കരുനാഗപ്പള്ളി: തഴവ ഗ്രാമപഞ്ചായത്തിന്റെ 2016-17 വര്ഷത്തേക്കുള്ള ബജറ്റ് പ്രസിഡന്റ് എസ്.ശ്രീലതയടെ അദ്ധ്യക്ഷതയില് ചേര്ന്ന യോഗത്തില് വൈസ് പ്രസിഡന്റ് കവിതാമാധവന് അവതരിപ്പിച്ചു. 19,29,54,700 രൂപ വരവും 19,08,26,051 രൂപ ചെലവും 21,28,649 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണിത്. സാമൂഹ്യപ്രതിബദ്ധത നിലനിര്ത്തിക്കൊണ്ട് സമൂഹത്തിന്റെ ഏറ്റവും താഴെത്തട്ടിലുള്ള ദരിദ്രരായ ജനസമൂഹത്തെ മുഖ്യധാരയിലേക്ക് കൊണ്ടുവരുന്നതിന് ദാരിദ്ര്യലഘൂകരണപദ്ധതികള് നടപ്പുവര്ഷ ബജറ്റിലൂടെ ഏറ്റെടുത്ത് ലക്ഷ്യം കൈവരിക്കുന്നതിന് പഞ്ചായത്ത് ഊന്നല് നല്കുന്നു.
കാര്ഷിക മേഖലക്കും പശ്ചാത്തലമേഖലക്കും മുഖ്യപരിഗണന നല്കുന്ന ബജറ്റാണിത്. കാര്ഷിക മേഖലയിð 26,00,000 രൂപയും മൃഗസംരക്ഷണ മേഖലക്ക് 15,00,000 രൂപയും വകയിരുത്തി. ഭവന നിര്മ്മാണത്തിന് 14,00,000 രൂപയും പഞ്ചായത്തിലെ അംഗന്വാടികളിലൂടെ വിതരണം നടത്തുന്ന വിവിധ പോഷകാഹാര പരിപാടിക്ക് 40,00,000 രൂപയും വകയിരുത്തി. അംഗന്വാടി വര്ക്കര്, ഹെല്പ്പര്ക്ക് വര്ധിപ്പിച്ച ഹോണറേറിയം നല്കുന്നതിന് 25,00,000 രൂപയും ബഡ്സ് സ്കൂള് പ്രവര്ത്തനചെലവിനത്തില് 5,00,000 രൂപയും ഭിന്നശേഷിയുള്ളവര്ക്ക് സ്കോളര്ഷിപ്പിന് 6,00,000 രൂപയും വകയിരുത്തിയിട്ടുണ്ട്. വിദ്യാഭ്യാസ മേഖലക്ക് 7,53,330 രൂപയും കലാ-സാംസ്ക്കാരിക മേഖലയ്ക്ക് 60,000 രൂപയും വകയിരുത്തിയിട്ടുണ്ട്. പുതുതായി ആരംഭിക്കുന്ന സര്ക്കാര് ആര്ട്സ് ആന്റ് സയന്സ് കോളേജിന് രണ്ടുകോടി രൂപയും വകയിരുത്തി. സാന്ത്വനപരിചരണത്തിന് 6,00,000 രൂപയും ആരോഗ്യമേഖലക്ക് 12,00,000 രൂപയും വകയിരുത്തി. വൃദ്ധജനാരോഗ്യപരിപാലനത്തിന് 2,00,000 രൂപയും വകയിരുത്തി. സാമൂഹ്യസരുക്ഷാമിഷന് 3,00,0000 രൂപയും ശുദ്ധജല വിതരണത്തിന് 23,10,000 രൂപയും മഹാത്മാഗാന്ധി ദേശീയഗ്രാമീണ തൊഴിലുറപ്പിന് നാലുകോടി രൂപയും നീക്കിവച്ചു. പട്ടികജാതി ക്ഷേമത്തിന് 65,55,000 രൂപ വിവിധക്ഷേമ പ്രവര്ത്തനങ്ങള്ക്ക് ഉള്പ്പെടെ വകയിരുത്തി. വിവിധക്ഷേമ പെന്ഷനുകള് 2016-17 വിവിധക്ഷേമ പെന്ഷനുകള്ക്ക് നാലു കോടി രൂപയും തൊഴില്രഹിതവേതനത്തിന് പത്തുലക്ഷം രൂപയും സാധുക്കളായ വിധവകളുടെ പെണ്കുട്ടികളുടെ വിവാഹ ധനസഹായം ഇനത്തില് 3,00,000 രൂപയും വകയിരുത്തി. പുതിയ തെരുവ് വിളക്ക് സ്ഥാപിക്കുന്നതിന് 10 ലക്ഷം രൂപയും നിലവിലുള്ളവ സംരക്ഷിക്കുന്നതിന് ഉപകരണങ്ങള് വാങ്ങുന്നതിനും അറ്റകുറ്റപ്പണിക്കുമായി 10 ലക്ഷം രൂപയും വകയിരുത്തി.
പ്രതികരിക്കാൻ ഇവിടെ എഴുതുക: