‍ത്ത » പ്രാദേശികം » കാസര്‍കോട് » 

എന്‍ഡോസള്‍ഫാന്‍ മെഡിക്കല്‍ ക്യാമ്പ്‌ ഇന്ന്‌ (13)തുടങ്ങും

August 12, 2011

കാസര്‍കോട്‌: ജില്ലയില്‍ എന്‍ഡോസള്‍ഫാന്‍ തളിച്ചത്‌ മൂലംരോഗം ബാധിച്ചുവെന്ന്‌ സംശയിക്കുന്ന രോഗികള്‍ക്കായി ആരോഗ്യ വകുപ്പ്‌ നാലു ദിവസക്കാലം വ്യത്യസ്ത കേന്ദ്രങ്ങളില്‍ നടത്തുന്ന മെഡിക്കല്‍ ക്യാമ്പുകള്‍ ബദിയടുക്കയില്‍ ഇന്ന്‌ ആരംഭിക്കും. നാലു കേന്ദ്രങ്ങളില്‍ നടത്തുന്ന ഓരോ മെഡിക്കല്‍ ക്യാമ്പുകളിലും ആയിരം വീതം മൊത്തം 4,൦൦൦ രോഗികളെ പരിശോധനയ്ക്ക്‌ വിധേയമാക്കും. 14 ന്‌ ബോവിക്കാനം ബിഎആര്‍ ഹൈസ്കൂള്‍, 15 ന്‌ രാജപുരം ഹോളിഫാമിലി എച്ച്‌എസ്‌എസ്‌, 16 ന്‌ ഹൊസ്ദുര്‍ഗ്ഗ്‌ ജിഎച്ച്‌എസ്‌എസ്സിലുമാണ്‌ മറ്റു ക്യാമ്പുകള്‍ നടക്കുക. ഓരോ ക്യാമ്പുകളിലും മെഡിക്കല്‍ കോളേജുകളിലെ ൩൩ ലേറെ വിദഗ്ധ ഡോക്ടര്‍മാര്‍ രോഗികളെ പരിശോധിച്ചു രോഗ നിര്‍ണ്ണയും നടത്തും. ജനറല്‍ മെഡിസിന്‍, ജനറല്‍ സര്‍ജറി, ഗൈനോക്കോളജിസ്റ്റ്‌, വന്ധ്യതാ ചികില്‍സ വിദഗ്ധന്‍, നേത്രരോഗ വിദഗ്ധന്‍, ഇ എന്‍ ടി, ത്വക്ക്‌ രോഗ വിദഗ്ധര്‍, മനശ്ശാസ്ത്രജ്ഞന്‍, ന്യൂറോജിസ്റ്റ്‌, ശിശുരോഗ വിദഗ്ധന്‍ എന്നിവരടങ്ങിയതാണ്‌ മെഡിക്കല്‍ സംഘം. എന്‍ഡോസള്‍ഫാന്‍ മൂലം രോഗം ബാധിച്ചവരാണെന്ന്‌ സംശയിക്കുന്ന 7,൦൦൦ അപേക്ഷകള്‍ പുതുതായി ജില്ലാതല എന്‍ഡോസള്‍ഫാന്‍ പുനരധിവാസ സെല്ലിന്‌ ലഭിച്ചിട്ടുണ്ട്‌. ഇവരില്‍ ഏറ്റവും അവശരും, പരസഹായം ഇല്ലാതെ ജീവിക്കാന്‍ കഴിയാത്തവരുമായ രോഗികളെ എ വിഭാഗം, മറ്റുളളവരെ ബി വിഭാഗം എന്നും തരംതിരിച്ചിട്ടുണ്ട്‌. അവശരായ രോഗികളെയാണ്‌ മെഡിക്കല്‍ ക്യാമ്പില്‍ ആദ്യം പരിശോധിക്കുക. എന്‍ഡോസള്‍ഫാന്‍ മൂലം ഉണ്ടാകാവുന്ന രോഗമാണ്‌ ബാധിച്ചതെന്ന്‌ മെഡിക്കല്‍ പരിശോധനയില്‍ വിദഗ്ധ സംഘം ഉറപ്പ്‌ വരുത്തിയാല്‍ രോഗികള്‍ക്ക്‌ വിദഗ്ധ ചികില്‍സയും, പെന്‍ഷനും, മറ്റു ആനുകൂല്യങ്ങളും ലഭ്യമാവും.

അഭിപ്രായം രേഖപ്പെടുത്താംമലയാളത്തില്‍ ടൈപ്പ് ചെയ്യാന്‍

കാസര്‍കോട് - പുതിയ വാര്‍ത്തകള്‍
Related News from Archive
Editor's Pick