വ്രതമനുഷ്ഠിക്കുന്നവര് നിശ്ചിത തീയതിക്ക് തലേന്നാള് സംയമാദി വ്രതനിയമങ്ങള് അനുസരിച്ചിരിക്കണം. നല്ല നല്ല കാര്യങ്ങള് കേള്ക്കുക, കീര്ത്തിക്കുക, ആദ്ധ്യാത്മിക വിചാരം, ശാന്തവും മിതവുമായ ഭാവപ്രകടനം, മൗനം, ജപം, ധ്യാനം, മന്ത്രം ആവര്ത്തിച്ചുചൊല്ലല്, അന്യമുതലുകളെ ആഗ്രഹിക്കാതിരിക്കല്, ത്രികരണ ശുദ്ധിക്കാവശ്യമായ കാര്യങ്ങളില് ദൃഢചിത്തതയോടെയിരിക്കുക. പഞ്ചേന്ദ്രിയങ്ങളേയും മനസ്സിനെയും ധര്മാനുകൂലമല്ലാത്ത കാര്യങ്ങളില് വ്യാപരിക്കാതിരിക്കുക തുടങ്ങിയവയാണ് വ്രതത്തിലൂടെ സാധിക്കുന്നത്.
വ്രതോപവാസാന് ഖലുയോവിധത്തേ
ദാരിദ്ര്യപാശം സഭിനത്തിചാശു
വ്രതോപവാസേഷുരതസ്യപുംസ-
ശ്ചൈവാപദഃ ശാന്തിമുശന്തിതജ്ഞാഃ
ഈ വിധം നിഷ്ഠകളോടുകൂടിയ വ്രതാചരണം സര്വപാപങ്ങളെയും കഴുകിക്കളഞ്ഞ് നമ്മെ മനഃശാന്തിയിലെത്തിച്ച് സൗഖ്യസമ്പത്തുകള്കൊണ്ട് ധന്യരാക്കുന്നു.
മണ്ഡലം: 41 ദിവസം
41 ദിവസമാണ് ഒരു മണ്ഡലകാലം. ആദ്ധ്യാത്മികമായി ഈ 41 ന് വളരെയേറെ സവിശേഷതകളുണ്ട്. പൗര്ണമിക്കുശേഷം പ്രതിപദം മുതല് അടുത്ത പൗര്ണമി വരെ 30 ദിവസവും പിന്നീട് വരുന്ന ഏകാദശി വരെയുള്ള 11 ദിവസവും ചേരുമ്പോള് 41 ദിവസം ആയ ഒരുമണ്ഡലം പൂര്ണമാകുന്നു.
വിഷ്ണുവിന്റെയും ശിവന്റെയും അംശസ്വരൂപമായ 41 എന്നത് അയ്യപ്പനുമായി വളരെ ബന്ധപ്പെട്ടു നില്ക്കുന്നു.നാല്, ഒന്ന് എന്നുള്ളതിന്റെ വര്ണ്ണന ഈ വിധം. നാല് വിഷ്ണു സ്വരൂപവും, ഒന്ന് എന്നത് ശിവസ്വരൂപവുമാണ്. ചതുര്ബാഹുവായ വിഷ്ണുവിന് ശംഖ്, ചക്രം, ഗദ, പത്മം എന്നിവയുണ്ട്. കൂടാതെ ചതുര്വേദ രൂപിയും വിഷ്ണുതന്നെ. പഞ്ചഭൂതങ്ങളില് നാലാമത്തേതായ ജലത്തിന്റെ അധിപനും പ്രപഞ്ച പരിപാലകനായതിനാല് നാലു ദിശകളിലും നിറഞ്ഞവനുമാകുന്നു.
അങ്ങനെ നാല്, പ്രാമുഖ്യം നേടുന്നു. ഏകനും വികാരാതീതനും നിര്ലിപ്തനും ദേവന്മാരുടെ ദേവനുമായ മഹാദേവന് സൃഷ്ടിക്കുമുന്പും സംഹാരത്തിനുശേഷവും അവ്യക്തസ്വരൂപനായി വര്ത്തിക്കുന്നു. ഏകം എന്നത് സത്യസ്വരൂപവുമാണ്. കൂടാതെ ഓംകാരമെന്ന ഏകത്തെയും സൂചിപ്പിക്കുന്നു. ഇങ്ങനെ നാല്, ഒന്ന് സംയുക്തമായി ഹരിഹര പുത്രനായ അയ്യപ്പന് പ്രശോഭിക്കുന്നു.
തുടരും
പ്രതികരിക്കാൻ ഇവിടെ എഴുതുക: