പയ്യാവൂര്: ഉത്തര മലബാറിലെ പ്രസിദ്ധമായ പയ്യാവൂര് ഊട്ട് മഹോത്സവം 12 മുതല് 28 വരെ നടക്കും. കേരളീയരും കര്ണാടകത്തിലെ കുടകരും സംയുക്തമായി ഊട്ടുത്സവം നടത്തുന്ന അപൂര്വ്വം ക്ഷേത്രങ്ങളിലൊന്നാണ് പയ്യാവൂര് ശിവക്ഷേത്രം. 12 ന് രാവിലെ 6 മണിക്ക് കുടകര് കാളപ്പുറത്ത് അരിയുമായി ക്ഷേത്രത്തിലെത്തുന്നതോടെ ഊട്ടുത്സവത്തിന് തുടക്കമാകും. വൈകുന്നേരം 5 മണിക്ക് കലവറ നിറക്കല് ഘോഷയാത്ര, 6 ന് അരിയളവ്, കുഴിയടുപ്പില് തീയിടല്, 13 ന് കാലത്ത് 10 മണിക്ക് ചൂളിയാട് ദേശവാസികളുടെ ഓലക്കാഴ്ച, വൈകന്നേരം 6 മണിക്ക് പയ്യാവൂര് കൈതപ്രം ദേശവാസികളുടെ ഊട്ടു കാഴ്ച, രാത്രി 7 ന് സാംസ്കാരിക സമ്മേളനം, 8 ന് നൃത്ത നാടകം, 14 മുതല് നിത്യേന വൈകുന്നേരം 5 മണിക്ക് തിടമ്പെഴുന്നള്ളത്തും തിരുനൃത്തവും തായമ്പകയും എന്നിവ നടക്കും. ഇതുകൂടാതെ എല്ലാ ദിവസവും പ്രഭാഷണം, കലാപരിപാടികള് എന്നിവയും ഉണ്ടാകും. 23 ന് പുലര്ച്ചെ 4 മണിക്ക് നെയ്യമൃതുകാരുടെ നെയ്യപ്പിക്കല്, ഉച്ചക്ക് ആനപ്പുറത്തഴുന്നള്ളിക്കല്, കുഴിയടുപ്പില് നൃത്തം, വൈകുന്നേരം 4 മണിക്ക് ചൂളിയാട്ടുകാരുടെ ഓമനക്കാഴ്ച, 5 ന് കുടകരുടെ മടക്കയാത്ര, രാത്രി 7 മണിക്ക് സാംസ്കാരിക സമ്മേളനം, തുടര്ന്ന് നാടകം, 25 ന് ഉച്ചക്ക് ആനപ്പുറത്ത് ആറാട്ടെഴുന്നള്ളത്ത്, രാത്രി 8 മണിക്ക് ഗാനമേള എന്നിവ നടക്കും.
പ്രതികരിക്കാൻ ഇവിടെ എഴുതുക: