ഹരിപ്പാട്: തൃക്കുന്നപ്പുഴ വേദവ്യാസ വിദ്യാപീഠത്തിന്റെ ആഭിമുഖ്യത്തില് മംഗലം ഹയര് സെക്കന്ഡറി സ്കൂളില് കഴിഞ്ഞ രണ്ടു ദിവസമായി നടുന്നു വന്ന ഭാരതീയ വിദ്യാനികേതന് ജില്ലാ കലോത്സവം സമാപിച്ചു. 387 പോയിന്റു നേടിയ മാവേലിക്കര വിദ്യാധിരാജ വിദ്യാപീഠം സെന്ട്രല് സ്കൂള് ചാമ്പ്യന്മാരായി.
എല്പി വിഭാഗത്തില് വിദ്യാധിരാജ വിദ്യാപീഠം ഒന്നാം സ്ഥാനം കരസ്ഥമാക്കി. തുറവൂര് സരസ്വതി വിദ്യാമന്ദിര് സ്കൂളും കുട്ടമ്പേരൂര് കാര്ത്യായനി വിദ്യാമന്ദിര് സ്കൂളും രണ്ടാം സ്ഥാനം പങ്കിട്ടു. പൂഞ്ഞലിക്കാവില് കാവുങ്കല് ദേവി വിദ്യാനികേതന് സ്കൂളിനാണ് മൂന്നാം സ്ഥാനം.
യുപി വിഭാഗത്തില് മാവേലിക്കര വിദ്യാധിരാജ വിദ്യാപീഠം സെന്ട്രല് സ്കൂള് ഒന്നാം സ്ഥാനവും, പൂഞ്ഞലിക്കാവില് കാവുങ്കല് ദേവി വിദ്യാനികേതന് രണ്ടാംസ്ഥാനവും കുട്ടമ്പേരൂര് കാര്ത്യായനി വിദ്യാമന്ദിര് സ്കൂള് മൂന്നാംസ്ഥാനവും നേടി.
എച്ച്എസ് വിഭാഗത്തില് മാവേലിക്കര വിദ്യാധിരാജ വിദ്യാപീഠം സെന്ട്രല് സ്കൂള് ഒന്നാം സ്ഥാനവും കുട്ടമ്പേരൂര് കാര്ത്യായനി വിദ്യാമന്ദിര് സ്കൂള് രണ്ടാംസ്ഥാനവും പൂഞ്ഞലിക്കാവില് കാവുങ്കല് ദേവി വിദ്യാനികേതന് മൂന്നാംസ്ഥാനവും കരസ്ഥമാക്കി. സമാപന സഭയില് വിദ്യാനികേതന് സംസ്ഥാന സഹ സംഘടന കാര്യദര്ശി അഡ്വ.ജോ്യാതി ഗോപിനാഥ് ഭദ്രദീപം തെളിച്ചു. തൃക്കുപ്പുഴ ഗ്രാമപഞ്ചായത്ത് പ്രസിഡന്റ് ബി.അമ്മിണി അധ്യക്ഷത വഹിച്ചു. ഭാരതീയ വിദ്യാനികേതന് സംസ്ഥാന അക്കാദമി കോ-ഓര്ഡിനേറ്റര് സുനില്കുമാര് മുഖ്യപ്രഭാഷണം നടത്തി.
ഗ്രാമപഞ്ചായത്ത് അംഗങ്ങളായ എസ്.സുധിലാല്, യു.സുമേഷ്, സ്വാഗതസംഘം കവീനര് ജെ.പ്രദീപ്കുമാര്, വിദ്യാനികേതന് ജില്ലാ കാര്യദര്ശി എം.മധുസൂദനന്പിള്ള, എം.ജി. സന്തോഷ്കുമാര്, കെ.എസ്. സന്തോഷകുമാര് എന്നിവര് പ്രസംഗിച്ചു.
വിജയികള്ക്കുള്ള സമ്മാനങ്ങള് സിനിമാ സംവിധായകന് മനു കണ്ണന്താനം വിതരണം ചെയ്തു. ഡോ.ടി.ആര്. സത്യകീര്ത്തി ധ്വജാവരോഹണവും മനോജ്.ഇ.പണിക്കര് സ്വാഗതവും സ്വാഗതസംഘം കവീനര് ജെ.പ്രദീപ്കുമാര് കൃതജ്ഞതയും രേഖപ്പടുത്തി.
അടുത്ത വര്ഷം നടക്കുന്ന ജില്ലാ കലോത്സവത്തിനുളള പതാക പൂഞ്ഞലിക്കാവില് കാവുങ്കല് ദേവി വിദ്യാനികേതന് സെക്രട്ടറി കെ.പി. ഗോപിനാഥനും ചേര്ത്തല ഉപജില്ല സംയോജകന് റെജികുമാറും ചേര്ന്ന് ഏറ്റു വാങ്ങി.
പ്രതികരിക്കാൻ ഇവിടെ എഴുതുക: