കോഴിക്കോട്: മതത്തിന്റെയും വോട്ടുബാങ്കിന്റെയും ബലത്തില് ആനുകൂല്യങ്ങള് പ്രഖ്യാപിക്കുന്ന സംസ്ഥാന സര്ക്കാറിന്റെ നടപടി അംഗീകരിക്കാനാവില്ലെന്ന് ബിജെപി ജില്ലാ പ്രസിഡന്റ് പി. രഘുനാഥ് അഭിപ്രായപ്പെട്ടു. മത്സ്യബന്ധനത്തിനിടെ അപകടത്തില്പ്പെട്ടവരെ രക്ഷിക്കുന്നതിനിടെ മരണമടഞ്ഞ മത്സ്യത്തൊഴിലാളികളായ രാജീവന്റെയും സഹദേവന്റെയും കുടുംബങ്ങളോടുള്ള സര്ക്കാര് അവഗണന അവസാനിപ്പിക്കണമെന്ന് ആവശ്യപ്പെട്ട് ബിജെപിയും ഭാരതീയ മത്സ്യപ്രവര്ത്തകസംഘവും സംയുക്തമായി സംഘടിപ്പിച്ച കലക്ട്രേറ്റ് ധര്ണ്ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
അപകടത്തില് മരണമടഞ്ഞ മത്സ്യത്തൊഴിലാളികളോട് സര്ക്കാര് കാണിക്കുന്ന വിവേചനം അനുവദിക്കാനാവില്ല. രണ്ടുപേരുടെ ജീവന് രക്ഷിച്ച് മറ്റൊരു സഹപ്രവര്ത്തകനെക്കൂടി രക്ഷപ്പെടുത്താനുള്ള ശ്രമത്തിനിടയിലാണ് പരീക്കണ്ടിപറമ്പില് രാജീവന് മരണപ്പെടുന്നത്. രാജീവന്റെ ആശ്രിതര്ക്ക് സര്ക്കാര് ജോലി നല്കണമെന്നും മരണപ്പെട്ട സഹദേവന്റെ കുടുംബത്തിന് പത്തുലക്ഷം രൂപ ധനസഹായം നല്കണമെന്നുമാണ് ആവശ്യപ്പെടുന്നത്. മരണപ്പെട്ട മത്സ്യത്തൊഴിലാളികള്ക്ക് അര്ഹതപ്പെട്ട ആനുകൂല്യം നല്കാ നോ അവരുടെ വീട് സന്ദര്ശിക്കാനോ മുഖ്യമന്ത്രിയോ മന്ത്രിമാരോ തയ്യാറായിട്ടില്ല. രാജീവന്റെയും സഹദേവന്റെയും വീട് സന്ദര്ശിക്കാത്ത മുഖ്യമന്ത്രിയുടെ നിലപാട് മതപരമായ വിവേചനം കൂടിയാണ്. ഭൂരിപക്ഷ വിഭാഗത്തിന് സാമൂഹ്യനീതി നിഷേധിക്കുന്ന നിലപാടാണ് ഇടതു-വലതു മുന്നണികള് കാലങ്ങളായി സ്വീകരിച്ചുവരുന്നത്. ഇതിന്റെ തുടര്ച്ചയാണ് ഇപ്പോള് കാണുന്നത്. തുല്യനീതിയാണ് ആവശ്യപ്പെടുന്നത്, അല്ലാതെ മറ്റൊന്നുമല്ല. മത്സ്യത്തൊഴിലാളികളോടുള്ള വിവേചനം അവസാനിപ്പിച്ചില്ലെങ്കില് വീട്ടുവീഴ്ചയില്ലാത്ത സമരത്തിന് നേതൃത്വം നല്കും. രാജീവന് ധീരതക്കുള്ള അവാര്ഡിന് ശുപാര്ശ ചെയ്യാന് ജില്ലാ കലക്ടര് നടപടി സ്വീകരിക്കണമെന്നും പി. രഘുനാഥ് കൂട്ടിച്ചേര്ത്തു.
മത്സ്യത്തൊഴിലാളി സമൂഹത്തോടുള്ള വിവേചനവും അവഗണനയും വെച്ചുപൊറുപ്പിക്കാനാവില്ലെന്ന് മുഖ്യപ്രഭാഷണം നടത്തിയ ഭാരതീയ മത്സ്യപ്രവര്ത്തകസംഘം സംസ്ഥാന വൈസ് പ്രസിഡന്റ് എന്.പി. രാധാകൃഷ്ണന് അഭിപ്രായപ്പെട്ടു. സര്ക്കാറിന്റെ ഭാഗത്തുനിന്ന് അവഗണന തുടര്ന്നാല് പ്രക്ഷോഭം വ്യാപിപ്പിക്കും. മത്സ്യബന്ധനത്തിനിടെ അപകടങ്ങള് ഉണ്ടാകുമ്പോഴും സര്ക്കാര് സംവിധാനങ്ങള് നോക്കുകുത്തിയാവാറാണ് പതിവെന്നും അദ്ദേഹം കൂട്ടിച്ചേര്ത്തു.
ഭാരതീയ മത്സ്യപ്രവര്ത്തകസംഘം ജില്ലാ പ്രസിഡന്റ് ടി. ജയപാലന് അധ്യക്ഷത വഹിച്ചു. ബിജെപി ജില്ലാ വൈസ് പ്രസിഡന്റ് ടി. വാസുദേവന്, ഭാരതീയ മത്സ്യപ്രവര്ത്തകസംഘം സംസ്ഥാന സെക്രട്ടറി പി.പി. സദാനന്ദന്, ജില്ലാ സെക്രട്ടറി വി. പ്രഹ്ളാദന്, ബിജെപി കൊയിലാണ്ടി മണ്ഡലം സെക്രട്ടറി കെ. ഫല്ഗുനന് എന്നിവര് സംസാരിച്ചു.
ഭാരതീയ മത്സ്യപ്രവര്ത്തകസംഘം സംസ്ഥാന ജനറല് സെക്രട്ടറി കെ. രജനീഷ് ബാബു, ബിജെപി ജില്ലാ സെക്രട്ടറി വി.കെ. ജയന്, ആര്എസ്എസ് വടകര ജില്ലാ സഹകാര്യവാഹ് പി.ടി. ശ്രീലേഷ്, എ. കരുണാകരന്, കെ. വസന്തന്, പി.കെ. ഗണേശന് എന്നിവര് ധര്ണ്ണക്ക് നേതൃത്വം നല്കി. സ്ത്രീകളടക്കം നൂറുകണക്കിനാളുകളാണ് ധര്ണ്ണയ്ക്കെത്തിയത്.
പ്രതികരിക്കാൻ ഇവിടെ എഴുതുക: