കണ്ണൂര്: കണ്ണൂര് മലബാര് കാന്സര്കെയര് സൊസൈറ്റിയുടെ ആഭിമുഖ്യത്തില് ഡിസംബര് 18 മുതല് കണ്ണൂര് പോലീസ് മൈതാനിയില് തുടങ്ങുന്ന കാന്ഫെയര് അഖിലേന്ത്യാ പ്രദര്ശന കമ്മറ്റി ഓഫീസ് തെക്കീ ബസാറിലെ കണ്ണൂര് മലബാര് കാന്സര് കെയര് സൊസൈറ്റി കെട്ടിടത്തില് കണ്ണൂര് ഡെപ്യൂട്ടി മേയര് സി.സമീറിന്റെ അധ്യക്ഷതയില് ചേര്ന്ന് യോഗത്തില് മെയര് ഇ.പി.ലത ഉദ്ഘാടനം ചെയ്തു. യോഗത്തില് ഇന്ത്യന് റെഡ്ക്രോസ് സൊസൈറ്റി കണ്ണൂര് ജില്ലാ പ്രസിഡണ്ട് കെ.ജി.ബാബു, നോര്ത്ത് മലബാര് ചേമ്പര് ഓഫ് കൊമേഴ്സിന്റെ മുന് പ്രസിഡണ്ടും മലബാര് കാന്സര് കെയര് സൊസൈറ്റി വൈസ് പ്രസിഡണ്ടുമായ മഹേഷ് ചന്ദ്ര ബാലിഗ എന്നിവര് സംസാരിച്ചു. മലബാര് കാന്സര് കെയര് സൊസൈറ്റി പ്രസിഡണ്ട് ഡി.കൃഷ്ണനാഥപൈ സ്വാഗതവും വൈസ് പ്രസിഡണ്ട് ഡോ.ബി.വി.ഭട്ട് നന്ദിയും പറഞ്ഞു. മലബാര് കാന്സര് കെയര് സൊസൈറ്റി അംഗങ്ങളുടെയും കാന്സര് രോഗത്തെ അതിജീവിച്ചവരുടെ കൂട്ടായ്മയായ ഫ്രണ്ട്സ് ഫോര് കാന്സര് കെയറിന്റെയും നേതൃത്വത്തില് മേയര് ഇ.പി.ലതക്കും ഡെപ്യൂട്ടി മെയര് സി.സമീറനും സ്വീകരണം നല്കി.
കാന്ഫെയര് 2015 പ്രദര്ശനവുമായി ബന്ധപ്പെട്ട വിവരങ്ങള്ക്ക് 2705309, 9446525309 എന്ന നമ്പറില് ബന്ധപ്പെടാവുന്നതാണ്.
പ്രതികരിക്കാൻ ഇവിടെ എഴുതുക: