ഹോം » ഭാരതം » 

മാഗി നൂഡില്‍സ് സുരക്ഷിതമെന്ന്

October 16, 2015

MAGGI00
ന്യൂദല്‍ഹി: മാഗി നൂഡില്‍സ് സുരക്ഷിതമാണെന്ന് മൂന്നു ലാബുകളില്‍ നിന്നുള്ള പരിശോധനാ ഫലം തെളിയിച്ചെന്ന് നിര്‍മ്മാതാക്കളായ നെസ്‌ലേയുടെ അധികൃതര്‍. മുംബയ് ഹൈക്കോടതി നിയോഗിച്ച മൂന്ന് സ്ഥാപനങ്ങളില്‍ നടന്ന പരിശോധനയിലാണ് നൂഡില്‍സ് സുരക്ഷിതമെന്ന് കെണ്ടത്തിയത്.

ആറു തരം നൂഡില്‍സുകളുടെ 90 സാമ്പിളുകളാണ് പരിശോധിച്ചത്. ഇവയില്‍ ലെഡ് അനുവദനീയമായ അളവിലും കുറവാണ്. ലാബുകളിലെ പരിശോധനാ ഫലം പുറത്തുവിട്ട് നെസ്‌ലേ അധികൃതര്‍ പറഞ്ഞു. തങ്ങള്‍ അന്താരാഷ്ട്ര അംഗീകാരമുള്ള നിരവധി സ്ഥാപനങ്ങളിലായി 3500 പരിശോധനകളാണ് നടത്തിയത്.

നൂഡില്‍സ് സുരക്ഷിതമാണെന്ന് അവയിലും തെളിഞ്ഞിട്ടുണ്ട്. മാത്രമല്ല അമേരിക്ക, ബ്രിട്ടന്‍, സിംഗപ്പൂര്‍, ആസ്‌ട്രേലിയ തുടങ്ങിയ രാജ്യങ്ങളില്‍ നടത്തിയ പരിശോധനകൡലും ഭാരതത്തില്‍ ഉല്പ്പാദിപ്പിക്കുന്ന നൂഡില്‍സ് സുരക്ഷിതമാണെന്ന് കണ്ടെത്തിയിട്ടുണ്ട്. നെസ്‌ലേ അധികൃതര്‍ പറഞ്ഞു.

Related News from Archive
Editor's Pick