പെട്രോളിന്റെ വില ഒരു കാരണവശാലും കുറയ്ക്കരുത്. കഴിഞ്ഞ ഒരുവര്ഷം 10 രൂപയിലധികം വില ലിറ്ററിന് കുറഞ്ഞിട്ടും ഇവിടുത്തെ സാധാരണക്കാരന് എന്ത് മെച്ചം ഉണ്ടായി? ഒരു ചായയുടെ വില 8 രൂപയില് നിന്ന് (സാദാ ചായക്കടയില്) അമ്പതു പൈസയെങ്കിലും കുറഞ്ഞോ??
പെട്രോളിന് 2 രൂപ കൂടിയപ്പോള് 5 രൂപ വീതം കൂട്ടിയ ഓട്ടോ ചാര്ജും ബസ് ചാര്ജും ഒരു രൂപയെങ്കിലും കുറഞ്ഞോ? കാറ് മുതലാളിമാര്ക്ക് രാജ്യത്തെ വിലകൊടുത്ത് പെട്രോള് വാങ്ങാനുള്ള കഴിവില്ലെങ്കില് വണ്ടി ഓടിക്കേണ്ട. ഈ രാജ്യത്തിന്റെ സമ്പത്ത് വാഹനമുതലാളിമാര്ക്ക് മാത്രം അവകാശപ്പെട്ടതല്ല, ഇവിടുത്തെ സാധാരണക്കാരനും കൂടി അവകാശപ്പെട്ടതാണ്. രാജ്യത്തിന്റെ അടിസ്ഥാന സൗകര്യം വികസിക്കണം. രാജ്യത്തെ 5 കോടി ബിപിഎല് കുടുംബങ്ങള്ക്കാണ് ഈ വര്ഷം സൗജന്യമായി ഗ്യാസ് കണക്ഷന് കൊടുത്തത്. ഇതിനൊക്കെ വേണ്ടി കുറച്ചു കൂടുതല് കാശ് കൊടുത്ത് പെട്രോള് അടിക്കാന് ഞാന് തയാറാണ്….
ഇപ്പോള് തന്നെ ദല്ഹിയിലെ റോഡിലെ പുക സിഗറട്ട് പുകയ്ക്കു സമാനമാണ്. എസി കാറിലും, വീട്ടിലും കിടക്കുന്ന പണക്കാരനല്ല ഇതിന്റെ തിക്തഫലം അനുഭവിക്കുന്നത്, മറിച്ച് റോഡിലൂടെ നടക്കുന്ന പാവപ്പെട്ടവനാണ്. ഇനീം, പെട്രോള് വില കുറച്ചു വാഹനങ്ങളുടെ എണ്ണം കൂട്ടണോ?
രാമചന്ദ്രന് പുത്തൂര്
പ്രതികരിക്കാൻ ഇവിടെ എഴുതുക: