കണ്ണൂര്: കണ്ണൂര് സര്വകലാശാലയില് നാക് സംഘത്തിന്റെ ഗ്രേഡ് നിര്ണയ പരിശോധന പൂര്ത്തിയായി. നാക് ചെയര്മാന് എം.എസ്.ബറോഡ, സര്വ്വകലാശാല മോളിക്കുലാര് ജനറ്റിക്സ് വിഭാഗം പ്രൊഫസര് ഡോ.ഭ രത് ബി ചാറ്റുവിന്റെ നേതൃത്വത്തിലുള്ള പത്തംഗ സംഘമാണ് സര്വകലാശാലയും അതിന്റെ കാമ്പസുകളും സന്ദര്ശിച്ച് സമഗ്രമായ പരിശോധന നടത്തിയത്. 17 മുതല് നടന്ന പരിശോധനയില് നേരത്തെ നാകിന് സമര്പ്പിച്ച സ്വയം വിലയിരുത്തല് റിപ്പോര്ട്ട് അനുസരിച്ചുള്ള കാര്യങ്ങളാണ് സംഘം വിശദമായ പരിശോധനക്കും മൂല്യനിര്ണയത്തിനും വിധേയമാക്കിയത്. മൂന്നു ദിവസത്തെ നേരിട്ടുള്ള പരിശോധന കൂടാതെ സംഘാംഗങ്ങള് വൈസ് ചാന്സലര് അടക്കമുള്ള സ്റ്റാറ്റിയൂട്ടറി ഓഫീസര്മാര്, ഡീന്മാര്, വകുപ്പുതലവന്മാര്, അദ്ധ്യാപകര്, അനദ്ധ്യാപകര്, തെരഞ്ഞെടുത്ത വിദ്യാര്ത്ഥികള്, പൂര്വ്വവിദ്യാര്ത്ഥികള്, രക്ഷിതാക്കള് എന്നിവരുമായി സംവദിക്കുകയും കാര്യങ്ങള് വിശദമായി പഠിക്കുകയും ചെയ്തു. കൂടാതെ സര്വ്വകലാശാലയുടെ വിവിധ കാമ്പസുകളിലെ അടിസ്ഥാനസൗകര്യങ്ങള്, അക്കാദമിക് മേഖലയിലെ നേട്ടങ്ങള് എന്നിവയും നേരിട്ടുകണ്ടു മനസ്സിലാക്കി. സര്വ്വകലാശാലയുടെ പരിമിതികള്ക്കുള്ളില്നിന്നുകൊണ്ട് ചെയ്യാവുന്ന കാര്യങ്ങള് നാക് പീര് ടീമിന്റെ മുന്നോടിയായി ചെയ്തു തീര്ത്തിരുന്നു. പഠനവകുപ്പുകളുടെ നിലവാരമുയര്ത്തുന്നതിനായി സ്ഥിരം അദ്ധ്യാപകരെ നിയമിക്കുന്ന നടപടികള്, ഉന്നത വിദ്യാഭ്യാസ ഗവേഷണരംഗത്തെ അന്താരാഷ്ട്രവല്ക്കരിക്കാനുള്ളശ്രമത്തിന്റെ ഭാഗമായി വിദേശവിദ്യാര്ത്ഥികള് സര്വ്വകലാശാലയില് ചേര്ന്നത്, ഇന്ത്യയിലെതന്നെ ഒരു അപൂര്വ്വതയായ വുഡ്സയന്സിന്റെ ഇന്ഡസ്ട്രി ലിങ്ക്ഡ്കോഴ്സ്, വിപുലമായ സൗകര്യങ്ങളുള്ള സെന്ട്രല് ലൈബ്രറി തുടങ്ങിയവ നാക് സംഘത്തിന്റെ ശ്രദ്ധയില് കൊണ്ടുവരികയും ചെയ്തു.
രാവിലെ നടന്ന എക്സിറ്റ് മീറ്റിംഗില് നാക് ചെയര്മാന് സംഘാംഗങ്ങള്, വൈസ് ചാന്സലര്, സ്റ്റാറ്റിയൂട്ടറി ഓഫീസര്മാര് അദ്ധ്യാപകര്, അനദ്ധ്യാപകര് എന്നിവര് പങ്കെടുത്തു. ചടങ്ങില് നാക് ചെയര്മാന് ഡോ. ഭരത് ബി.ചാറ്റു റിപ്പോര്ട്ട് വൈസ് ചാന്സലര്ക്ക് നല്കി.. ചടങ്ങില് വൈസ് ചാന്സലര് സ്വാഗതം പറഞ്ഞു.
സര്വ്വകലാശാലാ വകുപ്പുകളെക്കുറിച്ചും അദ്ധ്യാപകരെക്കുറിച്ചും നാക് ടീം നല്ല മതിപ്പ് പ്രകടിപ്പിച്ചതായി വൈസ് ചാന്സലര് ഡോ.എം.കെ.അബ്ദുള്ഖാദര്പറഞ്ഞു. മറുപടി പ്രസംഗത്തില് നാക് ചെയര്മാന് വ്യത്യസ്ത സ്ഥലങ്ങളിലുള്ള അനേകം കാമ്പസുകളെ മുന്നോട്ടുനയിക്കുന്നത് സര്വ്വകലാശാലയുടെ മുന്നില് ഒരു വെല്ലുവിളിയാണെന്നും അതു ഭംഗിയായി നിറവേറ്റുന്ന സര്വ്വകലാശാലാ അധികൃതരെയും അദ്ധ്യാപക അനദ്ധ്യാപക വിദ്യാര്ത്ഥി സമൂഹത്തെയും അഭിനന്ദിക്കുന്നതായും അദ്ദേഹം പറഞ്ഞു. ഗുണനിലവാരമെന്നത് ഒരു തുടര് പ്രക്രിയയാണെന്ന് അദ്ദേഹം ഓര്മ്മിപ്പിച്ചു. തങ്ങള് സര്വ്വകലാശാലയോട് വിടപറയുന്നത് ശുഭപ്രതീക്ഷയോടെയാണെന്ന് നാക് ചെയര്മാന് പറഞ്ഞു. ചടങ്ങില് ഐക്യുഎസി ഡയറക്ടര് ഡോ. കെ. ആര്.ഹരിദാസ് നന്ദി പറഞ്ഞു. സംഘം പരിശോധന പൂര്ത്തിയാക്കി ഉച്ചയോടെ മടങ്ങി.
പ്രതികരിക്കാൻ ഇവിടെ എഴുതുക: