ആലപ്പുഴ: പ്രജാപിതാ ബ്രഹ്മാകുമാരീസ് ഈശ്വരീയ വിശ്വ വിദ്യാലയം ആലപ്പുഴ ജില്ലയില് 25 വര്ഷത്തെ ആത്മീയ സാമൂഹിക സേവനങ്ങളുടെ സില്വര് ജൂബിലി ആഘോഷിച്ചു. ബ്രഹ്മാകുമാരിസിന്റെ ആഗോള ആസ്ഥാനമായ മൗണ്ട് ആബുവില്നിന്നും എത്തിചേര്ന്ന മഹാതപസ്വിനി രാജയോഗിനി ബ്രഹ്മാകുമാരി ഉഷാ ബഹന്ജി മുഖ്യപ്രഭാഷണം നടത്തി. വിഘടിച്ചുകൊണ്ടിരിക്കുന്ന ഇന്നത്തെ ലോകത്ത് സാഹോദര്യവും സമത്ത്വവും കൊണ്ടുവരുന്നതിന് ആദ്യം നമ്മള് ആത്മാക്കളെല്ലാം ഒരച്ചന്റെ മക്കളാണെന്നും സഹോദരങ്ങളാണെന്നും എന്ന ബോധം നമ്മളിലുണ്ടാകുമ്പോള് വീണ്ടും വസുധൈവകുടുമ്പകം ഈ ഭൂമിയില് വീണ്ടും സമാഗതമാകും എന്നവര് പറഞ്ഞു. മന്ത്രി രമേശ് ചെന്നിത്തല വിശ്വബന്ധുത്വത്തിന്റെ ലോഗോ സ്വച്ച് ഓണ് ചെയ്ത് ഉല്ഘാടനം നിര്വ്വഹിച്ചു. ബിജെപി സംസ്ഥാന പ്രസിഡന്റ് കുമ്മനം രാജശേഖരന്, കെ.സി.വേണുഗോപാല് എംപി, തോമസ് ഐസക് എംഎല്എ, ഡോ.സ്റ്റീഫന് അത്തിപ്പൊഴിയില്, സ്വാമി ഗുരുരത്നം ജ്ഞാനതപസ്വി, ബ്രഹ്മാകുമാരീസ് കേരളം തമിഴ്നാട് സോണ് കോര്ഡിനേറ്റര് ബ്രഹ്മാകുമാരി ബീനാ ബഹന്ജി പ്രജാപിതാ ബ്രഹ്മാകുമാരിസിന്റെ ആഗോളപ്രവര്ത്തനങ്ങളെ കുറിച്ചും 80 വര്ഷത്തെ ബ്രഹ്മാകുമാരീസിന്റെ ത്യാഗത്തിന്റെയും തപസ്യയുടെയും ചരിത്രത്തെ അധികരിച്ച് സംസാരിച്ചു.സീനിയര് രാജയോഗിനി ബ്രഹ്മാകുമാരി ഉഷാ ബഹന്ജി ഉപഹാരങ്ങള് നല്കി. ബ്രഹ്മാകുമാരീസ് ജില്ല കോര്ഡിനേറ്റര് ബ്രഹ്മാകുമാരീ ദിഷാ ബഹന്ജി സ്വഗതവും ബി. കെ. അരവിന്ദാഷന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: