ചവറ: ബിജെപി പഞ്ചായത്ത് കമ്മിറ്റിയുടെ നേതൃത്വത്തില് ചവറ പഞ്ചായത്ത് ഓഫീസ് ഉപരോധിച്ചു. രാവിലെ 10ന് നന്ദകുമാര്, സതീഷ്കുമാര്, രാജു, രഞ്ചിത്ത്, മുരളി തുടങ്ങിയവരുടെ നേതൃത്വത്തില് കൊറ്റംകുളങ്ങരയില് നിന്നും പ്രകടനമായി എത്തിയാണ് പഞ്ചായത്ത് ഓഫീസ് കവാടം ഉപരോധിച്ചത്.
ഡങ്കിപ്പനിക്ക് പ്രതിരോധനടപടി സ്വീകരിക്കാത്തതിലും കുടിവെള്ളക്ഷാമം പരിഹരിക്കാന് നടപടി എടുക്കാത്തതിലും വഴിവിളക്കുകളുടെ അറ്റകുറ്റപണികളും, ഓടകളും തോടുകളും വൃത്തിയാക്കാന് നടപടി സ്വീകരിക്കാത്തതിലും പ്രതിഷേധിച്ചായിരുന്നു ഉപരോധം. ഉപരോധസമരം മണ്ഡലം പ്രസിഡന്റ് ഭരണിക്കാവ് രാജന് ഉദ്ഘാടനം ചെയ്തു. ചവറ പഞ്ചായത്ത് പ്രസിഡന്റ് അമൃതാലയം സുരേഷ് അദ്ധ്യക്ഷത വഹിച്ചു.
ആര്എസ്എസ് താലൂക്ക് കാര്യവാഹ് ജയറാം, ആര്എസ്എസ് ജില്ലാ സഹസേവാപ്രമുഖ് കല്ലേക്കുളം രാജന്, മണ്ഡലം ജനറല് സെക്രട്ടറി അപ്പുക്കുട്ടക്കുറുപ്പ്, മഹിളാ മോര്ച്ച ജില്ലാ ജനറല്സെക്രട്ടറി അഞ്ജനാസുരേഷ്, ചേനങ്കര ഹരികുമാര്, പഞ്ചായത്ത് ജനറല് സെക്രട്ടറി തയ്യില് സന്തോഷ്കുമാര്, വിനോദ്, ബിനിജാരാജന്, വള്ളിക്കീഴ് രാജേന്ദ്രന്, രവി തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: