മട്ടാഞ്ചേരി: നിലവിലുള്ള വാട്ടര് കണക്ഷന് മറ്റൊരാളുടെ പേരിലേക്ക് മാറ്റുന്നതിന് ജല അതോറിറ്റി ഏര്പ്പെടുത്തിയ നിബന്ധനകള് ഉപഭോക്താക്കള്ക്ക് വിനയാകുന്നു. ഉടമ വീട് വില്ക്കുമ്പോള് ഉപയോഗിച്ച് കൊണ്ടിരിക്കുന്ന കണക്ഷന് വാങ്ങുന്ന ആളുടെ പേരിലേക്ക് മാറ്റണമെങ്കില് ആ കണക്ഷന് വിഛേദിക്കണമെന്നതാണ് ഒരു നിബന്ധന. പിന്നീട് പുതിയ കണക്ഷന് അപേക്ഷ നല്കണം. ഇത് മൂലം പുതിയ കണക്ഷന് കിട്ടുന്നത് വരെ ഉപഭോക്താക്കള് വെള്ളത്തിനായി കാത്തിരിക്കേണ്ട സാഹചര്യമാണ്. നിലവിലെ കണക്ഷന് വിഛേദിക്കണമെന്ന നിബന്ധനയാണ് ഉപഭോക്താക്കളെ ഏറെയും വലക്കുന്നത്. പൊതു ടാപ്പുകള് ഇല്ലാത്ത പ്രദേശമാണെങ്കില് വെള്ളം മറ്റ് വീടുകളില് നിന്ന് ശേഖരിക്കുകയോ അല്ലെങ്കില് പണം കൊടുത്ത് വാങ്ങിക്കുകയോ ചെയ്യേണ്ട അവസ്ഥയാണ്. നിലവില് കണക്ഷന് ഉണ്ടെന്നിരിക്കേ അത് കട്ട് ചെയ്ത് പുതിയത് എടുക്കണമെന്ന നിബന്ധനക്ക് പകരം പേരിലേക്ക് മാറ്റുന്ന നടപടി ക്രമങ്ങള് ലഘൂകരിക്കണമെന്ന ആവശ്യവും ഉയര്ന്നിട്ടുണ്ട്.
നിലവിലെ വൈദ്യുതി കണക്ഷന് മറ്റൊരാളുടെ പേരിലേക്ക് മാറ്റുമ്പോള് പുതിയ കണക്ഷന് എടുക്കുന്ന നടപടി ക്രമങ്ങള് ചെയ്യണമെങ്കിലും കണക്ഷന് കട്ട് ചെയ്യണമെന്നില്ല.അതേ മാതൃകയില് ജല അതോറിറ്റിയും നടപടി ക്രമങ്ങള് മാറ്റണമെന്നാണ് ആവശ്യം ഉയര്ന്നിട്ടുള്ളത്.
പ്രതികരിക്കാൻ ഇവിടെ എഴുതുക: