ഗയ: മുന് മുഖ്യമന്ത്രി ജിതിന് റാം മാഞ്ചിയുടെ വാഹന വ്യൂഹത്തിന് നേരെ ആക്രമണം. ഗയ ജില്ലയിലെ ദുമേരിയയില് വച്ചായിരുന്നു സംഭവം. അക്രമികള് വാഹനത്തിന് നേരെ കല്ലെറിയുകയും പിന്നീട് തീവയ്ക്കുകയുമായിരുന്നു. പോലീസുകാരുടെ രണ്ട് ബൈക്കുകളും അക്രമികള് കത്തിച്ചു.
മാഞ്ചി പരിക്കേല്ക്കാതെ രക്ഷപ്പെട്ടു. കഴിഞ്ഞ ദിവസം പഞ്ചായത്ത് തെരഞ്ഞെടുപ്പ് പ്രചാരണത്തിനിടെ കൊല്ലപ്പെട്ട സുദേഷ് പാസ്വാനും സുനില് പാസ്വാനും ആദരാഞ്ജലി അര്പ്പിക്കാന് പോകുന്ന വഴിയാണ് മാഞ്ചിയ്ക്ക് നേരെ ആക്രമണമുണ്ടായത്. നേരത്തെ ഭീഷണികളുണ്ടായിരുന്നു.
ജനക്കൂട്ടത്തെ പിരിച്ചുവിടാന് പൊലീസിന് ആകാശത്തേക്ക് വെടിവയ്ക്കേണ്ടി വന്നു. ദുമേരിയയില് അതീവ സംഘര്ഷാവസ്ഥ തുടരുകയാണ്. പോലീസ് സ്ഥലത്ത് ക്യാമ്പ് ചെയ്യുന്നുണ്ട്.
പ്രതികരിക്കാൻ ഇവിടെ എഴുതുക: