ഭഗവാന്റെ ഈ വാക്കുകള് ഉറച്ചുവിശ്വസിച്ചുകൊണ്ടുതന്നെ നാം ഗീതപഠിക്കുകയും അതിലെ നിര്ദ്ദേശങ്ങള് മാറ്റം കൂടാതെ അനുഷ്ഠിക്കുകയും വേണം. ‘മായ’ എന്നാല് ഇല്ലാത്ത വസ്തു ഉണ്ടെന്നു തോന്നിക്കുന്ന വിദ്യ എന്നല്ല അര്ത്ഥം. അതുകൊണ്ട് ശ്രീകൃഷ്ണന്റെ ജന്മങ്ങള്, കര്മങ്ങള് ദേഹം ഒന്നും നമ്മുടേതുപോലെയല്ല. ”ഈ കര്മ ചമേ ദിവ്യാം” എന്നു ഭഗവാന് തന്നെ പറയുന്നു. മഹാഭാരതത്തില് വ്യാസന് പറയുന്നതും ശ്രദ്ധിക്കുക.
”ന ഭൂത സംഘ സംസ്ഥാനോ
ദേഹോളസ്യ പരമാത്മനഃ
(സഭാ പര്വം)
”ഭഗവാന്റെ ദേഹം പഞ്ചഭൂതാത്മകമല്ല.”
വായു പുരാണത്തില് പറയുന്നതും നോക്കുക:
ന തസ്യ പ്രാകൃതാ മൂര്ത്തിഃ
മാംസമേദോ സ്ഥിസംഭവാ.
(പൂര്വഭാഗം 36-4-0)
ഭഗവച്ഛരീരരക്തവും മാംസവും അസ്ഥിയും നിറഞ്ഞ നമ്മുടെ ദേഹംപോലെയല്ല.
”ഞാന് മനുഷ്യശരീരം സ്വീകരിച്ച ഒരു ജീവാത്മാവ് മാത്രമെന്നു കരുതുകയും എന്റെ മഹാപ്രഭാവം അറിയാതെ എന്നെ നിന്ദിക്കുകയും ചെയ്യുന്നവര് മൂഢന്മാര് തന്നെയാണ്.”
അ വജ, നന്തിമാം മൂഢാ
മാനുഷീം തനുമാശ്രിതം
പരംഭാവയജാനന്തോ
മമ ഭൂതമഹേശ്വരം.
(ഗീത 9-11)
ഈ ഭഗവദ് വാക്യം നാം തീര്ച്ചയായും വിശ്വസിക്കണം. അതിനുശേഷം മാത്രമേ ഗീത വ്യാഖ്യാനിക്കാനോ പ്രഭാഷണം ചെയ്യാനോ നാം ഒരുങ്ങാന് പാടുള്ളൂ.
ശ്രീ ശങ്കരാചാര്യര് ഉറപ്പിച്ചു പറയുന്നു-
”പരമാര്ത്ഥതത്വം വാസുദേവാഖ്യം
പരംബ്രഹ്മ-” (ഗീതാഭാഷ്യം ആമുഖം)
പരമമായ തത്വം പരബ്രഹ്മമായ ഈ വാസുദേവ പുത്രനായ കൃഷ്ണന് തന്നെ.
മഹാഭാരതത്തില് ഭഗവദ്ഗീത കഴിഞ്ഞ ഉടനെയുള്ള അധ്യായത്തില് -ഭീഷ്മവധപര്വം 43-ാം അധ്യായത്തില് -വേദവ്യാസനും പറയുന്നു.
”സര്വശാസ്ത്രമയീ ഗീതാ
സര്വദേവമോയോ ഹരിഃ”
(എല്ലാ ശാസ്ത്രങ്ങളുടെയും സ്വരം ഉള്ക്കൊള്ളുന്നതാണു ഗീത. എല്ലാ ദേവന്മാരും ശ്രീകൃഷ്ണനില് നിവസിക്കുന്നു.)
അപ്പോള് ഗീത ശ്രദ്ധിച്ച് പഠിച്ച് മനനം ചെയ്താല് എല്ലാ ശാസ്ത്രങ്ങളുടെയും താല്പ്പര്യം മനസ്സിലാക്കാം. ശ്രീകൃഷ്ണനെ ഭജിച്ചാല് എല്ലാ ദേവന്മാരും സന്തോഷിക്കും.
(തുടരും)
പ്രതികരിക്കാൻ ഇവിടെ എഴുതുക: