ആലപ്പുഴ: നഗരത്തിന്റെ സമഗ്ര വികസനത്തിനായി ‘ആലപ്പുഴ നഗര റോഡ് വികസന പദ്ധതി’ നടപ്പാക്കുമെന്ന് മന്ത്രി ജി. സുധാകരന് പറഞ്ഞു. ആലപ്പുഴ നഗര റോഡ് വികസന പദ്ധതി തയാറാക്കുന്നതുമായി ബന്ധപ്പെട്ട് കൂടിയ ഉദ്യോഗസ്ഥതല യോഗത്തില് അദ്ധ്യക്ഷത വഹിക്കുകയായിരുന്നു അദ്ദേഹം.
നഗരത്തിലെ 16 റോഡുകള് വീതികൂട്ടി ശാസ്ത്രീയമായി നവീകരിച്ച് സൗന്ദര്യവത്കരിക്കും. റോഡ് മുറിച്ചുകടക്കുന്നതിന് ടേബിള്ടോപ്പ് സംവിധാനം, ജങ്ഷനുകളില് ഓട്ടോമാറ്റിക് സിഗ്നല് സംവിധാനം എന്നിവ സ്ഥാപിക്കും. നടപ്പാതപോലെ സൈക്കിളുകള്ക്കായി മാത്രം പാത നിര്മിക്കുന്ന കാര്യം പരിഗണിക്കും.
ദേശീയ ഗതാഗത ആസൂത്രണ-ഗവേഷണ കേന്ദ്രത്തിന്റെ (നാറ്റ്പാക്) സഹായത്തോടെ കേരള റോഡ് ഫണ്ട് ബോര്ഡാണ് (കെആര് എഫ്ബി) പദ്ധതി തയാറാക്കുന്നതെന്ന് മന്ത്രി പറഞ്ഞു. ഈ വര്ഷം തന്നെ പദ്ധതി ആരംഭിക്കും. രണ്ടു ഘട്ടമായാണ് പദ്ധതി പൂര്ത്തീകരിക്കുക. ഈടുനില്ക്കുന്ന റോഡുകളാണ് നിര്മിക്കുക.
നഗരത്തിലെ പൈതൃകകേന്ദ്രങ്ങളും കനാലുകളും സംരക്ഷിക്കാനുള്ള പദ്ധതികളും പദ്ധതിയില് ഉള്പ്പെടുത്തും. നഗരത്തിലെ 51.41 കിലോമീറ്റര് റോഡ് ശാസ്ത്രീയമായി നവീകരിക്കും. നഗരത്തിലെ 104 കനാലുകളുടെ സ്ഥിതി പഠിച്ച് റിപ്പോര്ട്ട് സമര്പ്പിക്കാന് ബന്ധപ്പെട്ട ഉദ്യോസ്ഥര്ക്ക് മന്ത്രി നിര്ദേശം നല്കി.
കനാലുകളുടെ പഴയ ഭൂപടങ്ങള് പഠനത്തിന് ഉപയോഗിക്കും. തിരുവമ്പാടി ജങ്ഷനിലെ ബസ് സ്റ്റോപ്പ് നിലവിലുള്ള സ്ഥലത്തുനിന്ന് തെക്കോട്ടു മാറ്റി സ്ഥാപിക്കാന് മന്ത്രി പൊലീസിനും കെഎസ്ആര്ടിസിക്കും നിര്ദേശം നല്കി.
ജങ്ഷനില് പാകിയ ടൈലുകള്ക്കു പുറത്ത് ബസുകള് നിര്ത്തുന്നതു മൂലം അവ തകരുന്നതായി നാട്ടുകാര് പരാതിപ്പെട്ടതിനെത്തുടര്ന്നാണ് മന്ത്രിയുടെ നിര്ദേശം. തിരക്കേറിയ കളര്കോട് ജങ്ഷനില് ഗതാഗത നിയന്ത്രണത്തിന് സ്ഥിരമായി പൊലീസിനെ നിയോഗിക്കാനും മന്ത്രി നിര്ദേശം നല്കി.
പദ്ധതിയില് ഉള്പ്പെടുന്ന റോഡുകള്
ആലപ്പുഴ: ചങ്ങനാശേരി ജങ്ഷന്-കൈതവന ജങ്ഷന് റോഡ്(അരകിലോമീറ്റര്). കളര്കോട്-വൈഎംസിഎ റോഡ്(3.5 കിമീ). കൈതവന-പോലീസ് ഔട്ട്പോസ്റ്റ് റോഡ് (സുഭാഷ് ചന്ദ്രബോസ്-സിറിയന് ചര്ച്ച്-പാലസ് റോഡ്-3.2 കിമീ). കെഎസ്ആര്ടിസി സ്റ്റാന്ഡ്-ശവക്കോട്ടപാലം റോഡ് (3 കിമീ). ചുടുകാട് ജങ്ഷന്-പുലയന്വഴി-വെള്ളക്കിണര്-മാര്ക്കറ്റ്-വൈഎംസിഎ റോഡ്(3 കിമീ). പുലയന്വഴി-റെയില്വേ സ്റ്റേഷന്-ബീച്ച് റോഡ്(1.6 കിമീ)പുലയന്വഴി-കളക്ടറേറ്റ്-ശവക്കോട്ടപ്പാലം-തുമ്പോളി റോഡ്(5.1 കിമീ)തുമ്പോളി-കൈചൂണ്ടി മുക്ക് റോഡ്(1.2 കിമീ).ജില്ലാക്കോടതി പാലം-സീറോ ജങ്ഷന് റോഡ്(.6 കിമീ). ഇരുമ്പുപാലം-കല്ലുപാലം റോഡ്(2.2 കിമീ). കളര്കോട്-പുന്നപ്ര ബീച്ച് റോഡ്(3.5 കിമീ). വാടയ്ക്കല്-ബീച്ച്-പുറക്കാട്-തോട്ടപ്പള്ളി(13 കിമീ). കളര്കോട്-പഴയനടക്കാവ് റോഡ്(12 കിമീ). ബീച്ച്-പിച്ചുഅയ്യര് ജങ്ഷന്-മുല്ലയ്ക്കല്-പഴവങ്ങാടി റോഡ്(3.4 കിമീ). ശവക്കോട്ട പാലം-ജില്ലാക്കോടതി പാലം(ഡബ്യൂസിഎന്ബി റോഡ്-1.6 കിമീ) ജില്ലാക്കോടതി പാലം-പുന്നമട റോഡ്(3 കിമീ).
പ്രതികരിക്കാൻ ഇവിടെ എഴുതുക: