പാലാ: നിരവധി അവസരങ്ങള് ഉണ്ടായിട്ടും പാലായില് ഇതുവരെ സ്ത്രീകള്ക്ക് തൊഴില് ലഭിക്കുന്ന യാതൊരു സംരംഭങ്ങളും തുടങ്ങാന് കഴിഞ്ഞില്ലെന്ന് മഹിളാ മോര്ച്ചാ ജില്ലാ പ്രസിഡന്റ് വത്സലാ ഹരിദാസ്. എന്ഡിഎ സ്ഥാനാര്ത്ഥി എന്.ഹരിയുടെ തെരഞ്ഞെടുപ്പ് പ്രചാരണഭാഗമായി നടത്തിയ വനിതാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അവര്. നരേന്ദ്രമോദി മോഡല് ഭരണം കേരളത്തിലും പാലായിലും വരേണ്ടത് അത്യാവശ്യമാണ്. അതിനായി പാലായിലെ ജനങ്ങള് ഇത്തവണ ഒരു മനസ്സോടെ വോട്ട് ചെയ്ത് എന്.ഹരിയെ വിജയിപ്പിക്കണമെന്ന് വത്സല ഹരിദാസ് പറഞ്ഞു.ശുഭസുന്ദര്രാജ് അദ്ധ്യക്ഷത വഹിച്ചു. ലീല വിജയപ്പന്, എന്ഡിഎ പാലാ നിയോജകമണ്ഡലം ചെയര്മാന് മോഹനന് പനയ്ക്കല്, ജി. രണ്ജിത്, കെ.ജി. ഗിരീഷ്കുമാര്, ബിജി മണ്ഡപം തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: