കണ്ണൂര്: ദേശീയ ഉപഭോക്തൃ ദിനാചരണത്തിന്റെ ഭാഗമായി സപ്ലൈകോ സ്കൂള് വിദ്യാര്ത്ഥികള്ക്കായി ജില്ലാ തലത്തില് വിവിധ മത്സരങ്ങള് നടത്തുന്നു. യുപി, ഹൈസ്കൂള്, ഹയര്സെക്കന്ഡറി വിദാര്ത്ഥികള്ക്കായാണ് മത്സരം. 5 മുതല് 7 വരെ ക്ലാസ്സുകളിലെ കുട്ടികള്ക്ക് ജൂനിയര് വിഭാഗത്തിലും 8 മുതല് പ്ലസ്ടു വരെയുള്ള കുട്ടികള്ക്ക് സീനിയര് വിഭാഗത്തിലുമാണ് മത്സരങ്ങള്. 28ന് കണ്ണൂര് സയന്സ് പാര്ക്കില് ചിത്രരചന, മലയാളം ഉപന്യാസം, പ്രസംഗം എന്നിവ നടക്കും. ജില്ലാതലത്തില് വിജയികള്ക്ക് സംസ്ഥാന തലത്തില് മത്സരിക്കാന് അവസരം ലഭിക്കും. താല്പ്പര്യമുള്ളവര് 27ന് മുന്പായി പേരുകള് റജിസ്റ്റര് ചെയ്യണം. ഫോണ്: 04972705599, 0490 2322264, 0460 2202286, 9447975269, 9447975268, 9447975270.
കണ്ണൂര്: ചിന്മയ മിഷന്റെ നേതൃത്വത്തില് സ്വാമി ചിന്മയാനന്ദ സ്വാമിയുടെ ശന്മശതാബ്ദിയോടനുബന്ധിച്ച് ഹൈസ്കൂള് വിദ്യാര്ത്ഥികള്ക്കായി ഭാരതീയ സംസ്ക്കാരം എന്ന വിഷയത്തില് പ്രസംഗമത്സരം നടത്തുന്നു. 29ന് രാവിലെ 10 മണി മുതല് തളാപ്പ് ചിന്മയമിഷന് കോളേജില് വെച്ചാണ് മത്സരം. മലയാളത്തിലും ഇംഗ്ലീഷിലും പ്രത്യേക മത്സരങ്ങള് ഉണ്ടായിരിക്കും. ഒരു സ്കൂളില് നിന്നും രണ്ട് വിദ്യാര്ത്ഥികള്ക്ക് വീതം പങ്കെടുക്കാം. ഒരാള്ക്ക് 5 മിനിട്ടാണ് പ്രസംഗത്തിനുള്ള സമയം. താല്പ്പരമുള്ളവര് 28ന് മുന്പായി പേരുകള് റജിസ്റ്റര് ചെയ്യണം. ഫോണ്: 9895267732.
പ്രതികരിക്കാൻ ഇവിടെ എഴുതുക: