പരമപുരുഷനായ ഭഗവാനാണ് നമ്മുടെ ഹൃദയത്തില് സ്ഥിതിചെയ്തുകൊണ്ട് നമ്മുടെ ദേഹേന്ദ്രിയങ്ങളെ പ്രവര്ത്തിപ്പിക്കുന്നത്. അതുകൊണ്ട് എല്ലാത്തരം കര്മ്മങ്ങളുടേയും യഥാര്ത്ഥ കര്തൃത്ത്വംഭഗവാനില്തതന്നെയാണ്. ഇതാണ് അദ്ധ്യാത്മചേതസാ എന്ന പദത്തിന്റെ അര്ത്ഥം. ഭഗവാന്നമ്മെക്കൊണ്ട് കര്മ്മംചെയ്യിക്കുകയാണ്. ഈബോധം എപ്പോഴും വേണം. ഈകര്മ്മംചെയ്താല് ഞാന് എങ്ങനെയായിത്തീരും തുടങ്ങിയ ഉള്ളിലെ സന്താപം തന്നെ ജ്വരം. അതുപാടില്ല.
പരമാത്മാവായ ശ്രീകൃഷ്ണനെ കേന്ദ്രീകരിച്ച് എപ്പോഴും സ്ഥിതിചെയ്യുന്ന മനസ്സോടെയാണ് കര്മ്മം ചെയ്യേണ്ടത്. എല്ലാആഗ്രഹങ്ങളേയും ഉപേക്ഷിക്കുന്നതിനിടയില് ശ്രീകൃഷ്ണ ഭക്തിവേണമെന്നും ഭാഗവതതത്ത്വ വിജ്ഞാനംവേണമെന്നുംഉള്ള ആഗ്രഹം ഒരിക്കലും ഉപേക്ഷിക്കരുത്. ശ്രീകൃഷ്ണന് നമ്മുടെ ഉള്ളില്സ്ഥിതിചെയ്ത് സര്വ കര്മ്മങ്ങളും ചെയ്യുയാണെന്ന അവബോധത്തോടെ ഞാന് സ്വതന്ത്രനായ കര്മ്മകര്ത്താവാണെന്ന ഭാവംവെടിഞ്ഞ്, ശ്രീകൃഷ്ണാരാധനയായി എല്ലാത്തരം കര്മ്മങ്ങളും അനുഷ്ഠിക്കണം.
വിഗതജ്വരഃ
ബന്ധു, ഗുരുജനങ്ങള്, കൊല്ലപ്പെടുമല്ലോ എന്ന ശോകവും നരകത്തില് വീഴുമല്ലോ എന്ന ദുഃഖവും വര്ണ്ണസങ്കരം വരുമല്ലോ എന്ന ഭയവും ഉപേക്ഷിക്കണം. യുദ്ധസ്വ: എന്റെ അവതാരോദ്ദശ്യമായ ദുഷ്ടന്മാരുടെ വധമെന്ന കര്മ്മത്തില് ഉള്ക്കൊണ്ട് എന്റെ ആരാധനയായി യുദ്ധം ചെയ്യുക. ഇങ്ങനെചെയ്താല് ആസക്തിയില്ലായ്മ, അന്തഃക്കരണ ശുദ്ധി,ലോകസംഗ്രഹം ഈമൂന്ന് ലക്ഷ്യങ്ങളും ഒന്നിച്ച്നേടാം.
പ്രതികരിക്കാൻ ഇവിടെ എഴുതുക: