ന്യൂദല്ഹി: വ്യോമസേനയുടെ മിഗ് 27 വിമാനം ആള്ത്താമസമുള്ള പ്രദേശത്ത് തകര്ന്ന് വീണു. പ്രദേശത്തെ രണ്ട് വീടുകള് പൂര്ണമായും തകര്ന്നു.
ജോധ്പുരിലെ എയര്ഫോഴ്സ് ആസ്ഥാനത്ത് നിന്നും 5 കിലോമീറ്റര് അകലെയുള്ള ഗ്രാമത്തിലാണ് വിമാനം തകര്ന്ന് വീണത്. അപകടത്തില് പൈലറ്റുമാര്ക്ക് പരിക്കുകള് ഏറ്റിട്ടില്ല. സ്ഥിരം പരിശീലനത്തിന്റെ ഭാഗമായി വിമാന പറത്തുന്നതിനിടയിലാണ് വിമാനം തകര്ന്നത്.
സാങ്കതിക തകരാറാണ് അപകടകാരണമായി കണക്കാക്കുന്നത്. എഞ്ചിന് തകരാറ് കണ്ടതിനെത്തുടര്ന്ന് പൈലറ്റ് പാരച്ച്യൂട്ടിന്റെ സഹായത്തോടെ പുറത്തേക്ക് ചാടുകയായിരുന്നുവത്രെ.
സംഭവത്തെക്കുറിച്ച് വിശദമായ റിപ്പോര്ട്ട് അധികൃതര് ഉത്തരവിട്ടു. വിമാനം പറന്നുയര്ന്ന ഉടനെ തകര്ന്നു വീഴുകയായിരുന്നു എന്നാണ് പ്രദേശിക റിപ്പോര്ട്ടുകള് സൂചിപ്പിക്കുന്നത്.
പ്രതികരിക്കാൻ ഇവിടെ എഴുതുക: