മുണ്ടക്കയം: മുണ്ടക്കയം പഞ്ചായത്തിന്റെ വിവിധ വാര്ഡുകളില് നിന്നും നൂറുകണക്കിനു പ്രവര്ത്തകര് കോണ്ഗ്രസ്- സിപിഎം പാര്ട്ടികളില് നിന്നും രാജിവെച്ച് ബിജെപിയില് ചേര്ന്നതായി ബിജെപി ഭാരവാഹികള് വാര്ത്താ സമ്മേളനത്തില് അറിയിച്ചു. കോണ്ഗ്രസ് മുന് വാര്ഡ് പ്രസിഡന്റ് കെ.യു. രാധാകൃഷ്ണന്, ദീര്ഘകാലമായി സിപിഎംന്റെ ബ്രാഞ്ച് ഭാരവാഹിയായി പ്രവര്ത്തിച്ചിരുന്ന പി.കെ. ഭാസ്കരന് ആചാരി എന്നിവരുടെ നേതൃത്വത്തിലാണ് ബിജെപിയില് പ്രവര്ത്തകരെത്തിയത്.
തെരഞ്ഞെടുപ്പുകാലത്ത് സെറ്റില്മെന്റ് ഏരിയയിലെ കൃഷിഭൂമിക്ക് പട്ടയം നല്കാമെന്ന് വാഗ്ദാനം നടത്തി ജനങ്ങളെ വഞ്ചിക്കുന്ന ഇടതു വലതു രാഷ്ടീയ പാര്ട്ടികളില് തുടരാനാവില്ലാത്തതിനാലാണ് രാജിയെന്ന് ബിജെപിയില് ചേര്ന്നവര് പറഞ്ഞു. മുഖ്യമന്ത്രി നേരിട്ട് എത്തി പട്ടയ പ്രഖ്യാപനം നടത്തിയ ഇവിടെ ലോകസഭാ തെരഞ്ഞെടുപ്പു വിജയം ലഭിച്ചതോടെ ഇതു മറന്നിരിക്കുകയാണന്നും ഈനില തുടര്ന്നാല് ശക്തമായ സമരം നടത്തുമെന്നും നേതാക്കള് പറഞ്ഞു. വാര്ത്താ സമ്മേളനത്തില് ബിജെപി പൂഞ്ഞാര് നിയോജകമണ്ഡലം ജനറല് സെക്രട്ടറി കെ.ബി. മധു നേതാക്കളായ രാധാകൃഷ്ണന്, പി.കെ. പ്രഭാകരന്, നന്ദനന് കുഴിമറ്റം, പി.കെ.ഭാസ്കരനാചാരി, ഒ.സി. യേശുദാസ്, കെ.എം. പുരുഷോത്തമന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: