വൈക്കം: നഗരസഭയില് പോസ്റ്റ് ഓഫീസ് സേവിംഗ്സ് അക്കൗണ്ട് വഴി പെന്ഷന് കൈപ്പറ്റിയിരുന്ന ഗുണഭോക്താക്കള്ക്ക് 2015 സെപ്റ്റംബര് മുതല് ഡിസംബര് വരെയുള്ള മാസങ്ങളിലെ പെന്ഷന് കുടിശ്ശിക തുകയുടെ ചെക്കുകള് വിതരണം ചെയ്യുന്നു. നഗരസഭയിലെ ഒന്ന് മുതല് മൂന്ന് വരെയുള്ള വാര്ഡുകളിലുള്ളവര് ഉദയനാപുരം റോട്ടറി ക്ലബ്ബിലും, നാല് മുതല് ആറ് വരെ ചാലപ്പറമ്പ് എല്.പി സ്ക്കൂളിലും, എഴ് മുതല് പത്ത് വരെ ആറാട്ടുകുളങ്ങര എസ്.എന്.ഡി.പി സ്ക്കൂളിലും, 11, 12 വാര്ഡുകളിലുള്ളവര് ആറാട്ടുകുളങ്ങര യു.പി സ്ക്കൂളിലും ഹാജരാകണം. 13 മുതല് 15 വരെ വാര്ഡുകളിലുള്ള ഗുണഭോക്താക്കള് സെന്റ് ലിറ്റില് തേരേസാസ് ഹയര് സെക്കന്ററി സ്ക്കൂളിലും, 17, 18 വാര്ഡുകളിലുള്ളവര് ബോയ്സ് ഹൈസ്ക്കൂളിലും, 19, 20 വാര്ഡുകളില് താമസിക്കുന്നവര് ഗേള്സ് ഹൈസ്ക്കൂളിലും എത്തിച്ചേരണം. 22, 23, 26 വാര്ഡുകളിലെ പെന്ഷന്കാര്ക്ക് മടിയത്തറ എല്.പി സ്ക്കൂളിലും, 24, 25 വാര്ഡുകളിലുള്ളവര്ക്ക് പോളശേരി എല്.പി സ്ക്കൂളിലും, 21, 26 വാര്ഡുകാര്ക്ക് നഗരസഭ ഓഫീസിലുമാണ് ചെക്കുകള് വിതരണം ചെയ്യുന്നത്. ഒന്പതിന് രാവിലെ 11 മുതല് ഉച്ചകഴിഞ്ഞ് 3.30 വരെയാണ് ചെക്ക് വിതരണം നടക്കുന്നത്. ഗുണഭോക്താക്കള് ഫോട്ടോ പതിച്ച തിരിച്ചറിയല് കാര്ഡ്, പോസ്റ്റ് ഓഫീസ് അക്കൗണ്ട് വിവരങ്ങള് എന്നിവ പരിശോധനയ്ക്ക് ഹാജരാക്കി തുക കൈപ്പറ്റണം. ക്രോസ്ഡ് ചെക്ക് ആയതിനാല് ഗുണഭോക്താവിന്റെ അക്കൗണ്ടിലൂടെ മാത്രമേ മാറാന് സാധിക്കൂ. ടി.വി പുരം പഞ്ചായത്തിലെ ഒന്നാം വാര്ഡിലെയും ഒന്പത് മുതല് 14 വരെയുള്ള വാര്ഡുകളിലെയും ഗുണഭോക്താക്കള് എട്ടിന് പഞ്ചായത്ത് ഓഫീസിലും, രണ്ട് മുതല് അഞ്ച് വരെയുള്ള വാര്ഡുകാര് ചെമ്മനത്തുകര സ്ക്കൂളിലും, ആറ് മുതല് എട്ട് വരെയുള്ള വാര്ഡുകളിലുള്ളവര് കൊട്ടാരപ്പള്ളി പാരിഷ്ഹാളിലും ഹാജരാകണം. ഗുണഭോക്താക്കള് പെന്ഷന് സ്ലിപ്പ്, ആധാര് കാര്ഡ്, വോട്ടര് തിരിച്ചറിയല് കാര്ഡ് എന്നിവ സഹിതം രാവിലെ 10.30നും വൈകുന്നേരം നാലിനും ഇടയിലുള്ള സമയത്ത് ക്യാമ്പില് ഹാജരായി ചെക്ക് വാങ്ങണം. അക്കൗണ്ട് പേയീ ചെക്കുകള് വിതരണം ചെയ്യുന്നതിനാല് ബാങ്ക് അക്കൗണ്ടില്ലാത്ത ഗുണഭോക്താക്കള് ദേശസാല്കൃത ബാങ്കില് അക്കൗണ്ട് എടുക്കേണ്ടതാണെന്ന് പഞ്ചായത്ത് സെക്രട്ടറി അറിയിച്ചു.
പ്രതികരിക്കാൻ ഇവിടെ എഴുതുക: