തിരുവനന്തപുരം: ഇന്ഡിഗോ എയര്ലൈന് തിരുവനന്തപുരത്തു നിന്നും ദല്ഹിയിലേക്കും ചെന്നൈയിലേക്കും നോണ്സ്റ്റോപ്പ് ഫ്ളൈറ്റുകള് ആരംഭിച്ചു. 39 കേന്ദ്രങ്ങളിലേക്ക് പ്രതിദിനം 655 വിമാന സര്വീസുകളാണ് ഇന്ഡിഗോയ്ക്ക് ഉള്ളത്.
തിരുവനന്തപുരത്തു നിന്നും രാവിലെ 10.40 ന് പുറപ്പെടുന്ന വിമാനം ഉച്ചയ്ക്ക് 1.55 ന് ദല്ഹിയിലെത്തും. 5103 രൂപയാണ് നിരക്ക്. ദല്ഹിയില് നിന്നും ഉച്ചയ്ക്ക് 2.35 ന് പുറപ്പെടുന്ന വിമാനം വൈകുന്നേരം 5.50 ന് തിരുവനന്തപുരത്ത് എത്തും. നിരക്ക് 5216 രൂപ.
വൈകുന്നേരം 6.20 ന് തിരുവനന്തപുരത്തു നിന്നും പുറപ്പെടുന്ന വിമാനം 7.25 ന് ചെന്നൈയിലെത്തും. നിരക്ക് 2354 രൂപ. ചെന്നൈയില് നിന്നും രാവിലെ 8.30 ന് പുറപ്പെടുന്ന വിമാനം 9.50 ന് തിരുവനന്തപുരത്ത് എത്തും. 2403 രൂപയാണ് നിരക്ക്.
പ്രതികരിക്കാൻ ഇവിടെ എഴുതുക: