കൂരോപ്പട: സാമൂഹിക സേവനരംഗത്ത് ഉപഭോക്തൃ സംഘടനകളുടെ പ്രവര്ത്തനം മാതൃകാപരമാണെന്ന് വനിതാകമ്മീഷന് അംഗം ഡോ.ജെ.പ്രമീളാദേവി പറഞ്ഞു. കണ്സ്യൂമേഴ്സ് ഫെഡറേഷന് ഓഫ് ഇന്ഡ്യ കൂരോപ്പട മണ്ഡലം കമ്മറ്റി സംഘടിപ്പിച്ച സൗജന്യ നേത്രരോഗ ചികിത്സാ ക്യാമ്പിന്റെ യും ജീവിത ശൈലി രോഗ നിര്ണ്ണയ ക്യാമ്പിന്റേയും ഉദ്ഘാടനം ചെയ്യുകയായിരുന്നു ഡോ. പ്രമീളാദേവി. വനിതാ ഉപഭോക്താക്കള് നേരിടുന്ന പ്രശ്നങ്ങളും പ്രയാസങ്ങളും പരിഹരിക്കാന് വനിതാകമ്മീഷന് രംഗത്തിറങ്ങുമെന്നും അവര് കൂട്ടിച്ചേര്ത്തു.
കൂരോപ്പട എന്എസ്എസ് എല്പി സ്കൂള് ഹാളില് ചേര്ന്ന സമ്മേളനത്തില് കണ്സ്യൂമേഴ്സ് ഫെഡറേഷന് കോട്ടയം താലൂക്ക് പ്രസിഡന്റ് അനില് കൂരോപ്പട അദ്ധ്യക്ഷത വഹിച്ചു. ജില്ലാപഞ്ചായത്ത് വൈസ് പ്രസിഡന്റ് അഡ്വ. ഫില്സണ് മാത്യൂസ് മുഖ്യപ്രഭാഷണം നടത്തി. കൂരോപ്പട ഗ്രാമപഞ്ചായത്ത് പ്രസിഡന്റ് അമ്പിളി മാത്യു, സര്വ്വീസ് സഹകരണ ബാങ്ക് പ്രസിഡന്റ് റ്റി.എം. ജോര്ജ്ജ്,പഞ്ചായത്ത് അംഗം ദീപാ സുമേഷ്, ഡോ. ഹെലിമ കണ്സ്യൂമേഴ്സ് ഫെഡറേഷന് മണ്ഡലം പ്രസിഡന്റ് എം.സി. ജോണിക്കുട്ടി, മണ്ഡലം സെക്രട്ടറി പി. ഗോപകുമാര് എന്നിവര് പ്രസംഗിച്ചു. കോട്ടയം മെഡിക്കല് കോളേജ് നേത്രരോഗ വിഭാഗവും, കൂരോപ്പട പ്രാഥമിക അരോഗ്യകേന്ദ്രവും ചേര്ന്ന് നടത്തിയ ക്യാമ്പില് നൂറുകണക്കിന് ആളുകള് ചികിത്സതേടി.
പ്രതികരിക്കാൻ ഇവിടെ എഴുതുക: