കണ്ണൂര്: കൂടാളി താറ്റ്യോട് ശ്രീമഹാവിഷ്ണു ക്ഷേത്രം നവീകരണ കലശവും ധ്വജപ്രതിഷ്ഠയും കൊടിയേറ്റ് മഹോത്സവവും 14 മുതല് 29 വരെ തീയതികളില് നടക്കുമെന്ന് ആഘോഷക്കമ്മിറ്റി ഭാരവാഹികള് പത്രസമ്മേളനത്തില് അറിയിച്ചു. 14ന് വൈകുന്നേരം ആചാര്യവരണം, മുളയിടല്, പ്രസാദശുദ്ധി, അസ്ത്രകലശം, വാസ്തുബലി, രാക്ഷോഘ്നമഹാമം, വാസ്തുഹോമം, വാസ്തുകലശം, വാസ്തുപുണ്യാഹം എന്നിവ നടക്കും. വൈകുന്നേരം 4 മണിക്ക് കലവറ നിറക്കല് ഘോഷയാത്ര, തുടര്ന്ന് ചുറ്റുവിളക്ക്, ദീപാരാധന, നിറമാല, കേളി, അത്താഴപൂജയും നടക്കും. 6 മണിക്ക് നടക്കുന്ന സാംസ്കാരിക സമ്മേളനം ജില്ലാ പോലീസ് സൂപ്രണ്ട് പി.എന്.ഉണ്ണികൃഷ്ണന് ഉദ്ഘാടനം െചയ്യും. ഉത്സവാാേഷകമ്മിറ്റി ചെയര്മാന് ടി.കെ.രാമകൃഷ്ണന് നമ്പ്യാര് അദ്ധ്യക്ഷത വഹിക്കും. ക്ഷേത്രം തന്ത്രി ബ്രഹ്മശ്രീ തണയനെല്ലൂര് തെക്കിനിയേടത്ത് പത്മനാഭനുണ്ണി നമ്പൂതിരിപ്പാട്, സ്വാമി ആത്മചൈതന്യ എന്നിവര് അനുഗ്രഹപ്രഭാഷണം നടത്തും. 8 മണിക്ക് കലാപരിപാടികള്, കഥാപ്രസംഗം എന്നിവ ഉണ്ടാകും. തുടര്ന്നുള്ള എല്ലാ ദിവസങ്ങളിലും വിശേഷാല് പൂജകളും മഹാമങ്ങളും നടക്കും. 15ന് വൈകുന്നേരം 7 മണിക്ക് കൊട്ടിയൂര് പി.എസ്.മോഹനന് നടത്തുന്ന ആദ്ധ്യാത്മിക പ്രഭാഷണം, 8.30ന് ഓട്ടംതുള്ളല്, 16ന് വൈകുന്നേരം 7 മണിക്ക് ഭക്തിഗാനങ്ങള്, 8 മണിക്ക് നൃത്തനൃത്യങ്ങള്. 17ന് രാവിലെ 10 മണിക്ക് അക്ഷരശ്ലോകസദസ്സ്, വൈകുന്നേരം 7 മണിക്ക് കീര്ത്തനങ്ങള്, 8മണിക്ക് ഭക്തിഗാനസുധ. 18ന് വൈകുന്നേരം 7 മണിക്ക് ചാക്യാര്കൂത്ത്, 19ന് വൈകുന്നേരം 7 മണിക്ക് പട്ടാന്നൂര് ഉണ്ണികൃഷ്ണവാര്യര് നയിക്കുന്ന ആദ്ധ്യാത്മിക പ്രഭാഷണം, 8.30ന് നൃത്തസംഗീത നാടകം വീരഹനുമാന് എന്നിവ നടക്കും. 20ന് വൈകുന്നേരം 7 മണിക്ക് ആലച്ചേരി ബഹ്മശ്രീ ഹരികൃഷ്ണന് നമ്പൂതിരി നടത്തുന്ന ആദ്ധ്യാത്മിക പ്രഭാഷണം, 21ന് വൈകുന്നേരം 7 മണിക്ക് ശ്രീകണ്പുരം ബ്രഹ്മശ്രീ കൊട്ടാരം ജയരാമന് നമ്പൂതിരി നടത്തുന്ന ആദ്ധ്യാത്മിക പ്രഭാഷണം, 8.30ന് നൃത്തനൃത്യങ്ങള്, 22ന് വൈകുന്നേരം 7 മണിക്ക് ഭജന് സന്ധ്യ, 23ന് രാവിലെ 10 മണിക്ക് അക്ഷരശ്ലോകസദസ്സ്, 6.30ന് ആദ്ധ്യാത്മിക പ്രഭാഷണം, 8 മണിക്ക് നൃത്തശില്പം, 8.30ന് കഥാപ്രസംഗം, 24ന് രാവിലെ 10 മണിക്ക് അക്ഷരശ്ലോകസദസ്സ്, വൈകുന്നേരം 6.30ന് സംഗീതാര്ച്ചന, മണിക്ക് ഗാനാമൃതം, 25ന് രാവിലെ 10 മണിക്ക് നാരായണീയ പാരായണം, വൈകുന്നേരം തിടമ്പ് നൃത്തം, 26ന് രാവിലെ 10 മണിക്ക് നാരായണീയ പാരായണം, വൈകുന്നേരം 6.30ന് ആദ്ധ്യാത്മിക പ്രഭാഷണം, 8 മണിക്ക് പൂരക്കളി, 27ന് വൈകുന്നേരം 7 മണിക്ക് ആദ്ധ്യാത്മിക പ്രഭാഷണം, 8.30ന് അഗ്നിഭദ്ര എന്ന നൃത്തസംഗീത നാടകം, 28ന് രാവിലെ 10 മണിക്ക് നാരായണീയ പാരായണം, വൈകുന്നേരം 6.30ന് ആദ്ധ്യാത്മിക പ്രഭാഷണം എന്നിവയും നടക്കും. മഹോത്സവത്തിന്റെ അവസാന ദിനമായ 29ന് രാവിലെ നിര്മ്മാല്ല്യദര്ശനം, അഭിഷേകം, മലര്നിവേദ്യം, ഗണപതിഹോമം, ഉഷപൂജ, ശ്രീഭൂതബലി, ആറാട്ടിനെഴുന്നള്ളത്ത്, ആറാട്ട് ബലി, ആറാട്ട്, തിരിച്ചെഴുന്നള്ളിച്ച് പ്രദക്ഷിണം, കൊടിയിറക്കല്, അകത്ത് എഴുന്നള്ളിച്ച് നവകം, പഞ്ചഗവ്യം, കലശപൂജ, കലശാഭിഷേകം, ഉച്ചപൂജ, ദക്ഷിണ എന്നിവക്ക് ശേഷം സമാപനം. എല്ലാ ദിവസവും അന്നദാനവും ഉണ്ടായിരിക്കും. ഉത്സവാാേഷകമ്മിറ്റി ചെയര്മാന് ടി.കെ.രാമകൃഷ്ണന് നമ്പ്യാര്, ക്ഷേത്രക്കമ്മിറ്റി പ്രസിഡന്റ് എം.സുകുമാരന്, സെക്രട്ടറി പി.ചന്ദ്രശേഖരന്, കെ.ഭാസ്കരന് എന്നിവര് പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: