കൊച്ചി: ഹിന്ദു ഇക്കണോമിക് ഫോറത്തിന്റെ നവരത്ന അവാര്ഡുകള് സമ്മാനിച്ചു. എറണാകുളത്തപ്പന് മൈതാനിയില് നടക്കുന്ന ‘സുകൃതം ഭാഗവതയജ്ഞ’ വേദിയില് വ്യാപാര വ്യവസായ മേഖല, ബിസിനസ് മാനേജ്മെന്റ് എന്നീ രംഗങ്ങളില് തിളക്കമാര്ന്ന പ്രകടനം കാഴ്ചവെച്ചിട്ടുള്ള വ്യക്തികളെയാണ് അവാര്ഡു കമ്മറ്റി തെരഞ്ഞെടുത്തത്. ഗോകുലം ഗോപാലന് (ഗോകുലം ഗ്രൂപ്പ്), ബീനാ കണ്ണന് (ശീമാട്ടി), എസ്.ഗോപകുമാര് (കുമാര് ഗ്രൂപ്പ്), സുഷമ ശ്രീകണ്ഠത്ത് (എവിടി മാക്രോമിക്), ജോതിഷ്കുമാര് (ലൂക്കര് എല്ഇഡി), ലേഖ ബാലചന്ദ്രന് (റെസിടെക് ഇലക്ട്രിക്കല്സ്), എ.കെ. പ്രശാന്ത് (ആര്കിടെക്റ്റ്), സുരേഷ് കുമാര് (കല്ലട ട്രാവല്സ്), പി.എം.കേളുക്കുട്ടി(പി.എം.കെ.കണ്സ്ട്രക്ഷന്സ്) എന്നിവര്ക്ക് കെ.വി.തോമസ് എംപി അദ്ധ്യക്ഷത വഹിച്ച ചടങ്ങില് ഭാഗവതാചാര്യന് സ്വാമി ഉദിത് ചൈതന്യ അവാര്ഡുകള് സമ്മാനിച്ചു. ഹിന്ദു ഇക്കണോമിക് ഫോറം ഗ്രേറ്റര് കൊച്ചിന് പ്രസിഡന്റ് എല്.ഗോപകുമാര് സ്വാഗതം പറഞ്ഞു. എച്ച്ഇഎഫ് സ്റ്റേറ്റ് പ്രസിഡന്റ് വി.എസ്.പ്രദീപ്, സുകൃതം ഭാഗവതയജ്ഞം കോര്ഡിനേറ്റര് പി.വി.അതികായന് എന്നിവര് അനുമോദനങ്ങളര്പ്പിച്ചു. നവരത്ന അവാര്ഡു കമ്മറ്റി ചെയര്മാന് ഹരിഗോവിന്ദ് നന്ദി പ്രകാശനം നടത്തി.
പ്രതികരിക്കാൻ ഇവിടെ എഴുതുക: