കോട്ടയം: ചിന്മയാമിഷനും ചിന്മയാവിദ്യാലയവും ചേര്ന്ന് 8ന് ചിന്മയാ ജന്മശതാബ്ദി ആഘോഷം സംഘടിപ്പിക്കുന്നു. താഴത്തങ്ങാടി ചിന്മയാവിദ്യാലയത്തില് രാവിലെ 10ന് നടക്കുന്ന ചടങ്ങില് കൊച്ചി സിറ്റി പോലീസ് കമ്മീഷണര് എം.പി. ദിനേശ് ഐപിഎസ് മുഖ്യാതിഥിയായി പങ്കെടുക്കും. വൈകിട്ട് 5ന് തിരുനക്കര ശിവശക്തി ഓഡിറ്റോറിയത്തില് നടക്കുന്ന അനുസ്മരണസഭയില് ചിന്മയാമിഷന് പ്രസിഡന്റ് എന്.രാജഗോപാല് അദ്ധ്യക്ഷത വഹിക്കും. ആര്എസ്എസ് അഖിലഭാരതീയ മുന് ബൗദ്ധിക് പ്രമുഖ് ആര്.ഹരി ചടങ്ങില് മുഖ്യപ്രഭാഷണം നടത്തും. ചിന്മയാ വിദ്യാലയം പ്രസിഡന്റ് എ.ഗോപാലകൃഷ്ണന്, ചിന്മയാ മിഷന് വൈസ് പ്രസിഡന്റ് ഡി.പാര്വ്വതിയമ്മ തുടങ്ങിയവര് സംസാരിക്കും. ആഘോഷങ്ങളോടനുബന്ധിച്ച് പാവപ്പെട്ടവര്ക്കുള്ള ഭവനനിര്മ്മാണം, മെഡിക്കല് സഹായം, വിദ്യാഭ്യാസ സ്കോളര്ഷിപ്പ് തുടങ്ങിയ പദ്ധതികള്ക്കും തുടക്കം കുറിക്കും. ചിന്മയാനന്ദ സ്വാമികളുടെ ഒരുവര്ഷം നീണ്ടുനില്ക്കുന്ന ജന്മശതാബ്ദി ആഘോഷങ്ങള് കഴിഞ്ഞ വര്ഷം കൊച്ചിയില് അന്തരിച്ച മുന് രാഷ്ട്രപതി ഡോ.അബ്ദുള്കലാമാണ് ഉദ്ഘാടനം ചെയ്തത്. ഒരുവര്ഷംനീണ്ടുനിന്ന ആഘോഷങ്ങള് ഈമാസം 21,22 തീയതികളില് തൃശൂര് ദേവസ്വം മൈതാനിയില് സമാപനമാകും. പത്രസമ്മേളനത്തില് ചിന്മയാമിഷന് പ്രസിഡന്റ് എന്.രാജഗോപാല്, ചിന്മയാമിഷന് സെക്രട്ടറി, എ.എസ്.മണി, ചിന്മയാ വിദ്യാലയ പ്രിന്സിപ്പല് ഗീതാദേവി വര്മ്മ തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: