കൊല്ക്കത്ത: കേരള ബ്ലാസ്റ്റേഴ്സ് പരിശീലകന് ട്രെവര് മോര്ഗന് ഈസ്റ്റ് ബംഗാളിലേക്ക്. കോച്ചായിരുന്ന ബിശ്വജിത്ത് ഭട്ടാചാര്യ രാജിവെച്ച ഒഴിവിലേക്കാണ് മോര്ഗനെ ഈസ്റ്റ് ബംഗാള് കൊണ്ടുവരുന്നത്. 2010 മുതല് 2013 വരെ ഈസ്റ്റ് ബംഗാള് പരിശീലകനുമായിരുന്നു ട്രെവര് മോര്ഗന്. ഇക്കാലയളവില് ക്ലബ്ബ് മികച്ച വിജയങ്ങളും സ്വന്തമാക്കി.
മോര്ഗനെ വീണ്ടും കൊല്ക്കത്തയിലെത്തിക്കുന്നതും ഇതേ ഘടകമാണ്. മൂന്നു തവണ കൊല്ക്കത്ത ഫുട്ബോള് ലീഗ് കിരീടം, ഫെഡറേഷന് കപ്പ്, ഐഎഫ്എ ഷീല്ഡ് കപ്പ് എന്നിവയും സ്വന്തമാക്കിയപ്പോള് മോര്ഗനായിരുന്നു പരിശീലകന്. ഈ മാസം ഫെഡറേഷന് കപ്പ് ആരംഭിക്കുകയാണ്. അതിനുമുമ്പ് മോര്ഗന്റെ നിയമനം ഉണ്ടായേക്കുമെന്നാണ് സൂചന.
ഇംഗ്ലീഷ് പ്രീമിയര് ലീഗ് ക്ലബ്ബ് ഹാള് സിറ്റിയുടെ മുന് ഡെവലപ്മെന്റ് കോച്ചായിരുന്നു മോര്ഗന്. കഴിഞ്ഞ സീസണില് പീറ്റര് ടെയ്ലര് രാജിവച്ചശേഷം ബ്ലാസ്റ്റേഴ്സിന്റെ ഇടക്കാല പരിശീലകനും മോര്ഗനായിരുന്നു. ഇടക്കാലത്ത് ഡെംപോയുടെ പരിശീലകനായും മോര്ഗന് സേവനമനുഷ്ഠിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: