കാഞ്ഞിരപ്പള്ളി : ജില്ലാ സ്കൂള് കായികമേളയ്ക്ക് ഇക്കുറി ആതിഥ്യമരുളുന്നത് കാഞ്ഞിരപ്പള്ളി. 13 വിദ്യാഭ്യാസ ഉപജില്ലകളില് നിന്നായി 95 അത്ലറ്റിക്ക് ഇനങ്ങളില് 3000 ഓളം കായികതാരങ്ങളാണ് കാഞ്ഞിരപ്പള്ളിയില് മാറ്റുരയ്ക്കുന്നത്.
കായികമേള നാളെ മുതല് ശനിയാഴ്ച വരെയുളള ദിവസങ്ങളില് കാഞ്ഞിരപ്പള്ളി സെന്റ് ഡോമിനിക്സ് കോളജ് ഗ്രൗണ്ടില് നടക്കും.
സബ് ജൂനിയര്, ജൂനിയര്, സീനിയര് വിഭാഗങ്ങളിലാണ് മത്സരം. നാളെ രാവിലെ 9 ന് ഡോ.എന് ജയരാജ് എംഎല്എ ഉദ്ഘാടനം നിര്വ്വഹിക്കും. ബ്ലോക്ക് പഞ്ചായത്ത് പ്രസിഡന്റ് അന്നമ്മ ജോസഫ് അധ്യക്ഷത വഹിക്കും. ആദ്യ ദിവസം 21 ഫൈനലുകളും രണ്ടാം ദിവസം 36 ഫൈനലുകളും മൂന്നാം ദിവസം 38 ഫൈനലുകളും നടക്കും. ആദ്യ മൂന്ന് സ്ഥാനങ്ങള് നേടുന്ന കായികതാരങ്ങള് അടുത്ത മാസം അഞ്ചിന് കോഴിക്കോട്ടു നടക്കുന്ന സംസ്ഥാന സ്കൂള് മേളയില് പങ്കെടുക്കും.
പാറത്തോട് പഞ്ചായത്തിന്റെ സഹായത്തോടെ നടക്കുന്ന മേളയ്ക്ക് കോട്ടയം വിദ്യാഭ്യാസ ഡപ്യൂട്ടി ഡയറക്ടര് മേല്നോട്ടം വഹിക്കും. ദേശീയ മല്സരങ്ങളില് പങ്കെടുത്ത കുട്ടികള് മാറ്റുരയ്ക്കുന്ന എന്നത് ഈ മേളയുടെ എറെ സവിശേഷതയാണ്. കോരുത്തോടാണ് മുന് വര്ഷത്തെ ചാമ്പ്യന് സ്കൂള്.
വാര്ത്താ സമ്മേളനത്തില് ഭാരവാഹികളായ വിദ്യാഭ്യാസ ഡപ്യൂട്ടി ഡയറക്ടര് സി.എ സന്തോഷ്, പ്രോഗ്രാം കണ്വീനര് പി. ബിനു, പബ്ളിസിറ്റി കണ്വീനര് സി.ആര് പ്രദീപ്കുമാര്, ജോയിന്റ് കണ്വീനര് സി.ആര് ഹരികുമാര്, ജോസഫ് എന്.ജെ, തോമസ് ജേക്കബ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: