കർമ്മങ്ങൾ ഭഗവാനോട് ബന്ധിപ്പിക്കുന്നവിധത്തിൽ ചെയ്ത് ജ്ഞാനയോഗത്തിലേയ്ക്കോ ഭക്തിയോഗത്തിലേയ്ക്കോ പ്രവേശിക്കാനുള്ള യോഗ്യത നേടുക എന്നതാണ് ഒരു സാധാരണ മനുഷ്യന് ചെയ്യുവാൻ സാധിക്കുന്നത്.
ഈ യോഗപ്രക്രിയ ഞാൻ ആദ്യമായി നിന്നോട് ഉപദേശിക്കുന്നതല്ല. ഈ ഭക്തി പ്രപഞ്ചത്തിന്റെ ദൈനംദിനപ്രവർത്തനത്തിനും നിലനിൽപ്പിനുംവേണ്ട ഈ വൈവസ്വത മന്വന്തരത്തിന്റെ ആരംഭകാലത്തുതന്നെ സൂര്യലോകത്തിന്റെ ഭരണാധികാരിയായ ‘‘വിവസ്വാൻ‘‘എന്നപേരുള്ള സൂര്യന് ഈയോഗം ഉപദേശിച്ചു. ഈ യോഗത്തിന് ഒരിക്കലും വ്യത്യസ്ഥതയോ, പരിണാമമോ, ന്യൂനതയോ സംഭവിക്കുകയില്ല.അതിന്നാൽ-അവ്യയം- എന്ന് വിശേഷിപ്പിക്കാം.
സൂര്യദേവന്റെ പ്രത്യക്ഷ വിഗ്രഹമായ സൂര്യഗോളമാണ് മറ്റ് എല്ലാ ഗോളങ്ങൾക്കും ചൂടും വെളിച്ചവും, ഊർജവും നൽകി ഭരിക്കുന്നത്. അതുകൊണ്ടാണ് ആദ്യമായി ഈയോഗം ശ്രീകൃഷ്ണ ഭഗവാൻ സൂര്യദേവന് ഉപദേശിച്ചത്.
പൗരാണിക കാലഗണനാക്രമം അനുസരിച്ച് നാം ജീവിക്കുന്ന ഈ കാലത്തെ വൈവസ്വത മന്വന്തരക്കാലം എന്നു പറയാം. വൈവസ്വതൻ- എന്ന വാക്കിന്റെ അർത്ഥം വിവസ്വന്റെ മകൻ എന്നാണ്. അദ്ദേഹത്തിന്റെ നാമധേയം- ശ്രാദ്ധദേവൻ- എന്നത്രേ. ആ ദേവനാണ് ഈ മന്വന്തരകാലത്തിലെ ഭരണാധികാരി.
ധാർമ്മികമായ ഭരണക്രമം നടപ്പിലാക്കാൻവേണ്ടി സൂര്യദേവൻ ഈ ഗീതാശാസ്ത്രം തന്റെ മകനായ ഇക്ഷ്വാകുവിനും ഉപദേശിച്ചു. ഇതാണ് ഈശാസ്ത്രത്തിന്റെ ഗുരുപരമ്പര.
തുടരും
പ്രതികരിക്കാൻ ഇവിടെ എഴുതുക: