കണ്ണൂര്: മണ്മറഞ്ഞ യുവചിത്രകാരന് അര്ജുന് കെ ദാസിന്റെ സ്മരണയ്ക്കായി സംഘടിപ്പിച്ച ചിത്രരചനാ മത്സരത്തിന്റെ വിജയികളെ പ്രഖ്യാപിച്ചു. യുപി വിഭാഗത്തില് ഫിദല് ടി ഒന്നാം സ്ഥാനവും, ശ്രീരുക്മ ശ്രീരാജ് രണ്ടാം സ്ഥാനവും അനന്യേന്ദു ബിജു മൂന്നാം സ്ഥാനവും നേടി. ഹൈസ്കൂള് വിഭാഗത്തില് അനന്ദു.കെ.പി ഒന്നാം സ്ഥാനവും ഇര്ഫാന് അലി രണ്ടാം സ്ഥാനവും മുഹമ്മദ് ഷഹീല് മൂന്നാം സ്ഥാനവും നേടി. ഹയര് സെക്കന്ററി വിഭാഗത്തില് പ്രണവ് ഒന്നാം സ്ഥാനവും വൈഷ്ണ വസന്ത് രണ്ടാം സ്ഥാനവും യാമിനി മൂന്നാം സ്ഥാനവും നേടി. ഇന്ന് നടക്കുന്ന സമാപനസമ്മേളനത്തില് വിജയികള്ക്കുള്ള ക്യാഷ് അവാര്ഡും ട്രോഫിയും വിതരണം ചെയ്യും. സമാപനത്തിന്റെ ‘ഭാഗമായി ചിത്രകാരന്മാരുടെ സംഗമവും നടക്കും. രണ്ടു ദിവസമായി ജവഹര് ലൈബ്രറി ഹാളില് നടക്കുന്ന ചിത്രപ്രദര്ശനം ഇന്ന് അവസാനിക്കും. കളര് പെന്സില് മുതല് ഡിജിറ്റല് തലം വരെയുളള 50 ഓളം ചിത്രങ്ങളാണ് പ്രദര്ശനത്തിലുള്ളത്. പ്രകൃതിയും മനുഷ്യനും പ്രമേയമാക്കിയ ചിത്രങ്ങളായിരുന്നു ഏറെയും. അര്ജുന്റെ ഓര്മ്മക്കായി കുടുംബാംഗങ്ങളും സഹപാഠികളും ചേര്ന്ന് രൂപീകരിച്ച അര്ജുന് കെ ദാസ് ഫൗണ്ടേഷനാണ് ചിത്രപ്രദര്ശനം സംഘടിപ്പിച്ചത്.
പ്രതികരിക്കാൻ ഇവിടെ എഴുതുക: