കൊളംമ്പോ:വംശീയപരമായ പ്രശ്നങ്ങള്ക്ക് ഫെഡറല് സംവിധാനത്തിലൂടെയുള്ള പരിഹാരം തേടിക്കൊണ്ടുള്ള പ്രകടന പത്രികയാണ് അടുത്തമാസം നടക്കുന്ന പാര്ലമെന്റ് തെരഞ്ഞെടുപ്പിനായി തമിഴ് നാഷണല് അലൈന്സ് (ടിഎന്എ) പുറത്തിറക്കിയിരിക്കുന്നത്.
ഏവര്ക്കും സ്വീകാര്യമായ പരിഹാരത്തിനായുള്ള രൂപരേഖയാണ് തയ്യാറാക്കിയിരിക്കുന്നത്. ഇതിന് തമിഴ് ജനത അംഗീകാരം നല്കുമെന്നാണ് പ്രതീക്ഷയെന്നും മുതിര്ന്ന ടിഎന്എ നേതാവ് എം.എ. സമുന്തിരന് പറഞ്ഞു. അഞ്ച് തമിഴ് പാര്ട്ടികളുടെ സഖ്യമായ ടിഎന്എയുടെ പ്രകടനപത്രിക പുറത്തിറക്കിക്കൊണ്ട് ജാഫ്നയില് സംസാരിക്കുകയായിരുന്നു അദ്ദേഹം.
പരമാവധി ശക്തി സമാഹരിച്ച് ഫെഡറല് സംവിധാനത്തിലൂടെ പ്രശ്നപരിഹാരം ഉണ്ടാക്കുകയാണ് ലക്ഷ്യമിടുന്നത്. ആഗസ്റ്റ് 17ന് നടക്കുന്ന തെരഞ്ഞെടുപ്പിന് ശേഷം ആരെ പിന്തുണക്കണമെന്ന കാര്യത്തില് തീരുമാനമെടുത്തിട്ടില്ല.
തങ്ങളുടെ ആവശ്യങ്ങള് പുതിയ സര്ക്കാരിന് മുമ്പില് സമര്പ്പിക്കും. അഞ്ച് വടക്ക് കിഴക്കന് സംസ്ഥാനങ്ങളിലാണ് ടിഎന്എ മത്സരിക്കുന്നത്. ആകെയുള്ള 225 അംഗസഭ.യില് 29 എംപിമാരെയാണ് ഇവിടെ നിന്നും തെരഞ്ഞെടുക്കുന്നത്. അഞ്ച് ജല്ലകളില് ഏറ്റവും കൂടുതല് വോട്ട് ജാഫ്നയിലാണ് 529239.
പ്രതികരിക്കാൻ ഇവിടെ എഴുതുക: