ഹോം » വാര്‍ത്ത » പ്രാദേശികം » കാസര്‍കോട് » 

കനത്തമഴ: മഞ്ചേശ്വരത്ത്‌ കിണറിടിഞ്ഞു; ഉപ്പളയില്‍ വീട്‌ തകര്‍ന്നു

August 12, 2011

ഉപ്പള: കനത്ത മഴയില്‍ നാടിണ്റ്റെ വിവിധ ഭാഗങ്ങളില്‍ നാശനഷ്ടങ്ങളുണ്ടായി. മഞ്ചേശ്വരത്ത്‌ കിണറിടിഞ്ഞും ഉപ്പളയില്‍ വീട്‌ തകര്‍ന്നും ഒരു ലക്ഷത്തിലധികം രൂപയുടെ നഷ്ടമുണ്ടായി. മഞ്ചേശ്വരം ദര്‍ഘാസ്‌ കടമ്പാറിലെ ആയിഷയുടെ വീട്ടിലെ കിണറാണ്‌ താഴ്ന്നത്‌. കഴിഞ്ഞ ദിവസം വൈകിട്ട്‌ 6 മണിയോടെ ശക്തമായ ശബ്ദത്തോടെയാണ്‌ കിണര്‍ താഴ്ന്നതെന്ന്‌ വീട്ടുകാര്‍ പറയുന്നു. 8 മാസംമുമ്പ്‌ 8൦,൦൦൦ രൂപ ചെലവഴിച്ചാണ്‌ കിണര്‍ പണിതത്‌. പറമ്പിലെ മൂന്നോളം തെങ്ങുകള്‍ ഏതു നിമിഷവും വീഴുമെന്ന നിലയിലാണ്‌. ശക്തമായ കാറ്റിലും മഴയിലും ഉപ്പള പച്ചിലമ്പാറ കുണ്ടുപുനിയിലെ അബ്ദുല്‍ ഖാദറിണ്റ്റെ വീടിണ്റ്റെ ഒരു ഭാഗം തകര്‍ന്നു. ഇന്നലെ പുലര്‍ച്ചെയാണ്‌ സംഭവം.

അഭിപ്രായം രേഖപ്പെടുത്താംമലയാളത്തില്‍ ടൈപ്പ് ചെയ്യാന്‍

കാസര്‍കോട് - പുതിയ വാര്‍ത്തകള്‍
Related News from Archive
Editor's Pick