കണ്ണൂര്:ഹര്ത്താല് നിയന്ത്രിക്കുന്നതിനായി സര്ക്കാര് നിര്മിക്കാനുദ്ദേശിക്കുന്ന ബില്ലുമായി ബന്ധപ്പെട്ട് രാഷ്ട്രീയപാര്ട്ടികളിലും മറ്റു സംഘടനകളിലും പൊതുജനങ്ങളിലും നിന്ന് നിര്ദേശങ്ങള് സ്വീകരിക്കുന്നതിനായി ജില്ലാ പൊലീസ് കോ-ഓപ്പറേറ്റീവ് സൊസൈറ്റി ഓഡിറ്റോറിയത്തില് ശില്പശാല നടത്തി. ഡിവൈഎസ്പി (അഡ്മിനിസ്ട്രേഷന്) ടി.പി.രഞ്ജിത് മോഡറേറ്ററായി. ഡിവൈഎസ്പി (സ്പെഷ്യല് ബ്രാഞ്ച്) പ്രജീഷ് തോട്ടത്തില് അധ്യക്ഷത വഹിച്ചു. കോര്പറേഷന് കൗണ്സിലര് വെള്ളോറ രാജന് (സിപിഐ), മാര്ട്ടിന് ജോര്ജ്, മുണ്ടേരി ഗംഗാധരന് (ഐഎന്സി), വി.പി .വമ്പന് (ഐയുഎംഎല്), എന്. സുകന്യ, ബിജു കണ്ടക്കൈ (സിപിഎം), പി.കെ.വേലായുധന് (ബിജെപി), അഡ്വ. നിക്കോളാസ്, സാമൂഹ്യ പ്രവര്ത്തകന് ടി.പി.ആര്.നാഥ് തുടങ്ങിയവര് സംസാരിച്ചു. കണ്ണൂര് ഡിവൈഎസ്പി മൊയ്തീന് കുട്ടി, തളിപ്പറമ്പ് ഡിവൈഎസ്പി കെ.സുരേന്ദ്രന്, പൊലീസ് ഓഫീസേഴ്സ് അസോസിയേഷന് പ്രസിഡന്റ് സിഐ എം.പി.ആസാദ്, സെക്രട്ടറി പി.കെ ലൂക്കോസ്, കേരള പൊലീസ് അസോസിയേഷന് പ്രസിഡന്റ് പി.സി.രവീന്ദ്രന്, സെക്രട്ടറി കെ.ജെ.മാത്യു തുടങ്ങിയവര് സംബന്ധിച്ചു.
പ്രതികരിക്കാൻ ഇവിടെ എഴുതുക: