പത്തനാപുരം: പത്തനാപുരം കെഎസ്ആര്ടിസി ഡിപ്പോയുടെ പ്രവര്ത്തനം താല്കാലികമായി കല്ലുംകടവിലേക്ക് മാറ്റി. വിവരമറിയാതെത്തിയ ദീര്ഘദൂര യാത്രികര് ഉള്പ്പെടെ വലഞ്ഞു. പത്തനാപുരം ഗ്രാമപഞ്ചായത്തിന്റെ ഉടമസ്ഥതയിലുള്ള കല്ലുംകടവ് സ്വകാര്യ ബസ് സ്റ്റാന്റിലേക്കാണ് ഡിപ്പോ താല്കാലികമായി മാറ്റിയത്.
ഡിപ്പോയ്ക്കുള്ളില് തകര്ന്നുകിടക്കുന്ന റോഡ് പുനര്നിര്മ്മിക്കുന്നതിന്റെ ഭാഗമായാണ് ഡിപ്പോ താല്കാലികമായി മാറ്റിയത്. ഡിപ്പോയില് നിന്നും ദിനംപ്രതി ആരംഭിക്കുന്ന സര്വ്വീസുകള് കല്ലുംകടവില് നിന്നുമാണ് ഇപ്പോള് ആരംഭിക്കുന്നത്. നിര്മ്മാണത്തിലുള്ള കാലതാമസം കാരണം രണ്ട് ദിവസംകൂടി കല്ലുംകടവില് ഡിപ്പോ പ്രവര്ത്തിക്കും.
പ്രതികരിക്കാൻ ഇവിടെ എഴുതുക: