ചേര്ത്തല: മസ്തിഷ്ക ആഘാതത്തെ തുടര്ന്ന് ഗുരുതരാവസ്ഥയില് കഴിയുന്ന സിനിമാ നാടക കഥാകൃത്ത് പി.എസ്.കുമാറിന്റെ തുടര് ചികിത്സക്ക് ആവശ്യമായ ധനസമാഹരണത്തിന് രാജന് പി. ദേവ് കള്ച്ചറല് ഫോറം പ്രവര്ത്തകര് രംഗത്ത്.
സംസാരശേഷിയും ചലനശേഷിയും നഷ്ടപ്പെട്ട് ഒരു മാസത്തോളമായി ചേര്ത്തലയിലെ സ്വകാര്യ ആശുപത്രിയില് ചികിത്സയിലാണ് കുമാര്. വിദഗ്ദ ചികിത്സക്കായി എറണാകുളത്തെയോ തിരുവനന്തപുരത്തെയോ ആശുപത്രിയിലേക്ക് മാറ്റേണ്ടതുണ്ടെന്നും ഇതിന് ഭാരിച്ച ചെലവ് വരുമെന്നും നഗരസഭ ചെയര്മാന് ഐസക് മാടവന, ഫോറം ഭാരവാഹികളായ മുതുകുളം സോമനാഥ്, പി.ഐ. ഹാരിസ്, സാബു വിശ്വത്തില്, ജീന് തണ്ണീര്മുക്കം, കെ. ഗോപാലകൃഷ്ണന് നായര് എന്നിവര് പറഞ്ഞു.
ധനസമാഹരണത്തിനായി സിനിമാരംഗത്തെ പ്രമുഖരുടെയും വിദേശത്തും നാട്ടിലുമുള്ള വിവിധ സംഘടനകളുടെയും സഹായം തേടിയിട്ടുണ്ട്. ഏതാനും സംഘടനകള് ഇദ്ദേഹത്തിന്റെ അവസ്ഥ മനസിലാക്കി സഹായഹസ്തം നീട്ടിയിട്ടുണ്ട്. ചികിത്സക്കൊപ്പം കുമാറിനും കുടുംബത്തിനും കിടപ്പാടം ഒരുക്കുന്നതിനാണ് ലക്ഷ്യമിട്ടിട്ടുള്ളതെന്നും പത്ത് ലക്ഷത്തോളം രൂപ ഇതിനായി ചെലവ് വരുമെന്നും അവര് പറഞ്ഞു.
ധനസമാഹരണത്തിനായി എസ്ബിടി പിബിബി ബ്രാഞ്ചില് 67351889911 എന്ന നമ്പറില് അക്കൗണ്ട് തുറന്നിട്ടുണ്ട്. ഐഎഫ്എസ്സി കോഡ് എസ്ബിടിആര് 0001015.
പ്രതികരിക്കാൻ ഇവിടെ എഴുതുക: