കണ്ണൂര്: ചെന്നൈ പ്രളയദുരന്തത്തിനിരയായവര്ക്കായി, ഏഞ്ചല്സ് സംസ്ഥാന കമ്മിറ്റിയുടെ നേതൃത്വത്തിലുള്ള വൈദ്യസഹായപദ്ധതിക്ക് തുടക്കമായി. എമര്ജന്സി മെഡിസിന് ഡോക്ടര്മാരുടെ സംഘടനയായ ‘സെമി’ തമിഴ്നാട് ഘടകത്തിന്റെയും ആസ്റ്റര് മെഡികെയറുമായി സഹകരിച്ച് വിവിധ പ്രദേശങ്ങളില് മെഡിക്കല് ക്യാമ്പുകളും സൗജന്യ മരുന്നുവിതരണവും തുടങ്ങി. ഏഞ്ചല്സ് ഡയറക്ടര് ഡോ. പി.പി. വേണുഗോപാലിന്റെ നേതൃത്വത്തിലുള്ള മെഡിക്കല് സംഘം ചെന്നൈയിലെത്തി ക്യാമ്പുകള്ക്ക് നേതൃത്വം നല്കുന്നുണ്ട്. കേരളത്തിലെ വിവിധ ജില്ലകളില് നിന്നും ശേഖരിച്ച മരുന്നുകളും മറ്റ് സഹായങ്ങളും വിവിധ ഏജന്സികളിലുടെ ചെന്നൈയില് ഏല്പ്പിച്ചു കഴിഞ്ഞതായി ഏഞ്ചല്സ് സംസ്ഥാന എക്സിക്യുട്ടീവ് ഡയറക്ടര് ഡോ. സുല്ഫിക്കര് അലി അറിയിച്ചു. പി.ഷാഹിന്, രജിത് രാജരത്നം, പി. നാരായണന്, അഡ്വ. മനോജ് എന്നിവര് നേതൃത്വം നല്കി. സെമി തമിഴ്നാട് ഘടകത്തിന്റെ ഭാരവാഹികളായ ഡോ. സായ് സുരേന്ദ്രന്, ഡോ. തൗസീഫ്, ഡോ. ശരവണ കുമാര്, ഡോ. നരേന്ദ്രനാഥ് ജീന എന്നിവരാണ് ക്യാമ്പുകള്ക്ക് നേതൃത്വം നല്കുന്നത്. ഏഞ്ചല്സ് മെഡിക്കല് സംഘത്തില് സേവനമനുഷ്ടിക്കാന് താല്പ്പര്യമുള്ള ഡോക്ടര്മാരും, പാരാമെഡിക്കല് സ്റ്റാഫും 102 നമ്പറില് വിളിച്ച് രജിസ്റ്റര് ചെയ്യണമെന്ന് ഡോ. സുല്ഫിക്കര് അലി അറിയിച്ചു.
ഏഞ്ചല്സ് സന്നദ്ധ പ്രവര്ത്തകര്ക്ക് പുറമെ അബെര്ട്ട് ബൈക്ക് ആംബുലന്സ് വളണ്ടിയര്മാര്, അസാപ്പ് പഠിതാക്കള്, എമര്ജന്സി മെഡിക്കല് ടെക്നിഷ്യന്മാര് എന്നിവരും, ഡിസാസ്റ്റര് സെല്, റിലീഫ് വിംഗ് പ്രവര്ത്തകരും മെഡിക്കല് സംഘത്തിലുണ്ട്.
പ്രതികരിക്കാൻ ഇവിടെ എഴുതുക: