തിരുവനന്തപുരം: സംസ്ഥാനത്തെ പുതിയ മദ്യനയത്തിനു ശേഷം മദ്യ ഉപഭോഗം കുറഞ്ഞെന്ന് എക്സൈസ് മന്ത്രി കെ ബാബു.
മുന് കാലങ്ങളെ അപേക്ഷിച്ച് മദ്യ ഉപഭോഗം നാല് ശതമാനം കുറയുകയും. വില്പനയില് 4,55,000 കെയ്സിന്റെ കുറവ് വന്നതായും മന്ത്രി വ്യക്തമാക്കി. പുതിയ മദ്യനയത്തിനു ശേഷം നിലവില് വന്ന നികുതി വര്ധനയിലൂടെ ബവ്റിജസ് കോര്പറേഷന് വരുമാനം കൂടി. മുന് വര്ഷത്തെ അപേക്ഷിച്ച് 361 കോടി രൂപയുടെ അധിക വരുമാനമുണ്ടായി.
ഏപ്രില് മുതല് സപ്റ്റംബര് വരെയുള്ള കാലയളവിലെ കണക്കാണ് ഇതെന്നും മന്ത്രി പറഞ്ഞു. ബിയര് വില്പ്പനയിലും കുറവ് വന്നതായി അദ്ദേഹം പറഞ്ഞു. ബാര് തൊഴിലാളികലെ പുനരധിവസിപ്പിക്കുന്നത് സംബന്ധിച്ച പ്രാഥമിക ചര്ച്ചകള് നടന്നെന്നും മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: