ന്യൂദല്ഹി: ദേശീയ വിദ്യാഭ്യാസ നയം രൂപപ്പെടുത്തുന്നതുമായി ബന്ധപ്പെട്ട സമിതി റിപ്പോര്ട്ട് കേന്ദ്ര മാനവശേഷിവികസന മന്ത്രിയ്ക്ക് സമര്പ്പിച്ചു.
മുന് കാബിനറ്റ്സെക്രട്ടറി ‘ടി.എസ്.ആര്. സുബ്രഹ്മണ്യന് ചെയര്മാനായ സമിതിയില് മുന് ദല്ഹിചീഫ് സെക്രട്ടറി ശൈലജ ചന്ദ്ര, മുന് ദല്ഹിആഭ്യന്തര സെക്രട്ടറി സേവാറാം ശര്മ്മ, മുന് ഗുജറാത്ത് ചീഫ്സെക്രട്ടറി സുധീര് മങ്കട്, എന്.സി.ഇ.ആര്.ടി. മുന് ഡയറക്ടര് പ്രൊ. ജെ. എസ്. രജ്പുത്ത്തുടങ്ങിയവര് അംഗങ്ങളാണ്.
വിദ്യാഭ്യാസമേഖലയുമായി ബന്ധപ്പെട്ട വിദഗ്ധരുമായി സമിതി വിപുലമായ ചര്ച്ചകള് നടത്തുകയും, വിദ്യാഭ്യാസ സ്ഥാപനങ്ങള് സന്ദര്ശിക്കുകയും ചെയ്തിരുന്നു. ദേശീയ, വിദ്യാഭ്യാസ നയരൂപീകരണവുമായി ബന്ധപ്പെട്ട്, ദേശീയമേഖലാതലങ്ങളില് ഓണ്ലൈനില് ഉള്പ്പെടെ കേന്ദ്ര മാനവശേഷിവികസന മന്ത്രാലയം നടത്തിയിരുന്നു.
www.MyGov.inവഴി 2015 ജനുവരി 26 മുതല് 2015 ഒക്ടോബര് 31 വരെ നടത്തിയ ഓണ്ലൈന് കൂടിയാലോചനകളില് 29,000 ത്തിലധികം നിര്ദ്ദേശങ്ങള് ലഭിച്ചിരുന്നു. 2015 മെയ് മുതല് ഒക്ടോബര് വരെ 36 സംസ്ഥാനങ്ങളിലെയും, കേന്ദ്ര ഭരണ പ്രദേശങ്ങളിലെയും, ഗ്രാമ, ബ്ലോക്ക്, ജില്ലാ പഞ്ചായത്ത്, നഗരസഭാതലങ്ങളില് ചര്ച്ച നടത്തിയിരുന്നു.
പ്രതികരിക്കാൻ ഇവിടെ എഴുതുക: