സമ ദുഃഖ സുഖനാവണമെന്നാണ് ഭഗവാന് അര്ജ്ജുനനോട് പറയുന്നത്. അതെങ്ങനെ കഴിയും എന്ന സംശയം തോന്നാം. കാരണം നാം സുഖം ആഗ്രഹിക്കുന്നു: അതിനുവേണ്ടി പ്രവര്ത്തിക്കുന്നു. നാം ദുഃഖം വരണമെന്നാഗ്രഹിക്കുന്നില്ല. പക്ഷേ, തനിയേ വന്നുചേരുന്നു. അപ്പോള് മനസ്സുകൊണ്ടു ചിന്തിക്കാന് പോലും കഴിയാത്ത കാര്യം ചെയ്യണമെന്നാണോ ഭഗവാന് പറയുന്നത്?
വിദ്യാഭ്യാസം ചെയ്യുക, ജോലി നേടുക, വീട് നിര്മിക്കുക തുടങ്ങിയ ലൗകിക പ്രവര്ത്തനം നടത്തുമ്പോള് അച്ഛനമ്മമാരുടെ മരണമോ പെട്ടെന്നുണ്ടാവുന്ന രോഗമോ ധനനഷ്ടമോ നമ്മെ ദുഃഖത്തിലാഴ്ത്തും, നമ്മുടെ പ്രവര്ത്തനങ്ങളെ നിര്ത്തിവെയ്ക്കേണ്ടിവരികയും ചെയ്യും. നേരെ മറിച്ച് പഠിപ്പില് ഒന്നാം സ്ഥാനമോ ജോലിയില് സ്ഥാനക്കയറ്റമോ ധനലാഭമോ നമ്മുടെ പ്രവര്ത്തനത്തിന് തീവ്രത കൂട്ടാന് സഹായിക്കുകയും ചെയ്യും.
ഇങ്ങനെ സംഭവിക്കരുതെന്നു തന്നെയാണ് ഭഗവാന് പറയുന്നത്. ദുഃഖത്തില് വാവിട്ടു കരയുന്നതും സുഖത്തില് മതിമറന്ന് ആഹ്ലാദിക്കുന്നതും ജീവിതത്തില് വിജയം നേടുന്നതിന് തടസ്സം തന്നെയാണ്.
(തുടരും)
പ്രതികരിക്കാൻ ഇവിടെ എഴുതുക: