ആരെങ്കിലും നിങ്ങളെ ‘ വിഡ്ഢി’ യെന്നു വിളിച്ചാല് എന്തായിരിക്കും നിങ്ങളുടെ പ്രതികരണം? നിങ്ങളുടെ കണ്ണു ചുവക്കും. നിങ്ങള് കോപിഷ്ഠനാകും. പക്ഷേ… ലോകം മുഴുവനും വിഡ്ഢികളെക്കൊണ്ടു നിറഞ്ഞിരിക്കുന്നു. എന്നിട്ടും സ്വന്തം വിഡ്ഢിത്തം ആളുകള് തിരിച്ചറിയുന്നില്ല.
ഈശ്വരന് വിഡ്ഢികളെ ഇഷ്ടമാണ്! ബുദ്ധിമാന്മാരെക്കൊണ്ട് അദ്ദേഹത്തിനു മടുത്തുതുടങ്ങിയിരിക്കുന്നു!! ഒരുതരത്തില് പറഞ്ഞാല് ഈശ്വരന്റെ തൊഴില്തന്നെ വിഡ്ഢിത്തമാണ്. ഒരു ഉദ്ദേശ്യവുമില്ലാതെ, ഒരു ലക്ഷ്യവുമില്ലാതെ, ഒരര്ത്ഥവുമില്ലാതെ ആരെങ്കിലും എന്തെങ്കിലും ചെയ്യുമ്പോള് നിങ്ങള് അയാളെ വിഡ്ഢി എന്നുവിളിക്കുന്നു. ദൈവത്തിന്റെ കാര്യം നോക്കൂ.. അദ്ദേഹം തന്റെ സൃഷ്ടി തുടര്ന്നുകൊണ്ടേയിരിക്കുകയാണ്. ഒരു ലക്ഷ്യവുമില്ല, ഒരു ഉദ്ദേശ്യവുമില്ല! എല്ലാ ശരത്കാലത്തും ദൈവം ഇലകള് പൊഴിക്കുന്നു. വസ്തുക്കള് പാഴാക്കിക്കളയുന്നു. സൃഷ്ടികര്ത്താവ് മോശപ്പെട്ട സാമ്പത്തിക ശാസ്ത്രജ്ഞനാണ്. (ലോകത്തിന്റെ മാനദണ്ഢമെടുത്തുനോക്കിയാല്) അദ്ദേഹത്തിന് ഒരു സാമ്പത്തികശാസ്ത്രവും അറിഞ്ഞുകൂടാ.
നിരവധി ആളുകള് ജനിക്കുന്നു. അവരെല്ലാവരും മരിക്കുകയും ചെയ്യുന്നു. പലരും മുപ്പതും നാല്പതും കൊല്ലക്കാലം പഠിച്ചു സമയം കളയുന്നു. ഐന്സ്റ്റീന് തന്റെ ജീവിതകാലം മുഴുവന് പഠിച്ചു. ധാരാളം അറിവ് സമ്പാദിച്ചു. ദൈവം അദ്ദേഹത്തിന് ഇനിയൊരു നൂറുകൊല്ലംകൂടി കൊടുത്തിരുന്നുവെങ്കില്, ഇനിയും പലതും അദ്ദേഹം ചെയ്യുമായിരുന്നു. ദൈവത്തിന് അത് മനസ്സിലാകാത്തതുപോലെയുണ്ട്. അദ്ദേഹം എത്രയോപേരെ ലോകത്തിലേക്ക് കൊണ്ടുവരുന്നു. ഇതൊരു മോശമായ സാമ്പത്തികശാസ്ത്രമല്ലേ?
എല്ലാത്തിനും ഒരു യുക്തിയോ ഉദ്ദേശ്യമോ കണ്ടുപിടിക്കാന് നമുക്കിഷ്ടമാണ്. നമുക്ക് എല്ലാത്തിനേയും മനസ്സിലാക്കണം. ജീവിതത്തിലും സമൂഹത്തിലും വിദ്യാഭ്യാസത്തിലും ബുദ്ധിമാന്മാരാകാന് വേണ്ടി ആളുകള് ശ്രമിക്കുന്നു.
അതുകൊണ്ട് എന്താണ് പ്രയോജനം? സ്വപ്നങ്ങളെപ്പോലും മനസ്സിലാക്കാന് ആളുകള് ശ്രമിക്കുന്നു. സ്വപ്നത്തില് നിങ്ങള് കാക്കയെയോ, താറാവിനെയോ, പ്രാവിനെയോ, അരയന്നത്തെയോ, ചുണ്ടെലിയെയോ, പൂച്ചയെയോ കണ്ടാലെന്താണ്? സ്വപ്നത്തില് നിങ്ങള് കുതിരപ്പുറത്തോ തീവണ്ടിയുടെ മുകളിലോ ഇരുന്നാലെന്താണ്.
….. തുടരും
പ്രതികരിക്കാൻ ഇവിടെ എഴുതുക: