ദക്ഷിണഭാരതത്തെ ഒന്നാകെ ശരണഘോഷം കൊണ്ടു മുഖരിതമാക്കുന്ന മണ്ഡലമകരവിളക്കു കാലം ആരംഭിക്കുകയാണ്. ഈശ്വരനും ഞാനും ഒന്ന് എന്ന അദ്വൈതവേദാന്തരഹസ്യം മനസ്സിലുറപ്പിച്ച് തത്വമസിപ്പൊരുളായ ശ്രീധര്മ്മശാസ്താവിനു മുന്നില് സമസ്തവും സമര്പ്പിച്ച് വ്രതശുദ്ധിയോടെ ഹൈന്ദവ ഭവനങ്ങള് ദേവാലയങ്ങളാകുന്ന നാളുകള് വരവായി.
ഈ പുണ്യദിനങ്ങളില് കലിയുഗവരദനായ ശാസ്താവിന്റെ മഹിമകളേക്കുറിച്ച് വിശദമാക്കുന്ന ഒരു പരമ്പര തുടങ്ങുകയാണ്.
ശാസ്ത്യ സങ്കല്പം, ശാസ്താവിന്റെ രൂപം, പ്രഭ, സത്യക പൂര്ണ്ണാ പുഷ്കലാ സങ്കല്പങ്ങള്, ശാസ്താവിന്റെ വാഹനങ്ങള് (കുതിര, ഗജം, പുലി) അമൃതകലശഹസ്തനും മഹാവൈദ്യനുമായ ശാസ്താവിന്റെ രോഗനിവാരണ ശക്തി, ശനിദോഷ നിവാരണം, രേവന്തന് അയ്യന് അയ്യനാര് ബുദ്ധന് വേട്ടയ്ക്കൊരുമകന് തുടങ്ങിയവരുമായുള്ള താതരമ്യ പഠനങ്ങള്, യോഗപട്ടബന്ധനം, ചിന്മുദ്ര എന്നിവയുടെ തത്വം, കാവുകളിലേയും പൂരങ്ങളിലേയും ശാസ്താവിന്റെ സാന്നിധ്യം, ഭഗവതിക്കു വഴിമാറുകയും ഭഗവതിക്കു അകമ്പടിയാവുകയും ചെയ്ത ശാസ്താ സങ്കല്പം, ദേശവിളക്ക്, ആഴിയും പടുക്കയും, അയ്യപ്പന് തീയാട്ട്, കളമെഴുത്തും പാട്ട്, ശാസ്താംപാട്ട് തുടങ്ങിയ ആചാരങ്ങള്, വ്യത്യസ്ത ധ്യാന ശ്ലോകങ്ങളില് വിടരുന്ന ശാസ്ത്യരൂപം, ശചി രക്ഷക ഭാവം, ഭൂതനാഥ ഉപാഖ്യാനത്തെ ആസ്പദമാക്കി ശബരിമല അയ്യപ്പനേക്കുറിച്ചും ശബരിമലയിലെ ആചാരാനുഷ്ഠാനങ്ങളേക്കുറിച്ചും ഉള്ള അറിവുകള്, പ്രധാന ശാസ്താക്ഷേത്രങ്ങളുടെ പ്രത്യേകതകളെക്കുറിച്ചുമുള്ള വിവരണങ്ങള് ഇവയെല്ലാം വൃശ്ചികം ഒന്നുമുതല് മകരം 5 വരെ വായനക്കാര്ക്കു നല്കുക എന്നതാണ് ഈ ഉദ്യമത്തിന്റെ ലക്ഷ്യം.
ഇതുവരെ പ്രസിദ്ധീകരിച്ച ലേഖനങ്ങള്
[taglinks slug=”kaliyugavaradan” num=”-1″ ignoreids=”241724″]
പ്രതികരിക്കാൻ ഇവിടെ എഴുതുക: