ഹോം » ഭാരതം » 

ഭക്ഷണശീലത്തെ മതവുമായി കൂട്ടിക്കലര്‍ത്തരുത്: ബിജെപി

October 16, 2015

venkaiahന്യൂദല്‍ഹി: ഭക്ഷണ ശീലങ്ങളെ ഏതെങ്കിലും മതവുമായി ചേര്‍ത്ത് പറയുന്നത് ശരിയല്ലെന്ന് ബിജെപി. മറ്റുള്ളവരുടെ വികാരങ്ങളും മാനിക്കണം, ഭക്ഷണം വ്യക്തിപരമായ കാര്യമാണ്. കേന്ദ്രമന്ത്രി വെങ്കയ്യ നായഡു വാര്‍ത്താ സമ്മേളനത്തില്‍പറഞ്ഞു.

ഹരിയാനാ മുഖ്യമന്ത്രി മനോഹര്‍ ഖട്ടാറുടെ അഭിപ്രായം പാര്‍ട്ടി നിലപാടല്ല. ഞാന്‍ അദ്ദേഹത്തോട് സംസാരിക്കും, അദ്ദേഹത്തത്തെ ഉപദേശിക്കും. അങ്ങനെയൊന്നും പറയാന്‍ പാടില്ല. നായിഡു തുടര്‍ന്നു. ദാദ്രി സംഭവം അങ്ങേയറ്റം അപലപനീയമാണ്.

പ്രധാനമന്ത്രിയും പാര്‍ട്ടി അധ്യക്ഷനും തന്നെ ഇക്കാര്യം പറഞ്ഞു കഴിഞ്ഞു. എന്നാല്‍ ദാദ്രി സംഭവം ക്രമസമാധാന പ്രശ്‌നമാണ്. അതിന് യുപി സര്‍ക്കാരിനെ വേണം ചോദ്യം ചെയ്യാന്‍. അതിനു പകരം കേന്ദ്ര സര്‍ക്കാരിനെയല്ല കുറ്റപ്പെടുത്തേണ്ടത്. അദ്ദേഹം പറഞ്ഞു.
കേന്ദ്ര സര്‍ക്കാരിന്റെ നേട്ടങ്ങളെ തകര്‍ക്കാനും പ്രതിഛായ ഇല്ലാതാക്കാനും അസൂത്രിതമായ ശ്രമങ്ങളാണ്‌ നടക്കുന്നത്. വെങ്കയ്യ തുടര്‍ന്നു.

Related News from Archive
Editor's Pick