നിങ്ങള് ഒരു വസ്തുവുമായോ, വ്യക്തിയുമായോ ബന്ധപ്പെടുമ്പോള് അതിനോട് പ്രേമം ജനിക്കുന്നു. പ്രേമത്തോടൊപ്പം വിരഹവും; വിരഹം തീവ്രമാകുമ്പോള് അതിന്റെ പൂര്ത്തീകരണത്തിന് പ്രേമത്തിനുമാത്രമേ സാധ്യമാകൂ. സംഘര്ഷവും വികാരതീവ്രതയും നിഷേധവികാരങ്ങളും സൃഷ്ടിക്കുകയും സൂക്ഷിക്കുകയും ചെയ്യുന്നത് ഈ വിരഹ തീവ്രതയാണ്. അപാരമായ ക്ഷമയും, പ്രാര്ത്ഥനയും കൊണ്ടുമാത്രമേ ഈ അവസ്ഥയില്നിന്ന് പുറത്തുവരാന് സാധിക്കുകയുള്ളൂ.
അസ്വസ്ഥത, വിരഹം, വിഷമം, നിരാശ തുടങ്ങിയ വികാരങ്ങളെല്ലാം നാഭിയില്നിന്നും തൊണ്ടവരെയുള്ള സ്ഥാനങ്ങളിലാണ് സംഭവിക്കുന്നത്. രണ്ടാമത്തെ ചക്രത്തിലധിഷ്ഠിതനായി അവിടെനിന്നും ക്ഷമാപൂര്വം പ്രാര്ത്ഥിക്കേണ്ടിയിരിക്കുന്നു. ദൗര്ബല്യം നാഭിക്കു താഴെയാണ്. ദുര്ബലനും തികച്ചും നിസ്സഹായനും ബലഹീനനുമാണെന്നു തോന്നുന്ന സമയത്ത് രണ്ടാമത്തെ ചക്രത്തിലാണ് നിങ്ങള് സ്ഥിതിചെയ്യുന്നത്. നിങ്ങള് പറയുന്നു ” ശരി, ഞാനെല്ലാം സമര്പ്പിക്കുന്നു. അപ്പോള് ആ പ്രാര്ത്ഥന, ആ തീവ്രത പൂര്ണമാകുന്നു. വിരഹത്തിന്റെ വേദനയെ മറികടക്കുന്നതിനുള്ള വഴി അതുമാത്രമാണ്. സാധാരണയായി ആളുകള് പറയാറുണ്ട്, ” മനസ്സില് തട്ടി പ്രാര്ത്ഥിക്കുക” എന്ന്. ആ സമയത്ത് അതുകൊണ്ടു കാര്യമില്ല. കൃതജ്ഞതാ നിര്ഭരരാകുമ്പോള് ഹൃദയത്തില്നിന്നും പ്രാര്ത്ഥന ഉയരും. ദുരിതമനുഭവിക്കുമ്പോള് ഹൃദയത്തില് നിന്നും പ്രാര്ത്ഥന ഉയരും.
ദുരിതമനുഭവിക്കുമ്പോള് ഹൃദയത്തില് നിന്നും പ്രാര്ത്ഥിക്കാനാവില്ല. അസ്തിത്വത്തില്നിന്നേ പ്രാര്ത്ഥിക്കാനാവൂ. ഒന്നാമത്തെയും രണ്ടാമത്തെയും ചക്രത്തിനിടയിലാണ് അസ്ഥിത്വത്തിന്റെ സ്ഥാനം. ഈ പ്രാര്ത്ഥന നിങ്ങളെ ശക്തനും ബലവാനുമാക്കും. എന്തുകൊണ്ടെന്നാല് ഈശ്വരന് ദുര്ബലരെ സഹായിക്കുവാനുള്ളതാണ്. ”ദീനബന്ധു” എന്ന വാക്കിന് അതാണര്ത്ഥം; ഈശ്വരന് നിങ്ങളുടെ സുഹൃത്തും, ബന്ധുവും ആണ്. അതുകൊണ്ടാണ് നാം അവിടെ ചെല്ലുന്നതും അവിടെ ഇരിക്കുന്നതും. ”
ഈ സംഘര്ഷത്തില്നിന്നും മുക്തനാകാന് എനിക്കു കഴിയുന്നില്ല. സഹായിക്കണമേ” എന്ന് നിങ്ങള് പ്രാര്ത്ഥിക്കുന്നു. പ്രാര്ത്ഥനയല്ലാതെ മറ്റൊന്നുംകൊണ്ടും വിരഹത്തെ അടക്കിവയ്ക്കുവാനില്ല. മാറ്റങ്ങള് സംഭവിക്കുന്നതായി ഉടന്തന്നെ നിങ്ങളറിയും. ദൈവികതയ്ക്കുവേണ്ടിയുള്ള, ഈശ്വരനോടുള്ള തീവ്രാനുരാഗത്തെ ചെറുക്കാന് ഒന്നിനുമാവില്ല. ഒരു പങ്കാളിക്കുവേണ്ടിയുള്ള ആഗ്രഹം.
ധനമോഹം എന്തൊക്കത്തന്നെയായാലും അവയ്ക്കൊക്കെ എത്രത്തോളം തീവ്രതയുണ്ടാകും? ദൈവികതയോടുള്ള അഭിലാഷത്തിന്റെ തീവ്രത ഇവയേക്കാള് ദശലക്ഷം മടങ്ങ് കൂടിയിരിക്കണം. അപ്പോള് ദുരിതം അതനുസരിച്ച് ഏറും. അതേസമയം മനോവേദനയും തീവ്രമായിരിക്കും. എന്നാല് ഇതത്ര മോശപ്പെട്ട കാര്യമല്ല. എന്തുകൊണ്ടെന്നാല് അതില്നിന്നു ലഭിക്കുന്ന ആനന്ദം ഏറെയാണ്. എന്നാല് വസ്തുക്കളില്നിന്നോ ചെറിയ കാര്യങ്ങളില്നിന്നോ ലഭിക്കുന്ന തൃപ്തി എത്രയോ നിസ്സാരം. അവയില്നിന്നും യഥാര്ത്ഥ സംതൃപ്തി ലഭിക്കുകയേയില്ല. ഈശ്വരപ്രേമം നിങ്ങളെ പൂര്ണനാക്കും. സംതൃപ്തനാക്കും. ലൗകികതയില് മുഴുകുമ്പോള് ലഭിക്കുന്ന സംതൃപ്തി എത്ര ചെറുതാണ്. പക്ഷേ ദൈവികമായ പ്രേമം നിങ്ങളെ ശരിയായ സംതൃപ്തിയിലേക്കു നയിക്കും. നിങ്ങളെ തികച്ചും പരിപൂര്ണനാക്കും. തീര്ച്ച
പ്രതികരിക്കാൻ ഇവിടെ എഴുതുക: