കോട്ടയം: തെരഞ്ഞെടുപ്പ് വിജയത്തെ തുടര്ന്ന് കുമരകത്ത് സിപിഎം പ്രവര്ത്തകര് നടത്തിയ അക്രമത്തിലും പോലീസ് വിവേചനത്തിലും പ്രതിഷേധിച്ച് എന്ഡിഎ വിവിധ പ്രക്ഷോഭപരിപാടികള് സംഘടിപ്പിക്കുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു. പ്രക്ഷോഭ പരിപാടികളുടെ ഭാഗമായി 27ന് രാവിലെ 10ന് തിരുനക്കര പഴയ പോലീസ് സ്റ്റേഷന് മൈതാനിയില് നടക്കുന്ന ധര്ണ്ണ ബിജെപി സംസ്ഥാന ഉപാദ്ധ്യക്ഷന് എം.ടി. രമേശ് ഉദ്ഘാടനം ചെയ്യും. ബിഡിജെഎസ് സംസ്ഥാന ട്രഷറര് എ.ജി. തങ്കപ്പന് അദ്ധ്യക്ഷത വഹിക്കും. മാര്ക്സിസ്റ്റ് അക്രമം ജനങ്ങളുടെ മുന്നില് തുറന്നുകാട്ടുന്നതിനായി ജില്ലയുടെ വിവിധ പ്രദേശങ്ങളില് വിശദീകരണ യോഗങ്ങള്, ഭവനസന്ദര്ശനം എന്നിവ സംഘടിപ്പിക്കും. അധികാരത്തിന്റെ ഗര്വ്വില് അണികളെ ഉപയോഗിച്ച് എന്ഡിഎ പ്രവര്ത്തകരെ അടിച്ചമര്ത്താനുള്ള സിപിഎം നീക്കത്തെ പൊതുജനമദ്ധ്യത്തില് തുറന്നുകാട്ടുമെന്നും സംഭവത്തെ രാഷ്ട്രീയപരമായും സംഘടനാപരമായും നേരിടുമെന്നും ഭാരവാഹികള് അറിയിച്ചു.
സിപിഎം പ്രവര്ത്തകര് നടത്തിയ ആഹഌദ പ്രകടനം കടന്നുപോകുന്ന വഴിയിലുള്ള തിരുവാര്പ്പ് മലരിക്കല് പുതുച്ചിറ വീട്ടില് മനുവിന്റെ വീട്ടില് കയറി നടത്തിയ അക്രമമാണ് സംഭവങ്ങള്ക്ക് തുടക്കം കുറിച്ചത്. പിതാവിന്റെ മരണാനന്തര ചടങ്ങുകള് നടന്നുകൊണ്ടിരിക്കെ യാണ് വീട്ടില്കയറി അക്രമം നടത്തിയത്. പിതൃകര്മ്മങ്ങള് തടസ്സപ്പെടുത്തി ബലിപ്പുര അടിച്ചു തകര്ത്തു. വീടിനുള്ളിലെ വീട്ടുപകരണങ്ങള് തല്ലിതകര്ത്തു. അക്രമത്തില് മനുവിന്റെ മാതാവിനും ജ്യേഷ്ഠന്റെ ഭാര്യയ്ക്കും മര്ദ്ദനമേറ്റു. മര്ദ്ദനത്തില് ഗുരുതരമായ പരുക്കുകളോടെ ഇവര് കോട്ടയം ജില്ലാ ആശുപത്രിയില് ഇപ്പോഴും ചികിത്സയിലാണ്.
അക്രമസംഭവങ്ങളില് നിഷ്ക്രിയത്വം കാട്ടുന്ന പോലീസ് വിവേചനപരമായാണ് കേസുകള് കൈകാര്യം ചെയ്യുന്നതെന്ന് ഭാരവാഹികള് ആരോപിച്ചു. നിരപരാധികളെ കള്ളക്കേസ്സുകളില് കുടുക്കി ജയിലില് അടയ്ക്കുമ്പോള് അക്രമകാരികള് സൈ്വര്യവിഹാരം നടത്തുകയാണ്്. നിരോധനാജ്ഞ നിലനില്ക്കെയാണ് കഴിഞ്ഞ ദിവസം അര്ദ്ധരാത്രിക്കുശേഷം കുമരകം കോതറ കെ.ആര്.സിബുവിന്റെ വീടിന്റെ മുറ്റത്ത് കിടന്നിരുന്ന കാറിന്റെ ചില്ലുകള് അടിച്ചുതകര്ത്തത്. ഒരാഴ്ചയ്ക്കുള്ളില് അക്രമപരമ്പരകളാണ് കുമരകത്ത് അരങ്ങേറിയത്. പ്രതികള് ആരൊക്കെയെന്ന് കൃത്യമായി പോലീസ#ിന് വിവരം ലഭിച്ചിട്ടും അറസ്റ്റ് ചെയ്യുവാന് നടപടി സ്വീകരിക്കുന്നില്ലായെന്ന് നേതാക്കള് പറഞ്ഞു. വാര്ത്താ സമ്മേളനത്തില് ബിജെപി ജില്ലാ പ്രസിഡന്റ് എന്.ഹരി, ബിഡിജെഎസ് സംസ്ഥാന ട്രഷറര് എ.ജി.തങ്കപ്പന്, ബിജെപി ജില്ലാ ജനറല് സെക്രട്ടറി കെ.പി.സുരേഷ്, സെക്രട്ടറി എം.വി.ഉണ്ണികൃഷ്ണന്, ബിഡിജെഎസ് ജില്ലാ സെക്രട്ടറി അനില്കുമാര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: