കൊച്ചി: ഓണാഘോഷത്തോടനുബന്ധിച്ച് ഊര്മ്മിള ഉണ്ണീസ് ഇന്റര് നാഷണല് കള്ച്ചറല് അക്കാദമിയും ഇന്ത്യന് ട്രേഡ്ഫെയര് ഫൗണ്ടേഷനും ചേര്ന്ന് ചങ്ങമ്പുഴ പാര്ക്കില് 2,3 തീയതികളില് നൃത്തോത്സവം സംഘടിപ്പിക്കുമെന്ന് ഡയറക്ടര് ഊര്മ്മിള ഉണ്ണി, എന്. ഗോപകുമാര്, ഉത്തര ഉണ്ണി എന്നിവര് പത്രസമ്മേളനത്തില് അറിയിച്ചു. ഭരതനാട്യം, കുച്ചിപ്പുടി, ഒഡിസി, കഥക്, കഥകളി, എന്നി നൃത്തങ്ങളാണ് അവതരിപ്പിക്കുക. ഇന്ത്യയിലെ വിവിധ സംസ്ഥാനങ്ങളില് നിന്നുള്ള 20 തോളം കലാകാരന്മാര് പങ്കെടുക്കും. ഭാരതീയ നൃത്തകലകള് പ്രചരിപ്പിക്കുക, യുവതലമുറയെ ഈ കലയുടെ ആസ്വാദനത്തിലേക്ക് ഉയര്ത്തുക, കേരളത്തിലേക്ക് വരുന്ന കലാകാരന്മാര്ക്ക് വേദിയൊരുക്കുക എന്നീ ലക്ഷ്യങ്ങല് മുന് നിര്ത്തിയാണ് പരിപാടി ആസൂത്രണം ചെയ്തിരിക്കുന്നത്. പരിപാടിയില് പങ്കെടുക്കുന്ന കലാകാരന്മാര്ക്ക് നാട്യ പ്രവീണ എന്ന പദവി നല്കി ആദരിക്കും. ഇന്ന് വെകിട്ട് അഞ്ചിന് ഡോക്ടര് വാസന്തി രവി( ചെന്നൈ ) പരിപാടി ഉദ്ഘാടനം ചെയ്യും. കുല്ക്കര്ണി ( നാസിക്) ശ്രാവല് ഉള്ളാല്( മംഗലാപുരം), മാളവിക സുനില്( കൊച്ചി) ധനുഷ് സന്യാല്( കൊടുങ്ങല്ലൂര്)സഹിതി മന്നാര്( കടപ്പ്, ആന്ധ്ര) ആവണി ബാബു( കോഴിക്കോട്) എന്നിവര് രംഗത്ത് പരിപാടി അവതരിപ്പിക്കും. മുതിര്ന്ന കാലാകാരന്മാരായ കലാമണ്ഡലം മോഹന തുളസി, ശ്രീലക്ഷ്മി രാജേഷ്, എണ്ണക്കാടു നാരായണന്കുട്ടി, ഡോക്ടര് അബു, കെഎംആര്എല്വി ഐഷാ ശശീധരന്, ആര്എല്വി ഉണ്ണിമാസ്റ്റര്, കലാക്ഷേത്രം പ്രീതി വിനോദ് എന്നിവര്ക്ക് നാട്യകലാമാണിക്കം എന്ന ബഹുമതി 3 ന് സമ്മാനിക്കും.
പ്രതികരിക്കാൻ ഇവിടെ എഴുതുക: