കോഴിക്കോട്: നാടും നഗരവും ഓം നമശ്ശിവായ മന്ത്രത്താല് മുഖരിതമായി.
മഹാശിവരാത്രി ദിനമായ ഇന്നലെയാണ് ക്ഷേത്രങ്ങളില് ശിവക്ഷേത്രങ്ങളില് പ്രത്യേകിച്ചും പഞ്ചാക്ഷരി മന്ത്രം ഉരുവിട്ടുകൊണ്ട് ആയിരങ്ങള് ശിവചൈതന്യത്തിനായി സംഗമിച്ചത്. വിപുലമായ പരിപാടികളാണ് ശിവരാത്രി ആഘോഷത്തിനായി എങ്ങും ഒരുക്കിയത്. ഇളനീര് അഭിഷേകം, അഖണ്ഡനാമജപം, അന്നദാനം, ആദ്ധ്യാത്മിക പ്രഭാഷണം, ശനിരുദ്രജപം, ഭജന തുടങ്ങിയവയും ഉണ്ടായിരുന്നു.
കോഴിക്കോട് ശ്രീകണ്ഠേശ്വര ക്ഷേത്രത്തില് വിവിധ പരിപാടികളോടെ മഹാശിവരാത്രി കൊണ്ടാടി. ആറാട്ട്, വിശേഷാല് അഭിഷേകങ്ങള്, പഞ്ചവിംശതി, കലശാഭിഷേകം, വിശേഷാല് പൂജകള് എന്നിവയും ഉണ്ടായിരുന്നു.
തളി മഹാക്ഷേത്രം, തളി വേട്ടക്കൊരുമകന് ക്ഷേത്രം, ഗോവിന്ദപുരം ശ്രീഋഷിപുരം ശിവക്ഷേത്രം, മാങ്കാവ് തേനാംകുന്ന് ശിവക്ഷേത്രം, പന്തീരാങ്കാവ് ചോന്നാംകുന്ന് ശിവ ക്ഷേത്രം, വയനാട് റോഡ് ശ്രീശിവപുരി മഹാശിവക്ഷേത്രം, ചേളന്നൂര് മഹാശിവക്ഷേത്രം, പുതുക്കോട് ശ്രീശങ്കരനാരായണ ക്ഷേത്രം, മുക്കം തൃക്കുടമണ്ണ ശിവക്ഷേത്രം, തിരുവള്ളൂര് ശിവക്ഷേത്രം, കുറ്റിയാടി കുഞ്ഞിമഠം ശിവ ക്ഷേത്രം. തൃക്കോട്ടൂര് ശ്രീ മഹാഗണപതി ക്ഷേത്രം, അഴിഞ്ഞിലം അരിയില് ശിവക്ഷേത്രം, ഇടിമൂഴിക്കല് തിരുവങ്ങാട്ട് മഹാശിവക്ഷേത്രം എന്നിവിടങ്ങളിലും ശിവരാത്രി കൊണ്ടാടി.
ഫറോക്ക് നല്ലൂര് ശിവക്ഷേത്രത്തില് ശിവരാത്രി മഹോത്സവം വിവിധ പരിപാടികളോടെ ആഘോഷിച്ചു. വിശേഷാല് പൂജകള് കലാപരിപാടികളും നടന്നു. മഹാഗണപതി ഹോമം, ശിവസഹസ്രനാമപാരായണം, സംഗീതാരാധന, ശിവസഹസ്രനാമ സമൂഹാര്ച്ചന, പ്രശ്നോത്തരി, കാഴ്ച ശീവേലി, ദീപാരാധന, സമൂഹാരാധന, ആഘോഷവരവുകള്, തായമ്പക, ഭജന, നൃത്തനൃത്ത്യങ്ങള്, സുരേന്ദ്ര മോഹന്, കരുവാറ്റയുടെ പ്രഭാഷണം, ബാലമുരുക നടന കലാകേന്ദ്രം നല്ലൂര് അവതരിപ്പിച്ച കാളിയമര്ദ്ദനം നൃത്തശില്പം എന്നിവ അരങ്ങേറി.
കാഞ്ഞിലശ്ശേരി ശിവക്ഷേത്രം, ഉള്ള്യേരി ആതകശ്ശേരി ശിവക്ഷേത്രം, വെള്ളിയൂര് തേലക്കര ശ്രീശിവക്ഷേത്രം, മരുതേരി ചെറുകാശി ശിവക്ഷേത്രം, തുടങ്ങിയിടങ്ങളിലും വൈവിധ്യമാര്ന്ന പരിപാടികളോടെ ശിവരാത്രി ആഘോഷിച്ചു. വെള്ളിയൂര് ശ്രീശിവക്ഷേത്രത്തില് അഖണ്ഡനാമജപം, അന്നദാനം തുടങ്ങിയവ ഉണ്ടായിരുന്നു. ഒട്ടേറെ ഭക്തര് പങ്കെടുത്തു.
എന്നിവിടങ്ങളിലും വിവിധ പരിപാടികളോടെ ശിവരാത്രി ആഘോഷം നടന്നു
പ്രതികരിക്കാൻ ഇവിടെ എഴുതുക: