കോഴിക്കോട്: ജെസിഐ തിരുവമ്പാടിയുടെ ആഭിമുഖ്യത്തില് സുകൃത സഞ്ചാരം എന്ന പേരില് കാന്സര് ബോധവല്ക്കരണ യാത്ര സംഘടിപ്പിക്കുന്നു. സംസ്ഥാന ആരോഗ്യ വകുപ്പ്, തലശ്ശേരി മലബാര് കാന്സര് സെന്റര് എന്നിവയുടെ സഹകരണത്തോടെ സംഘടിപ്പിക്കുന്ന യാത്ര 13ന് കാസര് കോഡ് ജില്ലയില് നിന്ന് പ്രയാണം ആരംഭിക്കുമെന്ന് ജെസിഐ തിരുവമ്പാടി ഭാരവാഹികള് വാര്ത്താസമ്മേളനത്തില് അറിയിച്ചു.
14 ജില്ലകളിലെയും സ്വീകരണത്തിനുശേഷം യാത്ര 22 ന് തിരുവനന്തപുരത്ത് സമാപിക്കും. കാന്സറിനെക്കുറിച്ച് ഡോക്ടര്മാര് തയ്യാറാക്കിയ ലഘുലേഖകളുടെ വിതരണം, ഡോക്യുമെന്ററി പ്രദര്ശനം, കാന്സറിനെക്കുറിച്ചുള്ള ബോധവത്ക്കരണക്ലാസുകള്, പൊതുയോഗങ്ങള് എന്നിവ യാത്രയുടെ ഭാഗമായി സംഘടിപ്പിക്കും. കാന്സര് രോഗികള്ക്കായി സര്ക്കാര് തയ്യാറാക്കിയ പദ്ധതികളെക്കുറിച്ചുള്ള ബോധവത്ക്കരണവും യാത്രയിലുണ്ടാകും. 13ന് രാവിലെ 10ന് എന്.എ. നെല്ലിക്കുന്ന് എംഎല്എ യാത്ര ഉദ്ഘാടനം ചെയ്യും. 14, 15, 16, 17 തിയ്യതികളില് കോഴിക്കോട് ജില്ലയിലെ വിവിധ കേന്ദ്രങ്ങളില് യാത്രക്ക് സ്വീകരണം നല്കും. തുടര്ന്ന് യാത്ര മലപ്പുറം ജില്ലയില് പ്രവേശിക്കും.
പ്രോഗ്രാം ഡയറക്ടര് ചാര്ലി തോമസ്, ജെസിഐ തിരുവമ്പാടി പ്രസിഡന്റ് പി.വി. ജിന്റോ, സ്പെഷ്യല് പ്രൊജക്ട് കോ-ഓര്ഡിനേറ്റര് പി.ജെ. ഷാജി, ബോണി ജേക്കബ്, സൂരജ് ജോര്ജ്ജ്, ജെസ്റ്റിന് ജോസഫ് എന്നിവര് വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: